କଟକ ୨୪/୦୫: ବାରମ୍ୱାର ନିର୍ଦ୍ଦେଶନାମା ପରେ ବି ସୁଧୁରୁନାହାଁନ୍ତି । ଏପିରିକି ବେଆଇନ ଭାବେ ଜାରି ରହିଛି ଲିଙ୍ଗ ନିରୂପଣ । ଏମିତି କଟକ ସହରରେ ଭ୍ରୂଣ ହତ୍ୟା ଅଭିଯୋଗରେ ଚଢ଼ାଉ କରାଯାଉଥିଲା । ସହରର ଗୋଟିଏ କ୍ଲିନିକ୍‌ରେ ଏମିତି ଚଢାଉରେ ଜଣେ ଡାକ୍ତର ଅଟକ ରଖାଯାଇଛି । ସ୍ୱାସ୍ଥ୍ୟ ବିଭାଗ ପକ୍ଷରୁ ଚାଲିଥିଲା ଏହି ଚଢ଼ାଉ ।

ସୂଚନା ଥାଉକି, ଫ୍ରେଣ୍ଡସ କଲୋନୀରେ ଏକ ଆବାସିକ ଘରେ ହେଉଥିଲା ଭ୍ରୂଣ ହତ୍ୟା । ସକାଳୁ ଚାଲିଥିଲା ଏହି ଚଢ଼ାଉ । ତେବେ ବେଆଇନ ଭାବେ ଭୃଣ ହତ୍ୟା କରୁଥିଲେ ଡାକ୍ତର ପୁଣ୍ୟସ୍ଲୋକ ଦାସ । ବିଶ୍ଵସ୍ତ ସୂତ୍ରରୁ ଖବର ପାଇବା ପରେ ପୋଲିସ୍, ଜିଲ୍ଲା ପ୍ରଶାସନ ଓ ସିଡିଏମଓଙ୍କ ସ୍ଵତନ୍ତ୍ର ଟିମ୍ ଏହି ଚଢାଉ କରିଥିଲା ।

ଚଢାଉ ସମୟରେ ଡାକ୍ତରଙ୍କୁ ଅଟକ ରଖିବା ସହ ୧୦ ଜଣ ମହିଳା ଙ୍କୁ ଉଦ୍ଧାର କରାଯାଇଛି । ଏହା ସହ ସେମାନଙ୍କର ବୟାନ ମଧ୍ୟ ରେକର୍ଡ କରାଯାଇଛି । ପୁରୀ ଜିଲ୍ଲାରେ ପୁଣ୍ୟସ୍ଲୋକ ଡାକ୍ତର ଭାବେ କାର୍ଯ୍ୟ କରୁଥିବା କଥା କହିଛନ୍ତି ଚଢାଉ କରୁଥିବା ଟିମ୍ ର ସଦସ୍ୟ । ସେପଟେ ଏହି ଘଟଣାକୁ ଖଣ୍ଡନ କରିଛନ୍ତି ଡାକ୍ତର ।