ଭୁବନେଶ୍ୱର ୧୪/୦୨: ଦୁଇ ଦିନିଆ ଆଇଏଏସ୍ ସମ୍ମିଳନୀକୁ ଉଦଘାଟନ କଲେ ମୁଖ୍ୟମନ୍ତ୍ରୀ । ସମ୍ମିଳନୀରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମେତ ୩ ମନ୍ତ୍ରୀ ପ୍ରଦୀପ ଅମାତ, ନିରଞ୍ଜନ ପୂଜାରୀ ଓ ଟୁକୁନି ସାହୁ ଉପସ୍ଥିତ ଥିଲେ । ତିନି ବର୍ଷ ପରେ ଅନୁଷ୍ଠିତ ହେଉଛି ଏହି ବୈଠକ । ମୋଟ୍ ୧୭ଟି ବିଷୟ ଉପରେ ଏହି ସମ୍ମିଳନୀରେ ବିଶେଷ ଭାବେ ଆଲୋଚନା ହେଉଛି । ସରକାରଙ୍କ ଲୋକାଭିମୁଖୀ ଯୋଜନା ଓ ଆଭିମୁଖ୍ୟ ତୃଣମୂଳ ସ୍ତରରେ କେତେ ଦୂର ପହଞ୍ଚି ପାରୁଛି ସେନେଇ ଆଲୋଚନା ହେଉଛି ।

ଗୁଡ୍ ଗଭରନାନ୍ସ ଉପରେ ରହିଛି ପ୍ରଥମ ଅଧିବେଶନ । ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ, ଦୁଇ ଦିନିଆ ସମ୍ମିଳନୀରେ ଆପଣ ସମସ୍ତଙ୍କୁ ବହୁତ ସ୍ୱାଗତ । ଆମର ସମସ୍ତ ବିକାଶମୂଳକ ପ୍ରକଳ୍ପଗୁଡିକ ଖୁବ୍ କମ୍ ସମୟ ମଧ୍ୟରେ କାର୍ଯ୍ୟକାରୀ ହୋଇଛି । ହିତାଧିକାରୀଙ୍କ ନିକଟରେ ପହଞ୍ଚିଛି ଆମର କଲ୍ୟାଣକାରୀ ପଦକ୍ଷେପ । ସେ ଆହୁରି କହିଛନ୍ତି ଲକ୍ଷ୍ୟ ହାସଲ ପାଇଁ ଜିଲ୍ଲାମାନଙ୍କ ମଧ୍ୟରେ ଏକ ପ୍ରତିଯୋଗିତା ହେବା ଉଚିତ୍ ଏବଂ ଅନ୍ୟମାନଙ୍କ ପାଇଁ ମାନଦଣ୍ଡ ସ୍ଥିର କରିବା ଉଚିତ୍ । ପରିବର୍ତ୍ତନଶୀଳ ପଦକ୍ଷେପ ପାଇଁ ଓଡ଼ିଶା ଅନ୍ୟ ରାଜ୍ୟମାନଙ୍କ ତୁଳନାରେ ଆଗରେ ରହିଛି । କ୍ରୀଡ଼ା, ସ୍ୱାସ୍ଥ୍ୟସେବା, ବିଦ୍ୟାଳୟର ପରିବର୍ତ୍ତନ, ମହିଳା ସଶକ୍ତିକରଣ, ଦକ୍ଷତା ବିକାଶ, ଫସଲ ଉତ୍ପାଦନ, କୋଭିଡ୍ ପରିଚାଳନା ଭଳି କେତେକ କ୍ଷେତ୍ରରେ ଉଲ୍ଲେଖନୀୟ ପଦକ୍ଷେପ ପାଇଁ ଦୃଷ୍ଟି ଆକର୍ଷଣ କରିଛି।

ମୁଖ୍ୟମନ୍ତ୍ରୀ ଆହୁରି କହିଛନ୍ତି ଯେ, କୃଷି ଏବଂ ସହଯୋଗୀ କ୍ଷେତ୍ର ଗ୍ରାମାଞ୍ଚଳର ଲୋକଙ୍କୁ ସର୍ବାଧିକ ନିଯୁକ୍ତି ଯୋଗାଇଥାଏ । ଆମେ ଚାଷ ଯାନ୍ତ୍ରିକକରଣ, ଫସଲ ବିବିଧକରଣ, ଉଦ୍ୟାନ କୃଷି ଏବଂ ପୁଷ୍ପଲତା, ଦୁଗ୍ଧ ଚାଷରେ ବିକାଶ ଏବଂ ମତ୍ସ୍ୟଚାଷ ଉପରେ ଅଧିକ ଧ୍ୟାନ ଦେବା ଉଚିତ୍। ଆମର ‘ମିଲେଟ୍ ମିଶନ’ ବର୍ତ୍ତମାନ ପୁଷ୍ଟିକର ଉନ୍ନତି ପାଇଁ ଜାତୀୟ ସ୍ତରରେ ନିଆଯାଇଛି। ଗ୍ରାମାଞ୍ଚଳର ଅର୍ଥନୀତିକୁ ପୁନର୍ଜୀବିତ କରିବାରେ ଏହା ସହାୟକ ହେବ। ଆମକୁ ଏହି କ୍ଷେତ୍ରରେ ଉତ୍କର୍ଷତା ଜାରି ରଖିବା ଆବଶ୍ୟକ।