ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

ଆଉ ଚାଲିବନି କମ୍ପାନିଙ୍କ ଏକଚାଟିଆ ନୀତି, ସବୁ ସ୍ମାର୍ଟଫୋନ ପାଇଁ କେବଳ ଗୋଟିଏ ଚାର୍ଜର, EUର ନୂଆ ନିୟମ

4/10/2022 at 7:52 PM

ନୂଆଦିଲ୍ଲୀ: ଚାର୍ଜରକୁ ନେଇ ମୋବାଇଲ କମ୍ପାନି ଗୁଡିକର ଏକଚାଟିଆ ଶେଷ ହେବାକୁ ଯାଉଛି । ବର୍ତ୍ତମାନ ସମୟରେ ଭାରତରେ ନୁହେଁ, କିନ୍ତୁ ୟୁରୋପରେ ଏବେ ମୋବାଇଲ କମ୍ପାନି ଗୁଡିକୁ ସମସ୍ତ ଷ୍ଟାଣ୍ଡାର୍ଡ ଫୋନ ପାଇଁ ସିଙ୍ଗଲ ଚାର୍ଜର ନିୟମ ପାଳନ କରିବାକୁ ପଡିବ । ନୂଆ ନିୟମ ଅନୁସାରେ, USB-C ଟାଇପ୍ ଚାର୍ଜର ସବୁ ମୋବାଇଲ ଫୋନ ପାଇଁ କମନ ଚାର୍ଜର ହେବ।

୨୦୨୪ ମସିହା ଶେଷ ବେଳକୁ ସମସ୍ତ ନୂଆ ସ୍ମାର୍ଟ ଫୋନ, ଟାବଲଏଡ ଏବଂ କ୍ୟାମେରାରେ USB-C ଚାର୍ଜିଂ ପୋର୍ଟ ଦିଆଯିବ । ଏହାକୁ ନେଇ ୟରୋପିଆନ ୟୁନିୟନ ପାର୍ଲିଆମେଣ୍ଟରେ ଏକ ନିୟମ ପାରିତ ହୋଇଛି । କମନ ଚାର୍ଜର ସପକ୍ଷରେ ୬୦୨ ଭୋଟ ହୋଇଛି, ଅନ୍ୟପଟେ ଏହା ବିରୋଧରେ ମାତ୍ର ୧୩ ଜଣ ଭୋଟ କରିଥିଲେ।

ତେବେ ଏହି ନିୟମର ସବୁଠୁ ବଡ଼ ପ୍ରଭାବ ଆପଲ ଉପରେ ଦେଖିବାକୁ ମିଳିଛି । ଆପଲ ଏହି କମନ ଚାର୍ଜର ନିୟମର ବିରୋଧ କରି ଆସୁଛି । କମ୍ପାନି ବର୍ତ୍ତମାନ ଲାଇଟନିଙ୍ଗ ପୋର୍ଟର ବ୍ୟବହାର କରୁଛି । USB-C ପୋର୍ଟକୁ ବର୍ତ୍ତମାନ ସମୟରେ ଅଧିକାଂଶ ମୋବାଇଲ କମ୍ପାନି ଚାର୍ଜର ଭାବେ ଯୋଗାଇଥାନ୍ତି।

ଏହି ପ୍ରସଙ୍ଗକୁ ନେଇ ଭାରତରେ ଆଲୋଚନା ଜାରି ରହିଛି । ଭାରତରେ ପ୍ରଥମ ପୋର୍ଟ USB-C ହେବ, କିନ୍ତୁ ଦ୍ୱିତୀୟ ପୋର୍ଟ ପାଇଁ ବର୍ତ୍ତମାନ ସମୟରେ କୌଣସି ସୂଚନା ସାମନାକୁ ଆସିନାହିଁ । ତେବେ ଏହି ନିୟମ ପରେ ଆପଲ କେଉଁ ପଦକ୍ଷେପ ନେଉଛି ତାହା ଉପରେ ସମସ୍ତଙ୍କ ନଜର ରହିଛି । କାରଣ ନିୟମ ପାଳନ ନ କଲେ କମ୍ପାନି ୟୁରୋପରେ ନିଜର ଉତ୍ପାଦ ବିକ୍ରି କରିପାରିବ ନାହିଁ ।   

   Related Posts