vridhi excotica
ratha jatra live
star kirano
ori homes
vridhi excotica
ratha jatra live
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଏବେ ଅବହେଳିତ ଅବସ୍ଥାରେ ବଳରାମ ଗଡ଼ି ମାଛ ଧରା କେନ୍ଦ୍ର : ଜେଟି ଓ ଶୀତଳଭଣ୍ଡାର ନଥିବାରୁ ଅନେକ କ୍ଷତି ସହୁଛନ୍ତି ଟ୍ରଲର ମାଲିକ

23/06/2019 at 2:34 PM

ବାଲେଶ୍ବର ୨୩/୬:  ବଳରାମ ଗଡ଼ି ମାଛ ଧରା କେନ୍ଦ୍ର ଅବହେଳିତ । ୨ ମାସ ପରେ ପୁଣି ମାଛ ଧରା ଆରମ୍ଭ ହୋଇଛି । । ଟ୍ରଲର ମାଲିକମାନେ ଏବେ ଭଲ ମାଛ ପାଉଛନ୍ତି । ହେଲେ ବଳରାମଗଡ଼ିରେ ଜେଟି ଓ ଶୀତଳଭଣ୍ଡାର ନଥିବାରୁ  ଟ୍ରଲର ମାଲିକମାନେ ଅନେକ କ୍ଷତି ସହୁଛନ୍ତି ।  ଆଜିକୁ ୧୦ ବର୍ଷ ହେବ ସରକାରଙ୍କ ନିକଟରେ ଜେଟି ଓ ଶୀତଳଭଣ୍ଡାର ପାଇଁ  ଗୁହାରି କରିଆସୁଥିଲେ ବି ଫଳ ଘର ଶୂନ ।

ଏଠାରୁ ୫ ଶହରୁ ଉର୍ଦ୍ଧ ଟ୍ରଲର ସମୁଦ୍ରକୁ ଯାଇଥାଆନ୍ତି ମାଛ ମାରିବା ପାଇଁ । ଏହି ମାଛଧରା କେନ୍ଦ୍ର ଉପରେ ୧୦ ହଜାରରୁ ଉର୍ଦ୍ଧ ଲୋକ  ନିର୍ଭର କରି ପରିବାର ପ୍ରତିପୋଷଣ କରିଥାଆନ୍ତି । ଏଠାରୁ ପ୍ରଚୁର ପରିମାଣର ମାଛ ଧରା ହେଲେ ବି ସଂରକ୍ଷଣ ପାଇଁ ଶୀତଳ ଭଣ୍ଡାରଟିଏ ନାହିଁ । ତେଣୁ ଟ୍ରଲରମାଲିକମାନେ  ଏହି ମାଛକୁ ଯଥାଶୀଘ୍ର  ପଶ୍ଚିମ ବଙ୍ଗ ପଠାଇଦିଅନ୍ତି ନହେଲେ  ଶାଗ ମାଛ ଦରରେ ବାହାରର ବେପାରୀଙ୍କ ହାତକୁ ଟେକିଦେଇଥାଆନ୍ତି । ଫଳରେ  ସ୍ଥାନୀୟ ବେପାରୀ ହାତଟେକି ବସୁଥିବା ବଳେ ବାହାର ବେପାରୀ  ମାଲେମାଲ୍ ହୁଅନ୍ତି । ସେହିଭଳି ଏଠାରେ ଟ୍ରଲର ଗୁଡ଼ିକି କୂଳରେ ଲାଗିବାପାଇଁ ଗୋଟିଏ ବି ଜେଟି ନାହଁ ।   

ବାଲେଶ୍ବରରୁ ପ୍ରତି ଦିନ ପଶ୍ଚିମବଙ୍ଗ, ବିହାର, ଛତିଶଗଡ଼,ଝାଡ଼ଖଣ୍ଡ ଆଦି ରାଜ୍ୟକୁ ମାଛ ରପ୍ତାନୀ ହୋଇଥାଏ ।  ଚିଙ୍ଗୁଡ଼ି ,ପମ୍ପରେଟ, ଇଲିସି ଭଳି ମାଛ ବାଙ୍ଗଲାଦେଶ, ଚୀନ୍ ସମେତ ବିଭିନ୍ନ ଦେଶକୁ ଯାଇଥାଏ । ୨୦୧୪ରେ ସରକାର ଏଠାରେ ୫୦ କୋଟି ଟଙ୍କା ବ୍ୟୟରେ ଗୋଟିଏ ଜେଟି ନିର୍ମାଣ କରିବା ପାଇଁ ଅର୍ଥ ଦେଇଥିଲେ । ହେଲେ ଟେଣ୍ଡର କେହି ନପକାଇବାରୁ ତାହା ହୋଇ ପାରିଲା ନାହଁ। ସେହିଭଳି ଏଠାରେ ଏକ ପ୍ରସେସିଂ ପ୍ଲାଣ୍ଟ କରିବା ପାଇଁ ସରକାର ୯ କୋଟି ଟଙ୍କା ଦେଇଛନ୍ତି ।ହେଲେ  ବିଭାଗୀୟ ଅବହେଳା ପାଇଁ ଏହା ଆଜି ପର୍ଯ୍ୟନ୍ତ ହେଇପାରିଲାନି ।

   Related Posts