vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ପ୍ରକାଶ ପାଇଲା ଚଳିତ ବର୍ଷର ମାଟ୍ରିକ୍ ପରୀକ୍ଷା ଫଳ, ମୋଟ୍ ପାସ୍ ହାର ୯୦.୫୫ ପ୍ରତିଶତ
  • ||
  • ରାଉରକେଲା : ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୦୧ କୋଭିଡ୍ ପଜିଟିଭ୍
  • ||
  • ଘରୋଇ ଗ୍ୟାସ୍ ସିଲିଣ୍ଡର ହେଲା ମହଙ୍ଗା, ସିଲିଣ୍ଡର ପିଛା ବଢିଲା ୫୦ ଟଙ୍କା
  • ||
  • ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ଭୁବନେଶ୍ୱର : ରଶ୍ମିରେଖାଙ୍କ ପୁରୁଷବନ୍ଧୁଙ୍କ ଆତ୍ମହତ୍ୟା, ରାଉରକେଲାରୁ ମିଳିଲା ଝୁଲନ୍ତା ମୃତଦେହ
  • ||

ଅଋଣାଚଳବାସୀଙ୍କୁ ଆଶ୍ୱସ୍ତ କଲେ ମୁଖ୍ୟମନ୍ତ୍ରୀ, କହିଲେ ରାଜ୍ୟରୁ ହଟିବନି ସମ୍ବିଧାନର ଅନୁଚ୍ଛେଦ ୩୭୧-ଏଚ୍

16/08/2019 at 4:23 PM

ଇଟାନଗର : କେନ୍ଦ୍ର ସରକାର ସମ୍ବିଧାନର ଅନୁଚ୍ଛେଦ ୩୭୦ ପ୍ରତ୍ୟାହାର କରିବା ପରେ ଏବେ ଏହିଭଳି ଅତିରିକ୍ତ ସୁବିଧା ସୁଯୋଗ ଉପଲବ୍ଧ କରୁଥିବା ରାଜ୍ୟମାନଙ୍କ ମଧ୍ୟରେ ଭାଳେଣି ପଡିଛି। ତେବେ ଅଋଣାଚଳ ପ୍ରଦେଶ ଉପଭୋଗ କରୁଥିବା ସମ୍ବିଧାନର ଅନୁଚ୍ଛେଦ ୩୭୧-ଏଚ୍  ପାଇଁ ରାଜ୍ୟବାସୀଙ୍କୁ ନିରାଶ ହେବାକୁପଡିବ ନାହିଁ । ଏହା କହିଛନ୍ତି ମୁଖ୍ୟମନ୍ତ୍ରୀ ପେମା ଖାଣ୍ଡୁ।

ଇଟାନଗରରେ ୭୩ ତମ ସ୍ୱାଧୀନତା ଦିବସ ପାଳନ ଅବସରରେ ଆୟୋଜିତ ଉତ୍ସବରେ ଜାତୀୟ ପତାକା ଉତ୍ତୋଳନ କରି ମୁଖ୍ୟମନ୍ତ୍ରୀ  ରାଜ୍ୟବାସୀଙ୍କୁ ଏ ବାବଦେ ଆଶ୍ୱସ୍ତ କରିଛନ୍ତି। ମୁଖ୍ୟମନ୍ତ୍ରୀ କହିଛନ୍ତି ଯେ ସମ୍ବିଧାନର ଅନୁଚ୍ଛେଦ ୩୭୧-ଏଚ୍ ରାଜ୍ୟର ଆର୍ଥିକ ଓ ସାଂସ୍କୃତିକ ହିତ ଲାଗି ଉଦ୍ଧିଷ୍ଟ ହୋଇଥିବା ବେଳେ ଏହା ସମାବେଶୀ। ତେବେ ସମ୍ବିଧାନର ଅନୁଚ୍ଛେଦ ୩୭୦ ବିଭାଜନକାରୀ ଥିଲା । ଏଣୁ କେନ୍ଦ୍ର ସରକାର ଏହାକୁ ହଟାଇବାକୁ ନିଷ୍ପତ୍ତି ନେଇଛନ୍ତି।

ସେହିପରି ଅନୁ୍ଚ୍ଛେଦ ୩୭୧-ଏଚ୍ ରାଜ୍ୟର ପଛୁଆ ଜିଲ୍ଲାମାନଙ୍କର ବିକାଶ ସୁନିଶ୍ଚିତ କରୁଛି। କେବଳ ଏତିକି ନୁହେଁ ରାଜ୍ୟର ଆଇନଶୃଙ୍ଖଳା ନିୟନ୍ତ୍ରଣ ଳାଗି ରାଜ୍ୟାପାଳଙ୍କୁ ବିଶେଷ ଦାୟିତ୍ୱ ପ୍ରଦାନ କରେ।ଏଣୁ କେନ୍ଦ୍ର ସରକାରଙ୍କ ଦ୍ୱାରା ରାଜ୍ୟକୁପ୍ରଦତ୍ତ ଏହି ସାମ୍ବିଧାନିକ ସୁବିଧା ସୁଯୋଗ ପ୍ରତ୍ୟାହୃତ ହେବ ନାହିଁ ବୋଲି କହିଛନ୍ତି ମୁଖ୍ୟମନ୍ତ୍ରୀ। ତେବେ କାଶ୍ମୀରରୁ ଅନୁଚ୍ଛେଦ ୩୭୦ ପ୍ରତ୍ୟାହାର ପରେ ଏବେ ପୂର୍ବୋତ୍ତର ରାଜ୍ୟାମାନେ ଏଭଳି ସାମ୍ବିଧାନିକ ସଂଶୋଧନକୁନେଇ ଚିନ୍ତିତ ଅଛନ୍ତି।

   Related Posts