ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫିରୋଜାବାଦରେ ଛାତିଥରା ଅଗ୍ନିକାଣ୍ଡ, ଜିଅନ୍ତା ଜଳିଗଲେ ପରିବାରର ୬ଜଣ
  • ||
  • କୁହୁଡ଼ି ନେଲା ଜୀବନ; ରାସ୍ତା ଦେଖାନଯିବାରୁ ବସ୍‌କୁ ପିଟିଲା ଟ୍ରକ୍, ଦୁର୍ଘଟଣାରେ ଚାଲିଗଲା ୬ ଜୀବନ
  • ||
  • ଇଡିରେ ହାଜର ହେଲେ ଅବିନାଶ ପ୍ରିୟଦର୍ଶୀ, ସୁପ୍ରିମ ଅଟୋ ମୋବାଇଲ ମୁଖ୍ୟ ପରିଚାଳକ ହେଲେ ଅବିନାଶ
  • ||

ଭୁଲି ଯାଆନ୍ତୁ ୧୯ ବର୍ଷ ଧରି ମୁଁ ମୁଖ୍ୟମନ୍ତ୍ରୀ ଓ ବିଜୁ ଜନତା ଦଳର ସଭାପତି , ଗୃହର ଜଣେ ବରିଷ୍ଠ ସଦସ୍ୟ ଭାବେ ଗୋଟିଏ ପରାମର୍ଶ ଦେଉଛି ଦୁଷ୍କର୍ମ ଓ ହତ୍ୟା ଘଟଣାରେ ରାଜନୀତି କରା ନଯାଉ – ମୁଖ୍ୟମନ୍ତ୍ରୀ

22/11/2019 at 7:50 PM

ଭୁବନେଶ୍ୱର ୨୨।୧୧ – ମହିଳାମାନଙ୍କ ଦୁଷ୍କର୍ମ ଓ ହତ୍ୟା ଘଟଣାକୁ ନେଇ ରାଜନୀତି କରା ନଯାଉ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି । ମୁଁ ୧୯ ବର୍ଷ ଧରି ମୁଖ୍ୟମନ୍ତ୍ରୀ କି ବିଜୁ ଜନତା ଦଳର ସଭାପତି ବୋଲି ଭୁଲି ଯାଆନ୍ତୁ । ଗୃହ ଜଣେ ବରିଷ୍ଠ ସଦସ୍ୟ ଭାବେ ଏହି ପରାମର୍ଶ ଦେଉଛି । ଦୁଷ୍କର୍ମ ଓ ହତ୍ୟା ଘଟଣାର ରାଜନୀତି କରଣ କରା ନଯାଉ । ଏଥିରେ କାହାର ବି ଲାଭ ହେବ ନାହିଁ ବୋଲି ମୁଖ୍ୟମନ୍ତ୍ରୀ ବିଧାନସଭାରେ କହିଛନ୍ତି ।


ଆମେ ଏକ ସୁସ୍ଥ ଗଣତନ୍ତ୍ରରେ ବାସ କରୁଛୁ । ଓଡିଶାର ସାଢେ ଚାରିକୋଟି ଜନତାଙ୍କର ପ୍ରତିନିଧିତ୍ୱ କରୁଛୁ । ବିଧାନସଭା ଭିତରେ ଓ ବାହାରେ ରାଜନୀତିର ଏକ ଉଚ୍ଚ ମାନ ନିର୍ଦ୍ଧାରଣ କରିବା ଉଚିତ୍ ବୋଲି ସେ ସୂଚନା ଦେଇଛନ୍ତି ।

ଦୁଷ୍କର୍ମ , ହତ୍ୟା ଓ ମହିଳାଙ୍କର ମୃତ୍ୟୁ ଅତି ଦୁଃଖଦ ଘଟଣା । ଏହି ଘଟଣାର ରାଜନୀତି କରଣ କରିବା ଅତି ଦୁଃଖଦ । ଏହା ଲୋକଙ୍କୁ ଏକ ଖରାପ ସନ୍ଦେଶ ଦେବ । ଯଦି ତଦନ୍ତରେ ଆପଣ ଅସନ୍ତୁଷ୍ଟତାହାଲେ ଆଇନ ଅନୁଯାୟୀ ପଦକ୍ଷେପ ଗ୍ରହଣ କରିପାରିବେ ।
ଆପଣଙ୍କୁ ଏହି ବିଶ୍ୱାସ ଦେବାକୁ ଚାହେଁ ଯେ ମହିଳା, ଶିଶୁଙ୍କ ସହ ହେଉଥିବା ଅପରଦା କିମ୍ବା ଯେ କୌଣସି ଘଟଣାରେ ତଦନ୍ତ କ୍ଷେତ୍ରରେ ଦାୟିତ୍ୱହୀନତାକୁ ବରଦାସ୍ତ କରାଯିବ ନାହିଁ ।


ପୋଲିସମାନଙ୍କୁ ଅନୁରୋଧ କରୁଛି କି ସେମାନ ତାଙ୍କର ଦାୟିତ୍ୱକୁ ଠିକ୍‌ ଭାବେ ନିର୍ବାହ କରନ୍ତୁ ବୋଲି ମୁଖ୍ୟମନ୍ତ୍ରୀ କହିଛନ୍ତି ।
ମୋ ସରକାର ଯୋଜନା ଅଧିନରେ ସମସ୍ତ ଅଭିଯୋଗକାରୀଙ୍କର ଫୋନ୍‌ ନମ୍ବର ରଖାଯାଉଛି । ମୁଁ ବ୍ୟକ୍ତିଗତ ଭାବେ ୩ଶହ ଫୋନ୍‌ କଲ୍‌ କରିଛି ବୋଲି ମୁଖ୍ୟମନ୍ତ୍ରୀ କହିଛନ୍ତି ।
ମୋ ସରକାରରେ ପରିସଂଖ୍ୟାନ ଅପେକ୍ଷା ଲୋକଙ୍କ ମହତ୍ତ୍ୱ ଅଧିକ ବୋଲି ମୁଖ୍ୟମନ୍ତ୍ରୀ କହିଛନ୍ତି ।

   Related Posts