ଭଦ୍ରକ ୧୫|୧: ଭଦ୍ରକ ଜିଲ୍ଲା ବାସୁଦେବପୁର ଅଞ୍ଚଳରେ ଘଟିଛି ଏକ ଅଭାବନୀୟ ଘଟଣା । ଜଣେ ୟୁନିଫର୍ମ ପିନ୍ଧିଥିବା କଲେଜ ଛାତ୍ରୀ ଆଜି ବେକରେ ଓଢଣୀ ଲଗାଇ ଆତ୍ମହତ୍ୟା କରିଛନ୍ତି । ବାସୁଦେବପୁର ପୋଲିସ ଥାନା ପଛପଟେ ଥିବା ଗୋପାଳି ନାମକ ଏକ ଛାତ୍ରୀ ମେସ୍ ରେ ସେ ଆତ୍ମହତ୍ୟା କରିଛନ୍ତି । ମୃତ ଛାତ୍ରୀଙ୍କ ନାଁ ସୁପ୍ରିୟା ମହାନ୍ତି । ସେ ବାସୁଦେବପୁର ଅଟଳବିହାରୀ ମହାବିଦ୍ୟାଳୟର ଯୁକ୍ତ ଦୁଇ କଳା ପ୍ରଥମ ବର୍ଷର ଛାତ୍ରୀ ଥିଲେ । ତାଙ୍କ ବାପାଙ୍କ ନାଁ ନରହରି ମହାନ୍ତି ଓ ତାଙ୍କ ନିଜ ଗାଁ ଭଦ୍ରକ ଜିଲ୍ଲା ଧାମରା ଅଞ୍ଚଳରେ । ଆଜି ସକାଳେ ମେସ୍ ରେ ରହୁଥିବା ଅନ୍ୟ ଛାତ୍ରୀମାନେ କଲେଜକୁ ଗଲା ପରେ ସେ ମେସ୍ ରେ ଏକୁଟିଆ ଥିଲେ । ଏହି ସମୟରେ ସେ ଓଢଣୀ ବାନ୍ଧି ଆତ୍ମହତ୍ୟା କରିଥିବା ଅନୁମାନ କରାଯାଉଛି । ଆତ୍ମହତ୍ୟା କରିବା ପୂର୍ବରୁ ମେସ୍ ର କବାଟ ଭିତର ପଟୁ ବନ୍ଦ କରିଥିଲେ । କଲେଜରୁ ଅନ୍ୟ ସାଙ୍ଗମାନେ ଫେରିବା ପରେ ଭିତରୁ ପଟୁ କବାଟ ବନ୍ଦ ଥିବା ଦେଖିଥିଲେ । ଅଘଟଣ ଆଶଙ୍କାରେ ମେସ୍ ଘରର ମାଲିକଙ୍କୁ ଡାକିଥିଲେ । କବାଟ ଭାଙ୍ଗି ଭିତରକୁ ଗଲାପରେ ସୁପ୍ରିୟା ଓଢଣୀ ବାନ୍ଧି ଝୁଲିପଡିଥିବା ଦେଖିବାକୁ ମିଳିଥିଲା । ଘର ମାଲିକ ତୁରନ୍ତ ତାଙ୍କୁ ବାସୁଦେବପୁର ଡାକ୍ତରଖାନାକୁ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
{"id":74212}![](https://www.prameyanews7.com/wp-content/uploads/2019/01/WhatsApp-Image-2019-01-15-at-30627-PM.jpg)
ଗତ ରବିବାର ଦିନ ସୁପ୍ରିୟା ବାସୁଦେବପୁର ନିକଟରେ ଥିବା ମନ୍ଦାରିକୁ ଯାଇଥିଲେ । ମନ୍ଦାରିରେ ତାଙ୍କ ମାମୁ ଘର । ୪ଦିନ ତଳେ ତାଙ୍କର ଜଣେ ଭାଇ ତାଙ୍କୁ ଏକ ମୋବାଇଲ ମଧ୍ୟ ଦେଇଥିଲେ । ଆତ୍ମହତ୍ୟାର କାରଣ ଜଣାପଡିନାହିଁ । ଡାକ୍ତରଙ୍କଠାରୁ ଖବର ପାଇ ପୋଲିସ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି ।