ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠମଲ୍ଲିକ: ଦନ୍ତା ହାତୀର ମୃତଦେହ ଠାବ, ଶରୀରରେ ରହିଛି ଅନେକ କ୍ଷତଚିହ୍ନ
  • ||
  • ସମ୍ୱଲପୁର: ଜଳିଗଲା ଘରୋଇ ବସ୍ ନାଗରାଜ୍, ଅଳ୍ପକେ ବର୍ତ୍ତିଗଲେ କଣ୍ଡକ୍ଟର
  • ||
  • ବୌଦ୍ଧ: ନାଳରୁ ବ୍ୟାଙ୍କ୍ କର୍ମଚାରୀଙ୍କ ମୃତଦେହ ଉଦ୍ଧାର, ପାଖରେ ପଡିଛି ବାଇକ ଓ ମଦବୋତଲ
  • ||
  • ଭୁବନେଶ୍ୱର: ବରିଷ୍ଠ ଅଭିନେତ୍ରୀଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଶୋକ
  • ||
  • ଭଦ୍ରକ: ଭୟାବହ ଅଗ୍ନିକାଣ୍ଡରେ ଜଳିଗଲା ୧୫ ବଖରା, ୨ ଗୋ-ମାତା ଜୀବନ୍ତ ଦଗ୍ଧ
  • ||
  • କଟକ: ବରିଷ୍ଠ ଅଭିନେତ୍ରୀ ଝରଣା ଦାସଙ୍କ ପରଲୋକ, ୮୨ ବର୍ଷ ବୟସରେ ଦେହାନ୍ତ
  • ||

ପୂଜା ବଜାରରେ ମହଙ୍ଗା ଝଟ୍‌କା: ବଢିଲା CNG-PNG ମୂଲ୍ୟ

3/10/2022 at 10:50 PM

ନୂଆଦିଲ୍ଲୀ: ଦେଶରେ ବର୍ତ୍ତମାନ ମହଙ୍ଗା ସ୍ଥିତି ଜାରି ରହିଛି। ଦିନକୁ ଦିନ ସବୁ ସାମଗ୍ରୀର ମୂଲ୍ୟ ବୃଦ୍ଧି ହେଉଥିବା ବେଳେ ସରକାର ଦର ବୃଦ୍ଧି ସମ୍ପର୍କିତ କୌଣସି ପ୍ରସଙ୍ଗ ଉଠାଉ ନାହାନ୍ତି। ବରଂ ଲୋକେ ଧାର୍ମିକ ହିଂସାରେ ମାତି ରହୁଛନ୍ତି। ପୂଜା ବଜାରରେ ପୁଣି ମହଙ୍ଗା ମାଡ଼ ହୋଇଛି।

ଗ୍ୟାସ୍ ବିତରଣ କମ୍ପାନୀ ମହାନଗର ଗ୍ୟାସ ଲି(ଏମ୍‌ଜିଏଲ୍‌) ସିଏନ୍‌ଜିର ଦାମ କେଜି ପ୍ରତି ୬ ଟଙ୍କା ବଢ଼ାଇ ଦେଇଛି। ଏଥିସହିତ ପାଇପ୍‌ ଯୋଗେ ସପ୍ଲାଏ କରାଯାଉଥିବା ରନ୍ଧନ ଗ୍ୟାସ୍‌ (ପିଏନ୍‌ଜି)ଦର ୟୁନିଟ ପିଛା ୪ ଟଙ୍କା ବୃଦ୍ଧି କରାଯାଇଛି। ସୋମବାର ମଧ୍ୟ ରାତ୍ରୀରୁ ନୂଆ ଦର ଲାଗୁ ହେବ।

ଦର ବଢ଼ିବା ମାତ୍ରେ ମୁମ୍ବାଇ ଓ ଆଖପାଖ ଅଞ୍ଚଳରେ ଯାନବାହନରେ ଇନ୍ଧନ ଭାବରେ ବ୍ୟବହାର ହେଉଥିବା କମ୍ପ୍ରେସ୍ଡ ନ୍ୟୁଚୁରାଲ୍ ଗ୍ୟାସ୍(ସିଏନ୍‌ଜି) ଖୁଚୁରା ମୂଲ୍ୟ କେଜି ପ୍ରତି ୮୬ ଟଙ୍କା ହୋଇଛି। ସେହିପରି ଘରୋଇ ପିଏନ୍‌ଜି ଦାମ କେଜି ପ୍ରତି ୫୨.୫୦ ଟଙ୍କା ହୋଇଛି। ଦର ବୃଦ୍ଧି ନେଇ କମ୍ପାନୀଗୁଡ଼ଙ୍କର କହିବା କଥା ହେଲା ସରକାର ଅକ୍ଟୋବର ୧ ତାରିଖରୁ ଗ୍ୟାସ ମୂଲ୍ୟରେ ୪୦ ପ୍ରତିଶତ ବୃଦ୍ଧି କରିବାରୁ ଏଭଳି ପଦକ୍ଷେପ ନେବାକୁ ପଡ଼ିଲା।

ପ୍ରକୃତିକ ଗ୍ୟାସର ମୂଲ୍ୟ ୪୦ ପ୍ରତିଶତ ବୃଦ୍ଧି ସହ ରେକର୍ଡ ସ୍ତରରେ ପହଞ୍ଚିଛି । ଏହାଦ୍ୱାରା ସିଏନଜି ଏବଂ ପିଏନଜିର ମୂଲ୍ୟରେ ଖୁବଶୀଘ୍ର ବୃଦ୍ଧି ଘଟିପାରେ । ତୈଳ ମନ୍ତ୍ରଣାଳୟର ପେଟ୍ରୋଲିୟମ ଯୋଜନା ଏବଂ ବିଶ୍ଲେଷଣ ପ୍ରକୋଷ୍ଠ (ପିପିଏସି) ପକ୍ଷରୁ ଜାରି ନିର୍ଦ୍ଦେଶ ଅନୁସାରେ, ପୁରୁଣା ଗ୍ୟାସ କ୍ଷେତ୍ରରୁ ଉତ୍ପାଦିତ ଗ୍ୟାସ ପାଇଁ ପୈଠ କରାଯାଉଥିବା ମୂଲ୍ୟ ୬.୧ ଡଲାର ପ୍ରତି ମିଲିୟନ ବ୍ରିଟିଶ ଥର୍ମାଲ ୟୁନିଟରୁ ବଢାଇ ୮.୫୭ ଏମବିଟିୟୁ କରାଯାଇଛି । ଏହି ମୂଲ୍ୟରେ ଦେଶରେ ଉତ୍ପାଦିତ ଗ୍ୟାସର ପ୍ରାୟ ଦୁଇ ତୃତୀୟାଂଶ ବିକ୍ରି କରାଯିବ।

ଏହି ନିର୍ଦ୍ଦେଶ ଅନୁସାରେ, ରିଲାଏନ୍ସ ଏବଂ ଏହାର ସହଯୋଗୀ ବିପି ପିଏଲସି ଦ୍ୱାରା କେଜି ବେସିନରେ ପରିଚାଳିତ ଡି-୬ ବ୍ଲକ ପରି ଦୁର୍ଗମ ଏବଂ ନୂଆ ଅଞ୍ଚଳରୁ ଉତ୍ପାଦନ କରାଯାଉଥିବା ଗ୍ୟାସର ମୂଲ୍ୟ ୯.୯୨ ଡଲାରରୁ ବଢାଇ ୧୨.୬ ଡଲାର କରାଯାଇଛି । ୨୦୧୯ ପରେ ଗ୍ୟାସର ମୂଲ୍ୟରେ ଏହା ତୃତୀୟ ବୃଦ୍ଧି ହେବ ।

ଅନ୍ତରାଷ୍ଟ୍ରୀୟ ବଜାରରେ ମୂଲ୍ୟ ବୃଦ୍ଧି ଯୋଗୁଁ ଏହି ସ୍ଥିତି ସୃଷ୍ଟି ହୋଇଛି । ସାର ପ୍ରସ୍ତୁତ କରିବା ସହ ବିଜୁଳି ଉତ୍ପାଦନରେ ପ୍ରାକୃତିକ ଗ୍ୟାସ ଏକ ପ୍ରମୁଖ କଞ୍ଚା ମାଲ । ଏହାକୁ ସିଏନଜିରେ ମଧ୍ୟ ପରବର୍ତ୍ତନ କରାଯାଇଥାଏ ଏବଂ ପିଏନସି ଅର୍ଥାତ ରୋଷେଇ ଗ୍ୟାସ ଭାବେ ମଧ୍ୟ ବ୍ୟବହାର କରାଯାଏ । ପ୍ରାକୃତିକ ଗ୍ୟାସ ମୂଲ୍ୟ ବୃଦ୍ଧି ହେବା ପରେ ସିଏନଜି ଏବଂ ପିଏନଜିର ମୂଲ୍ୟ ବୃଦ୍ଧି ଏକ ପ୍ରକାର ସୁନିଶ୍ଚିତ ବୋଲି କୁହାଯାଉଛି । ଉଲ୍ଲେଖଯୋଗ୍ୟ ଯେ, ଗତ ଏକ ବର୍ଷ ମଧ୍ୟରେ ଏଥିରେ ୭୦ ପ୍ରତିଶତରୁ ଅଧିକ ମୂଲ୍ୟ ବୃଦ୍ଧି ହୋଇସାରିଛି ।

କେନ୍ଦ୍ର ସରକାର ପ୍ରତି ଛଅ ମାସ ଅର୍ଥାତ ଏପ୍ରିଲ ୧ ଏବଂ ଅକ୍ଟୋବର ୧ରେ ଗ୍ୟାସର ମୂଲ୍ୟ ନିର୍ଦ୍ଧାରଣ କରିଥାନ୍ତି । ଏହି ମୂଲ୍ୟ ଆମେରିକା, କାନାଡା ଏବଂ ରୁଷ ପରି ଗ୍ୟାସ ରପ୍ତାନକାରୀ ଦେଶର ଗୋଟିଏ ବର୍ଷର ଚାରି ମାସରେ ପ୍ରଚଳିତ ମୂଲ୍ୟ ଉପରେ ନିର୍ଦ୍ଧାରିତ କରାଯାଇଥାଏ । ୨୦୨୧ ଜୁଲାଇରୁ ୨୦୨୨ ଜୁନ ଯାଏ ହାରାହାରି ମୂଲ୍ୟକୁ ଆଧାର କରି ଅକ୍ଟୋବର ୧ରୁ ମାର୍ଚ୍ଚ ୩୧ ଯାଏର ମୂଲ୍ୟ ନିର୍ଦ୍ଧାରଣ ହୋଇଥାଏ । ଏହି ଅବଧିରେ ବିଶ୍ୱ ସ୍ତରରେ ପ୍ରାକୃତିକ ଗ୍ୟାସର ମୂଲ୍ୟରେ ବଡ଼ ବୃଦ୍ଧି ଘଟିଛି ।  

   Related Posts