ନୂଆଦିଲ୍ଲୀ: ବିଶ୍ୱ ବଜାରର ନକାରାତ୍ମକ ସଂକେତ ମଧ୍ୟରେ ଘରୋଇ ସେୟାର ବଜାର ଗୁରୁବାର ହ୍ରାସ ସହ ବନ୍ଦ ହୋଇଛି । ସେନସେକ୍ସ ୫୪୨ ଅଙ୍କ କମିଥିବା ବେଳେ ନିଫ୍ଟି ୧୬୫ ଅଙ୍କ ହୋଇ ୧୭,୬୦୦ ତଳେ ବନ୍ଦ ହୋଇଛି । ବିଏସଇର ମିଡ୍ କ୍ୟାପ ସୂଚକାଙ୍କ ୦.୫୫ ପ୍ରତିଶତ ଏବଂ ସ୍ମଲକ୍ୟାପ୍ ସୂଚକାଙ୍କ ୦.୨ ପ୍ରତିଶତ ହ୍ରାସ ସହ ବନ୍ଦ ହୋଇଛି ।

ବିଏସଇର ୩୦ ସେୟାର ବିଶିଷ୍ଟ ସୂଚକାଙ୍କ ସେନସେକ୍ସ ୫୪୧.୮୧ ଅଙ୍କ ଅର୍ଥାତ୍ ୦.୯୦ ପ୍ରତିଶତ କମି ୫୯,୮୦୬.୨୮ ଅଙ୍କରେ ବନ୍ଦ ହୋଇଛି । କାରବାର ସମୟରେ ସେନସେକ୍ସ ୬୦,୪୬୭.୦୯ ସ୍ତର ମଧ୍ୟ ଛୁଇଁଥିଲା । ଏହିପରି ନ୍ୟାସନାଲ ଷ୍ଟକ୍ ଏକ୍ସଚେଞ୍ଜର ନିଫ୍ଟି ୧୬୪.୮୦ ଅଙ୍କ ଅର୍ଥାତ୍ ୦.୯୩ ପ୍ରତିଶତ କମିଛି । କାରବାର ଶେଷରେ ନିଫ୍ଟି ୧୭,୫୮୯.୬୦ରେ ବନ୍ଦ ହୋଇଛି ।

ବିଏସଇର ତାଲିକାଭୁକ୍ତ କମ୍ପାନି ଗୁଡିକର ମୋଟ ବଜାର ପୁଞ୍ଜି ଗୁରୁବାର ହ୍ରାସ ହୋଇ ୨୬୪.୨୭ ଲକ୍ଷ କୋଟି ଟଙ୍କା ହୋଇଛି । ପୂର୍ବ କାରବାର ଦିନରେ ଏହା ୨୬୬.୨୪ ଲକ୍ଷ କୋଟି ଟଙ୍କା ରହିଥିଲା । ଏହିପରି ବିଏସଇର ସୂଚୀବଦ୍ଧ କମ୍ପାନି ଗୁଡିକର ବଜାର ପୁଞ୍ଜି ପ୍ରାୟ ୧.୯୭ ଲକ୍ଷ କୋଟି ଟଙ୍କା କମ ହୋଇଛି ।

ଆଜିର କାରବାରରେ ଏଫଏମଜିସି, ରୟଲ୍ଟି, ଅଟୋ ଏବଂ ଆଇଟିର ସେୟାରରେ ହ୍ରାସ ରେକର୍ଡ କରାଯାଇଛି । ସେନସେକ୍ସର ସେୟାର ଗୁଡିକ ମଧ୍ୟରୁ ୭ଟି ସବୁଜ ସଂକେତର ବନ୍ଦ ହୋଇଛି । ଟାଟା ଷ୍ଟିଲ୍, ଲାର୍ସନ ଏବଂ ଟ୍ରୁବୋ, ଭାରତୀ ଏୟାରଟେଲ୍, ଆକ୍ସିସ ବ୍ୟାଙ୍କ ଏବଂ ଏନଟିପିସି ସେନସେକ୍ସର ସବୁଠୁ ଅଧିକ ଲାଭରେ ରହିଛନ୍ତି ।

ଅନ୍ୟପଟେ ସେନସେକ୍ସର ମହିନ୍ଦ୍ରା ଆଣ୍ଡ ମହିନ୍ଦ୍ରା, ରିଲାଏନ୍ସ, ବଜାଜ ଫିନସର୍ଭ, ଆଇସିଆଇସିଆଇ ଏବଂ ମୁରତିର ସେୟାର ସବୁଠୁ ଅଧିକ ହ୍ରାସ ସହ ବନ୍ଦ ହୋଇଛି ।