ନୂଆଦିଲ୍ଲୀ ୧୫।୧: ଜାତୀୟ ରାଜଧାନୀ ଦିଲ୍ଲୀ ସମେତ ଉତ୍ତର ଭାରତୀୟ ରାଜ୍ୟମାନଙ୍କରେ ପୁଣି ଥରେ ଥଣ୍ଡା ଫେରିପାରେ ବୋଲି ପୂର୍ବାନୁମାନ କରାଯାଉଛି। ପାଣିପାଗ ବିଭାଗଙ୍କ ଅନୁସାରେ ରବିବାର ଠାରୁ ଆଗାମୀ ୪ ଦିନ ପର୍ଯ୍ୟନ୍ତ ଗୁରୁତର ଶୀତ ଲହରୀ ପରିସ୍ଥିତି ଉପୁଜିପାରେ। ଏଣୁ ଉତ୍ତର-ପଶ୍ଚିମ ଭାରତୀୟ ରାଜ୍ୟମାନଙ୍କରେ ଥଣ୍ଡା ବୃଦ୍ଧି ପାଇବା ସହିତ ତାପମାତ୍ରା ହ୍ରାସ ହୋଇପାରେ ବୋଲି ସତର୍କ କରାଯାଇଛି। ପାଣିପାଗ ବିଭାଗଙ୍କ ଅନୁସାରେ ଉତ୍ତର ପଶ୍ଚିମ ଭାରତରେ ୧୫ରୁ ୧୮ ଜାନୁୟାରୀ ମଧ୍ୟରେ ଭୀଷଣ ଶୀତ ଲହର ଚାଲିପାରେ।
{"id":733494,"sizeSlug":"full","linkDestination":"none"}ଗତ ୨୪ ଘଣ୍ଟାରେ ଜମ୍ମୁ-କାଶ୍ମୀର, ଲଦ୍ଦାଖ, ହୀମାଚଳ ପ୍ରଦେଶ ଓ ଉତ୍ତରାଖଣ୍ଡରେ ହାଲୁକା ବର୍ଷା ହୋଇଛି। ଏହା ଛଡା ଅରୁଣାଚଳ ପ୍ରଦେଶ, ପଶ୍ଚିମବଙ୍ଗ, ଶିକ୍କିମ, ଆସାମ, ମେଘାଲୟ ଓ ଆଣ୍ଡାମାନେ ନିକୋବର ଦ୍ୱୀପ ପୁଞ୍ଜରେ ହାଲୁକା ବର୍ଷା ହୋଇଛି। ଉତ୍ତର-ପଶ୍ଚିମ ରାଜସ୍ଥାନରେ ସର୍ବନିମ୍ନ ତାପମାତ୍ରା ୧ରୁ ୩ ଡିଗ୍ରି ମଧ୍ୟରେ ରେକର୍ଡ ହୋଇଛି। ଏଥିରେ ପାଣିପାଗ ବିଭାଗ ଆଗାମୀ ୫ ଦିନ ନିମନ୍ତେ ତାପମାନର ସୂଚନା ଦେଇଛନ୍ତି। ଏଥିରେ ଉତ୍ତରପଶ୍ଚିମ ଭାରତରେ ଆଗାମୀ ୨ ଦିନ ପର୍ଯ୍ୟନ୍ତ ନିମ୍ନତମ ତାପମାତ୍ରାରେ ୪ରୁ ୬ ଡିଗ୍ରି ହ୍ରାସ ହୋଇପାରେ ବୋଲି କହିଛନ୍ତି।
{"id":733495,"sizeSlug":"full","linkDestination":"none"}ମଧ୍ୟପ୍ରଦେଶରେ ଆଗାମୀ ୨ ଦିନରେ ସର୍ବନିମ୍ନ ତାପମାତ୍ରା ୨ରୁ ୫ ଡିଗ୍ରି ସେଲସିୟସ ପର୍ଯ୍ୟନ୍ତ ହ୍ରାସ ହୋଇପାରେ। ସେହିପରି ପୂର୍ବ ଭାରତରେ ମଧ୍ୟ ଆଗାମୀ ୨ ଦିନରେ ୨ରୁ ୪ ଡିଗ୍ରି ସେଲସିୟସ୍ ହ୍ରାସ ହୋଇପାରେ। ତେବେ ଏହି ସମୟରେ ଦିଲ୍ଲୀ ଓ ଏନସିଆରରେ ସର୍ବନିମ୍ନ ତାପମାତ୍ରାରେ ୨ରୁ ୩ ଡିଗ୍ରି ହ୍ରାସ ହୋଇପାରେ। ଆଇଏମଡିଙ୍କ ପୂର୍ବାନୁମାନ ଅନୁସାରେ ଦିଲ୍ଲୀରେ ୧୬ରୁ ୧୮ ଜାନୁୟାରୀ ମଧ୍ୟରେ ଶୀତ ଲହର ଚାଲିବ।