ନୂଆଦିଲ୍ଲୀ: ବିଶ୍ୱ ବଜାରରେ ମଜଭୁତ ସଂକେତ ଏବଂ ରିଲାଏନ୍ସ ଇଣ୍ଡଷ୍ଟ୍ରିଜ୍ ପରି ଦାମୀ ସେୟାର ଅଧିକ କିଣା ହେବା ଫଳରେ ଭାରତୀୟ ସେୟାର ବଜାର ଶୁକ୍ରବାର ଲଗାତାର ଦ୍ୱିତୀୟ ଦିନରେ ବୃଦ୍ଧି ସହ ବନ୍ଦ ହୋଇଛି । ସେନସେକ୍ସ ୧୦୩୧ ଅଙ୍କ ବଢିଥିବା ବେଳେ ନିଫ୍ଟି ୩୦୦ ଅଙ୍କ ବୃଦ୍ଧି ପାଇ ୧୭,୩୫୦ ସ୍ତରରେ ବନ୍ଦ ହୋଇଛି । ବ୍ରଡର ମାର୍କେଟରେ ମଧ୍ୟ ବୃଦ୍ଧି ଦେଖିବାକୁ ମିଳିଛି । ବିଏସଇର ମିଡକ୍ୟାପ୍ ଏବଂ ସ୍ମଲକ୍ୟାପ ସୂଚକାଙ୍କ ଯଥାକ୍ରମେ ୦.୯୬ ପ୍ରତିଶତ ଏବଂ ୧.୩୫ ପ୍ରତିଶତ ବୃଦ୍ଧି ସହ ବନ୍ଦ ହୋଇଛି ।
ଆଜିର କାରବାରରେ ସବୁଠୁ ଅଧିକ ବୃଦ୍ଧି ଆଇଟି, ଟେକ୍, ବ୍ୟାଙ୍କିଂ, ଫାଇନାନସିଆଲ୍ ସର୍ଭିସେସ୍, ଏନର୍ଜି, ତୈଳ ଏବଂ ଗ୍ୟାସ୍, ରିୟଲ୍ଟି ଏବଂ ଟେଲିକମ୍ୟୁନିକେସନ ସେୟାରରେ ଦେଖିବାକୁ ମିଳିଛି । ବଜାରରେ ଆଜିର ବୃଦ୍ଧି ଯୋଗୁଁ ନିବେଶକଙ୍କ ସମ୍ପତ୍ତିରେ ଗୋଟିଏ ଦିନରେ ପ୍ରାୟ ୩.୪୨ ଲକ୍ଷ କୋଟି ଟଙ୍କା ବୃଦ୍ଧି ଘଟିଛି ।
ଶୁକ୍ରବାର କାରବାର ଶେଷରେ ବିଏସଇର ୩୦ ସେୟାର ବିଶିଷ୍ଟ ସୂଚକାଙ୍କ ସେନସେକ୍ସ ୧୦୩୧.୪୩ ଅଙ୍କ ଅର୍ଥାତ୍ ୧.୭୮ ପ୍ରତିଶତ ବଢି ୫୮.୯୯୧.୫୨ ଅଙ୍କରେ ବନ୍ଦ ହୋଇଛି । ସେହିପରି ଏନଏସଇର ନିଫ୍ଟି ୨୭୯.୦୫ ଅଙ୍କ ବା ୧୭,୩୫୯.୭୫ ଅଙ୍କରେ ବନ୍ଦ ହୋଇଛି ।
ବିଏସଇରି ସୂଚୀବଦ୍ଧ କମ୍ପାନିଗୁଡିକର ମୋଟ ବଜାର ପୁଞ୍ଜି ଆଜି ମାର୍ଚ୍ଚ ୩୧ରେ ବଢି ୨୫୮.୧୩ ଲକ୍ଷ କୋଟି ଟଙ୍କା ହୋଇଛି । ପୂର୍ବ କାରବାର ଦିନର ଏହା ୨୫୪.୭୧ ଲକ୍ଷ କୋଟି ଟଙ୍କା ରହିଥିଲା । ଏହିପରି ବିଏସଇରେ ସୂଚୀବଦ୍ଧ କମ୍ପାନିଗୁଡିକର ମାର୍କେଟ୍ କ୍ୟାପ୍ ଆଜି ୩.୪୨ ଲକ୍ଷ କୋଟି ଟଙ୍କା ବଢିଛି । ସରଳ ଶବ୍ଦରେ କହିବାକୁ ଗଲେ ନିବେଶକଙ୍କ ସମ୍ପତ୍ତିରେ ଆଜି ୩.୪୨ ଲକ୍ଷ କୋଟି ଟଙ୍କା ବଢିଛି ।
