ଆଜମଗଡ଼ ୨୪/୨-କଲେଜ ଯାଇଥିଲା ଝିଅ । ସନ୍ଧ୍ୟାକୁ ଫେରି ନଥିଲା । ପରିବାରଲୋକ ଖୋଜାଖୋଜି କଲେ ଅନେକ । ସଂଧ୍ୟା ଯାଇ ରାତି ହେଲା ତଥାପି ଫେରିଲାନି । ପରିବାର ଲୋକ ବିଭିନ୍ନ ଆଶଙ୍କା ନେଇ ରାତି କାଟିଲେ । ତା ପରଦିନ ବି ଆସିଲାନି ଝିଅ । ତିନିଦିନ ପରେ ମହାରାଜଗଂଜ ଥାନା ଅଂଚଳ ଶିବପୁରାରେ ମିଳିଥିଲା ଶବ ।
ଶିବପୁରା ଅଂଚଳର ଏକ କ୍ଷେତରୁ ପୋଲିସ ଏହି ଶବ ଉଦ୍ଧାର କରିବା ପରେ ଥାନାକୁ ନେଇଯାଇଥିଲା । ସେହିଦିନ ମଧ୍ୟ କିଛିଦୂରରେ ପଡ଼ିଥିବା ବ୍ୟାଗକୁ ଉଦ୍ଧାର କରିଥିଲା ପୋଲିସ । ସେହି ବ୍ୟାଗରୁ କିଛି କାଗଜପତ୍ରରୁ ପୋଲିସ ଜାଣିପାରିଥିଲା ଯୁବତୀଙ୍କ ପରିଚୟ ।
ଗହମକ୍ଷେତରୁ ଉଦ୍ଧାର ହୋଇଥିବା ଶବ କେଶବପୁର ଅଂଚଳର । ଖବରନେବା ପରେ ପୋଲିସ ଜାଣିବାକୁ ପାଇଥିଲା ଯୁବତୀଙ୍କ ପରିଚୟ । ପରିବାରଲୋକଙ୍କୁ ଖବର ଦେବାପରେ ଚିହ୍ନଟ କରିଥିଲେ ଯୁବତୀଙ୍କ ଶବ ।
ପରିବାରଲୋକ କହିବା ଅନୁସାରେ ତିନିଦିନ ତଳେ ଘରୁ କଲେଜ ଯିବାକୁ କହି ଯାଇଥିଲା । ସଂଧ୍ୟା ସୁଦ୍ଧା ଯୁବତୀ ଫେରି ନ ଥିଲା । ଯୁବତୀଙ୍କ ବିବାହ ମେ ମାସରେ ସ୍ଥିର ହୋଇଥିଲା । ବିବାହକୁ ବିରୋଧ କରି କେହି ପୂର୍ବପ୍ରେମିକ ଏଭଳି କାଣ୍ଡ ଘଟାଇଥିବା ପରିବାର ପକ୍ଷରୁ ଆଶଙ୍କା କରାଯାଉଛି ।
