scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପାରାଦୀପ ବନ୍ଦରରୁ ମିଳିଥିବା ସନ୍ଦିଗ୍ଧ ପ୍ୟାକେଟ୍‌ରେ କୋକେନ୍, ମୂଲ୍ୟ ୧୧ଶହ କୋଟି ଟଙ୍କା ସୂଚନା

1/12/2023 at 1:59 PM

ପାରାଦୀପ ୧।୧୨: ପାରାଦୀପ ବନ୍ଦର ପିଆଇସିଟି ବର୍ଥ MV DEBI ଜାହାଜ ଭିତରୁ ସନ୍ଦେହଜନକ ପ୍ୟାକେଟ୍ ମଧ୍ୟରୁ କୋକେନ୍ ମିଳିଥିବା ସୂଚନା । ବର୍ତ୍ତମାନ ସୁଦ୍ଧା ୫୫ଟି ପ୍ୟାକେଟ୍ ଜବତ ହୋଇଛି । ଜାହାଜରେ ପୋଲିସ, ସିଆଇଏସଏଫ ଓ ଡଗ୍ ସ୍କ୍ୱାର୍ଡ ପକ୍ଷରୁ ଯାଞ୍ଚ କାର୍ଯ୍ୟ ଚାଲିଛି । ଜବତ ୫୫ଟି ପ୍ୟାକେଟ କଷ୍ଟମ ବିଭାଗକୁ ହସ୍ତାନ୍ତର କରାଯାଇଛି । ଜାହାଜଟି ଇଣ୍ଡୋନେସିଆରୁ ଆସିଥିଲା । ଜାହାଜରୁ ଜବତ ହୋଇଥିବା ପ୍ୟାକେଟ୍‌ରେ ୧୧ଶହ କୋଟି ଟଙ୍କାର କୋକେନ୍ ଥିବା ସୂଚନା ରହିଛି । କଷ୍ଟମ ବିଭାଗର ତଦନ୍ତ ସରିବା ପରେ ଏ ନେଇ ଅଧିକ ତଥ୍ୟ ଜଣାପଡିବ ।

ସୂଚନାଯୋଗ୍ୟ ଯେ, ଇଣ୍ଡୋନେସିଆର ଗ୍ରେସକ୍ ପୋର୍ଟରୁ ଆସିଥିଲା ଏମଭି ଦେବୀ ନାମକ ଜାହାଜ । ଗତ ରାତିରେ ଏହା ପିଆଇସିଟି ଟର୍ମିନାଲରେ ଆଙ୍କରିଂ କରିଥିଲା । ମାଲ୍ ଅନଲୋଡିଂ କରି ପାରାଦୀପ ବନ୍ଦରରୁ ଷ୍ଟିଲ ବୋଝେଇ କରି ଡେନମାର୍କ ଯାଇଥାଆନ୍ତା । ହେଲେ ଏହାର କ୍ରେନ୍ ଖରାପ ହୋଇଯାଇଥିଲା । କ୍ରେନ୍ ଅପରେଟର ଯାଞ୍ଚ କରୁଥିବା ବେଳେ ଅପରେଟର ରୁମ୍ ଭିତରେ ଚୁମ୍ବକ ପଶି ଏକ ଓ୍ବାଲରେ କିଛି ପ୍ୟାକେଟ୍ ଲଗା ଯାଇଥିବା ଦେଖିବାକୁ ପାଇଥିଲେ । ଏନେଇ ସେ ସିପିଙ୍ଗ ଏଜେଣ୍ଟ ଏବଂ କଷ୍ଟମ୍ ବିଭାଗକୁ ଜଣାଇଥିଲେ । ଖବର ପାଇ ଗତ ରାତିରେ CISF, ପାରାଦୀପ ପୋଲିସ୍‌, ଡଗ୍‌ ସ୍କ୍ୱାର୍ଡ ଓ କଷ୍ଟମ୍ ଅଧିକାରୀ ପହଞ୍ଚି ଯାଞ୍ଚ କରିଥିଲେ । ଯାଞ୍ଚ ବେଳେ ୮ଟି ସନ୍ଦିଗ୍ଧ ପ୍ୟାକେଟ୍ ଜବତ ହୋଇଥିଲା । ଆଜି ପୁଣି ଯାଞ୍ଚ ବେଳେ ମୋଟ ୫୫ ଟି ପ୍ୟାକେଟ୍ ମିଳିଛି । ଜବତ ସାମଗ୍ରୀର ଯାଞ୍ଚ ପାଇଁ ଭୁବନେଶ୍ବରରୁ କଷ୍ଟମ ବିଭାବ ବରିଷ୍ଠ ଅଧିକାରୀ ଡ୍ରଗ ଟେଷ୍ଟିଂ କିଟ୍ ସହ ପାରାଦୀପରେ ପହଞ୍ଚିଥିଲେ । ସବୁ ପ୍ୟାକେଟ ଯାଞ୍ଚ ପରେ ସେଥିରେ କୋକେନ ଥିବା ସ୍ପଷ୍ଟ ହୋଇଛି । ପ୍ରଥମଥର ପାଇଁ ପାରାଦୀପରୁ ଧରାପଡ଼ିଛି ଏତେ ପରିମାଣର କୋକେନ୍ ।

ବିଦେଶକୁ କୋକେନ୍ ଚାଲାଣରେ ଇଣ୍ଡୋସେନିଆର ପୁରୁଣା ରକେର୍ଡ ରହିଛି । ବାହାର ଦେଶରେ ବହୁବାର ଇଣ୍ଡୋନେସିଆ ଜାହାଜରୁ ଜବତ ହୋଇଛି ବିପୁଳ କୋକେନ୍ । ଡ୍ରଗ୍ସ ସହ ଅନେକ ଥର ବିଦେଶରେ ଧରାପଡିଛନ୍ତି ଇଣ୍ଡୋସେନିଆ ନାଗରିକ ।

ସେପଟେ ପାରାଦୀପ ବନ୍ଦର ଦେଇ ଏତେ ପରିମାଣର କୋକେନ୍ ବିଦେଶ ଚାଲାଣ ହେବାକୁ ନେଇ ଉଠିଛି ଅନେକ ପ୍ରଶ୍ନ । ପୂର୍ବରୁ ପାରାଦୀପ ଇଣ୍ଟରନ୍ୟାସନାଲ କାର୍ଗୋ ଟର୍ମିନାଲରେ ବିଦେଶୀ ମଦ ଆଉ ସିଗାରେଟ ଚାଲାଣ ବେଳେ ଧରା ପଡ଼ିଥିଲା । ଏବେ ଗୋଟିଏ ଦେଶରୁ ଅନ୍ୟ ଦେଶକୁ ଏହି ରାସ୍ତା ଦେଇ କୋକେନ୍ ଚୋରା ଚାଲାଣ ହେଉଥିବା ସ୍ପଷ୍ଟ ହୋଇଛି । ଏହା ପଛରେ ପୋର୍ଟର କେଉଁ ଅଧିକାରୀଙ୍କ ହାତ ରହିଛି, କିଏ ଏହି ନିଶା କାରବାର ସହ ସଂପୃକ୍ତ ତାହା ତଦନ୍ତ ସାପେକ୍ଷ ।

You Can Read :

   Related Posts