ନୂଆଦିଲ୍ଲୀ: କେସିଆର ସରକାରଙ୍କ ଚେକ୍ ବାଉନ୍ସ । ତେଲଙ୍ଗାନା ମୁଖ୍ୟମନ୍ତ୍ରୀଙ୍କ ଦ୍ବାରା ଚାଷୀଙ୍କୁ ପ୍ରଦାନ କରାଯାଇଥିବା ସହାୟତା ରାଶି ଚେକ୍ ବାଉନ୍ସ ହୋଇଛି। କେଉଁ କାରଣରୁ ଚେକ୍ କ୍ୟାନ୍ସେଲ୍ ହୋଇଛି ତାହା ସ୍ପଷ୍ଟ ହୋଇନାହିଁ । ଚାଷୀ ଆନ୍ଦୋଳନ ସମୟରେ ପ୍ରାଣ ହରାଇଥିବା ଚାଷୀଙ୍କ ପରିବାରକୁ ସହାୟତା ପ୍ରଦାନ କରିଥିଲେ ଚନ୍ଦ୍ରଶେଖର ରାଓ ।
କେନ୍ଦ୍ର ସରକାର ୩ କୃଷି ନୀତି ଆଣିବା ପରେ ଏହାକୁ ବିରୋଧ କରିଥିଲେ ଚାଷୀ ସମୂହ । ଏନେଇ ଚଣ୍ତିଗଡ଼ରେ ପଞ୍ଜାବ ଓ ହରିୟାଣାର ଚାଷୀ ଆନ୍ଦୋଳନ କରିଥିଲେ । ବିକ୍ଷୋଭ ସମୟରେ କିଛି ଚାଷୀ ପ୍ରାଣହରାଇ ଥିଲେ । ତେହେ ଏହି ଚାଷୀଙ୍କ ପରିବାରକୁ ସହାୟତା ରାଶି ଘୋଷଣା କରିଥିଲେ ତେଲଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ । ୭୧୨ ଚାଷୀ ପରିବାରକୁ ୩ଲକ୍ଷ ଟଙ୍କା ଲେଖାଏଁ ଘୋଷଣା କରିବା ସହିତ ଚେକ୍ ପ୍ରଦାନ କରିଥିଲେ । ହେଲେ କିଛି ଚାଷୀଙ୍କୁ ମିଳିଥିବା ଚେକ୍ ବାଉନ୍ସ ହୋଇଯାଉଛି । ଏନେଇ ଚାଷୀମାନେ ତରନତାରନ ଜିଲ୍ଲାର କୃଷି ଅଧିକାରୀଙ୍କୁ ଜାଣାଇବା ପରେ ଟଙ୍କା ପ୍ରଦାନ କରାଯିବ ବୋଲି ଅଧିକାରୀ ଆଶ୍ବସନା ଦେଇଛନ୍ତି ।