ଭୁବନେଶ୍ୱର୨୫/୧୦: ଧାମନଗରରେ ଉପ-ନିର୍ବାଚନ ପାଇଁ ପ୍ରଚାର କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆସନ୍ତା ୩୧ରେ ଭର୍ଚୁଆଲରେ ପ୍ରଚାର କରିବେ ବିଜେଡି ସୁପ୍ରିମୋ । ଏନେଇ ସୂଚନା ଦେଇଛନ୍ତି ରାଜ୍ୟସଭା ସାଂସଦ ମାନସ ମଙ୍ଗରାଜ ।
ଧାମନଗର ଉପନିର୍ବାଚନରେ ୨୦୨୦ରେ ହୋଇଥିବା ବାଲେଶ୍ୱର ଓ ତିର୍ତ୍ତୋଲ ଉପନିର୍ବାଚନର ଝଲକ ଦେଖିବାକୁ ମିିଳିବ । ସେହି ଦୁଇ ନିର୍ବାଚନରେ ଅକ୍ଟୋବର ୩୧ରେ ଭର୍ଚୁଆଲ୍ ପ୍ରଚାର କରିବା ଭଳି ଚଳିତ ମାସ ୩୧ ତାରିଖରେ ଭର୍ଚୁଆଲ୍ ପ୍ରଚାର କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
୨୦୨୦ ନଭେମ୍ବର ୩ରେ ଉଭୟ ବାଲେଶ୍ୱର ଓ ତିର୍ତ୍ତୋଲ ଉପନିର୍ବାଚନ ହୋଇଥିଲା । ଦୁଇ ବର୍ଷ ତଳେ ଅକ୍ଟୋବର ୩୧ ତାରିଖରେ ଭର୍ଚୁଆଲ୍ ପ୍ରଚାର କରିଥିଲେ ମୁଖ୍ୟମନ୍ତ୍ରୀ । ଏବେ ଦୁଇ ବର୍ଷ ପରେ ପୁଣି ଇତିହାସ କଡ଼ ଲେଉଟିବ । ସେହି ସମାନ ତାରିଖରେ ମୁଖ୍ୟମନ୍ତ୍ରୀ ପୁଣି ଧାମନଗର ଉପନିର୍ବାଚନରେ ଭର୍ଚୁଆଲ୍ ପ୍ରଚାର କରିବେ । ବିଜେଡି ପୂର୍ବରୁ ଲଢ଼ିଥିବା ସମସ୍ତ ଉପନିର୍ବାଚନ ଜିତିବା ଭଳି ଏହି ନିର୍ବାଚନରେ ମଧ୍ୟ ବହୁ ଭୋଟରେ ଜିତିବ । ସମସ୍ତ ଶ୍ରେୟ ଦଳର ମୁଖିଆ ନବୀନଙ୍କର ବୋଲି ବରିଷ୍ଠ ନେତା କହିଛନ୍ତି ।
