ନୂଆଦିଲ୍ଲୀ: ‘ରଖେ ହରି ତ ମାରିବ କିଏ’ । ଏହି ଉକ୍ତି ପୁଣି ଥରେ ପ୍ରମାଣିତ ହୋଇଛି । ବିମାନ ଦୁର୍ଘଟଣାର ୪୦ ଦିନ ପରେ ୪ ନାବାଳକ ଜୀବତ । ଆମାଜନ ଜଙ୍ଗଲରୁ ୪ଜଣଙ୍କୁ ଜୀବିତ ଉଦ୍ଧାର କରାଯାଇଛି । କଲମ୍ବିଆରେ ଏଭଳି କିଛି ଚମତ୍କାର ଘଟଣା ଦେଖିବାକୁ ମିଳିଛି ।
କୌଣସି ଭୟଙ୍କର ଦୁର୍ଘଟଣାରେ ସବୁଠାରୁ ଅଧିକ ପ୍ରଭାବିତ ହୋଇଥାନ୍ତି ଛୋଟ ପିଲା । ଦୁର୍ଘଟଣାରେ ଶିଶୁ ବଞ୍ଚାଇବା ବଡ଼ ଚ୍ୟାଲେଞ୍ଜ ସଦୃଶ ହୋଇଥାଏ । ଏଭଳି କିଛି ଘଟଣା କଲମ୍ବିଆର ଆମାଜନ ଜଙ୍ଗଲରେ ହୋଇଛି । ସୂଚନା ଅନୁଯାୟୀ, ମେ’ ୧ତାରିଖରେ ୭ଜଣ ଯାତ୍ରୀଙ୍କୁ ନେଇ ସେସନା-206 ବିମାନ କଲମ୍ବିଆ ଏୟାରସ୍ପେସରୁ ଉଡ଼ାଣ ଭରି ଆମାଜନ ଜଙ୍ଗଲରେ ଦୁର୍ଘଟଣାଗ୍ରସ୍ତ ହୋଇଥିଲା । ଏହି ଭୟଙ୍କର ଦୁର୍ଘଟଣାରେ ପାଇଲଟ୍ ସମେତ ୩ଜଣଙ୍କ ମୃତ୍ୟୁ ହୋଇଥିଲା । ସେମାନଙ୍କ ମୃତଦେହ ମଧ୍ୟ ଜବତ କରାଯାଇଥିଲା, ହେଲେ ୪ଜଣ ଛୋଟ ପିଲା ବିମାନ କ୍ରାସ ପରେ ନିଖୋଜ ହୋଇଯାଇଥିଲେ । ତେବେ ୪୦ ଦିନ ପରେ ଆକଷ୍ମିକ ଭାବେ ତାଙ୍କୁ ଉଦ୍ଧାର କରାଯାଇଛି ।
wp:html/wp:html¡Una alegría para todo el país! Aparecieron con vida los 4 niños que estaban perdidos hace 40 días en la selva colombiana. pic.twitter.com/cvADdLbCpm
— Gustavo Petro (@petrogustavo) June 9, 2023
ନ୍ୟୁଜ୍ ଏଜେନ୍ସି AFP ରିପୋର୍ଟ ମୁତାବକ, ବିମାନ ଦୁର୍ଘଟଣା ପରେ ସେନାର ଯବାନମାନେ ୪ ନିଖୋଜ ପିଲାଙ୍କୁ ଉଦ୍ଧାର ପାଇଁ ରେସକ୍ୟୁ ଅପରେସନ ଚଳାଇଥିଲେ । ଏବେ ୪ ପିଲା ୪୦ ଦିନ ପରେ ଆମାଜନ ଜଙ୍ଗଲରୁ ଜୀବିତ ମିଳିଛନ୍ତି । କଲମ୍ବିଆ ରାଷ୍ଟ୍ରପତି ଗୁସ୍ତାବୀ ପେଟ୍ରୋ ଏନେଇ ସୂଚନା ଦେବା ସହିତ ଆମାଜନ ଜଙ୍ଗଲର କୌକ୍ବେଟା ଏବଂ ଗଓ୍ବାବିୟାର ପ୍ରାନ୍ତରୁ ସୁରକ୍ଷିତ ଭାବେ ଉଦ୍ଧାର କରାଯାଇଥିବା କହିଛନ୍ତି । ନିଜ ଟ୍ବିଟରରେ ପେଟ୍ରୋ ଲେଖିଛନ୍ତି, ପୂରା ଦେଶ ପାଇଁ ଖୁସିର ମୁହୂର୍ତ୍ତ । ୪୦ ଦିନ ଜଙ୍ଗଲ ଭିତରେ ତିଷ୍ଠି ରହିବା ଏହା ଏକ ବଡ଼ ଉଦାହରଣ । ଏହା ଇତିହାସ ହୋଇରହିବ । ନିଖୋଜ ହୋଇଥିବା ପିଲା ମୁଖ୍ୟତଃ ୟୁଟୋଟୋ ଆଦିମ ଆଧିବାସୀର ବୋଲି ଜଣାପଡ଼ିଛି । ସେମାନଙ୍କ ବୟସ ଯଥାକ୍ରମେ- ୧୩, ୯, ୪ ଓ ୧ ବର୍ଷ ।
wp:embed {"url":"https://www.prameyanews7.com/amarnath-yatra-preparations-amit-shah-review-meeting-insurance-for-every-pilgrim-rfid-card-health-checkup/","type":"wp-embed","providerNameSlug":"prameya-news-7"}କଲମ୍ବିଆ ଜଙ୍ଗାଲରୁ ୪୦ ଦିନ ପରେ ୪ ଛୋଟ ପିଲାଙ୍କୁ ଜୀବତ ଭାବେ ଉଦ୍ଧାର କରାଯାଇଛି । ସିଙ୍ଗିଲ୍ ଇଞ୍ଜିନ୍ ବିଶିଷ୍ଟ ସେସନା-206 ବିମାନ ଦୁର୍ଘଟଣାଗ୍ରସ୍ତ ହୋଇ ଆମାଜନ ଜଙ୍ଗଲରେ ଖସିପଡ଼ିଥିଲା । ସେବେ ଠାରୁ ସେମାନେ ଜଙ୍ଗଲ ଭିତରେ ଫଳମୂଳ ଖାଇ ବଞ୍ଚିଥିଲେ ।
