scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ରାଜ୍ୟର ସ୍ୱାସ୍ଥ୍ୟ କର୍ମଚାରୀଙ୍କୁ ଆଗୁଆ ୪ମାସର ଦରମା : ପ୍ରଶଂସା ସହ ପ୍ରୋତ୍ସାହନ ଓ ସୁରକ୍ଷାକୁ ଗୁରୁତ୍ୱ ଦେଲେ ମୁଖ୍ୟମନ୍ତ୍ରୀ

25/03/2020 at 3:55 PM

ଭୁବନେଶ୍ବର ୨୫।୦୩: ରାଜ୍ୟରେ କରୋନା ମୁକାବିଲା ନେଇ ରାଜ୍ୟ ସରକାରଙ୍କ ଆଉ ଏକ ବଡ ପଦକ୍ଷେପ । ସରକାରୀ ସ୍ବାସ୍ଥ୍ୟସେବାରେ ନିୟୋଜିତ କର୍ମଚାରୀଙ୍କୁ ଆଗୁଆ ଚାରିମାସର ଦରମା ଦିଆଯିବ ।  ଡାକ୍ତର,  ନର୍ସଙ୍କ ସମେତ ସମସ୍ତ ସ୍ୱାସ୍ଥ୍ୟକର୍ମଚାରୀଙ୍କୁ ଆଗୁଆ ଦରମା ପ୍ରଦାନ କରିବାକୁ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ସ୍ବାସ୍ଥ୍ୟ ସେବା ସହିତ ଜଡିତ କର୍ମଚାରୀଙ୍କୁ “ଫାଷ୍ଟ ଲାଇନ୍‌ ଅଫ୍‌ ଡିଫେନ୍ସ ” ବୋଲି ବର୍ଣ୍ଣନା କରି ମୁଖ୍ୟମନ୍ତ୍ରୀ ସେମାନଙ୍କ କାର୍ଯ୍ୟ ଓ ତ୍ୟାଗର ପ୍ରଶଂସା କରିଛନ୍ତି । ସେମାନଙ୍କୁ ଅଗ୍ରୀମ ବେତନ ସହ ସୁରକ୍ଷା ଦେବାକୁ ଘୋଷଣା କରିଛନ୍ତି ।

ବୁଧବାର ଦିନ ମୁଖ୍ୟମନ୍ତ୍ରୀ କରିଥିବା ଘୋଷଣା ଅନୁଯାୟୀ, ସ୍ବାସ୍ଥ୍ୟସେବାରେ ଥିବା  ସମସ୍ତ ସରକାରୀ କର୍ମଚାରୀଙ୍କୁ  ରାଜ୍ୟ ସରକାର ଏପ୍ରିଲ, ମେ, ଜୁନ୍‌ ଓ ଜୁଲାଇ ମାସର ଦରମା ଦିଆଯିବ । ଏହି ଘୋଷଣା କରି ସ୍ବାସ୍ଥ୍ୟବିଭାଗ କର୍ମଚାରୀଙ୍କୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ । ରାଜ୍ୟରେ କରୋନା ମୁକାବିଲାରେ ସେମାନେ ଦିନରାତି ନିଜ କର୍ମକ୍ଷେତ୍ରରେ ବ୍ୟସ୍ତ ରହିଥିବାରୁ ସେମାନଙ୍କର ତୁଳନା ନାହିଁ ବୋଲି କହି ସେମାନଙ୍କର ପ୍ରଶଂସା  କରିଛନ୍ତି । ସେଥିଲାଗି ସେମାନଙ୍କୁ ଆଗୁଆ ଦରମା ଦିଆଯିବ । ଏହାସହ ସ୍ବାସ୍ଥ୍ୟକର୍ମଚାରୀଙ୍କୁ ସୁରକ୍ଷା ପ୍ରତି ଗୁରୁତ୍ବ ଦେଇଛନ୍ତି ମୁଖ୍ୟମନ୍ତ୍ରୀ । କହିଛନ୍ତି ସ୍ବାସ୍ଥ୍ୟ କର୍ମଚାରୀଙ୍କୁ ଦୁଃବହାର କଲେ , ସେମାନଙ୍କ ପ୍ରତି କାର୍ଯ୍ୟାନୁଷ୍ଠାନ ନିଆଯିବ ।

   Related Posts