ମୁମ୍ଵାଇ ୧୮।୦୨: ଜଣାଶୁଣା ଶାସ୍ତ୍ରୀୟ ଗାୟକ ପଣ୍ଡିତ ବିଜୟ କୁମାର କିଚଲୁ। ବର୍ତ୍ତମାନ ତାଙ୍କର ଦେହାନ୍ତ ହୋଇଛି। ଗତ ୧୫ଦିନ ଧରି କୋଲକାତା ଡାକ୍ତରଖାନାରେ ତାଙ୍କୁ ଭର୍ତ୍ତି କରାଯାଇଥିଲା। ହେଲେ ଶୁକ୍ରବାର ସନ୍ଧ୍ୟାରେ ବିଜୟ କୁମାରଙ୍କ ଦେହାନ୍ତର ଦୁଃଖଦ ଖବର ସାମ୍ନାକୁ ଆସିଥିଲା । ୯୩ ବର୍ଷ ବୟସରେ ବିଜୟ କୁମାର କିଚଲୁ ଡାକ୍ତରଖାନାରେ ଶେଷ ନିଶ୍ୱାସ ତ୍ୟାଗ କରିଥିଲେ।

ଗଣମାଧ୍ୟମର ରିପୋର୍ଟ ଅନୁଯାୟୀ, ପ୍ରାୟ ୧୫ ଦିନ ପୂର୍ବରୁ ବିଜୟ କୁମାର ନିଶ୍ୱାସ ପ୍ରଶ୍ଵାସ ନେବାରେ ଅସୁବିଧା ହୋଇଥିବା ନେଇ କୁହାଯାଇଥିଲା। ଏହା ପରେ ତାଙ୍କୁ ଡାକ୍ତରଖାନା ନିଆଯାଇଥିଲା। ପରେ ବିଜୟ କୁମାରଙ୍କୁ ଏଠାରେ ଭର୍ତ୍ତି କରାଯାଇଥିଲା। ପ୍ରାୟ ଦୀର୍ଘ ସମୟ ଚିକିତ୍ସା ଚାଲିବା ପରେ ବିଜୟ କୁମାର ଶୁକ୍ରବାର ସନ୍ଧ୍ୟା ପ୍ରାୟ ୬.୩୦ ସମୟରେ ଡାକ୍ତରଖାନାରେ ଶେଷ ନିଶ୍ୱାସ ତ୍ୟାଗ କରିଥିଲେ।

ବିଜୟ କୁମାର କିଚଲୁ ଶାସ୍ତ୍ରୀୟ ସଙ୍ଗୀତର ଜଣେ ମହାନ ଗାୟକ ଥିଲେ। ବିଜୟ କୁମାରଙ୍କୁ ଭାରତ ସରକାର ପଦ୍ମଶ୍ରୀ ପୁରସ୍କାରରେ ସମ୍ମାନିତ କରାଯାଇଥିଲା। ଏହା ସହିତ ସଂଗୀତ ନାଟ୍ୟ ଏକାଡେମୀଙ୍କୁ ମଧ୍ୟ ପୁରସ୍କୃତ କରାଯାଇଛି।