କୁଆଡ଼େ ଗଲା ଶ୍ରୀମନ୍ଦିର ରତ୍ନଭଣ୍ଡାର ଚାବି, ଏନେଇ ଆରମ୍ଭ ହୋଇଛି ସରକାରୀ ତନାଘନା । ଚାବି ଗାଏବ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଚାବିକୁ ନେଇ ରାଜନୈତିକ ହଟଚମଟ ଥିବା ବେଳେ ଦଇତାପତି ନିଯୋଗ ସଭାପତି ଗଜପତିଙ୍କୁ ଟାର୍ଗେଟ୍ କରିଛନ୍ତି । ଏସବୁ ଭିତରେ ଶ୍ରୀମନ୍ଦିର ପ୍ରଶାସନ ଏକ ପ୍ରେସ୍ ରିଲିଜ୍ ମାଧ୍ୟମରେ ଜନସାଧାରଣଙ୍କୁ ବିଭ୍ରାନ୍ତ ନହେବା ପାଇଁ ଅନୁରୋଧ କରିଛି । ପ୍ରେସ୍ ରଲିଜ୍ ରେ କୁହାଯାଇଛି ଯେ ମହାପ୍ରଭୁଙ୍କ ସମସ୍ତ ଅଳଙ୍କାର ରତ୍ନ ଭଣ୍ଡାରରେ ସୁଦୃଢ଼ ସଂରକ୍ଷଣ ବ୍ୟବସ୍ଥା ମଧ୍ୟରେ ଅଛି ।