ପାରାଦୀପ ୫।୯: ପାରାଦୀପ ଅଠରବାଙ୍କି ପୋଲ ଉପରୁ ନଦୀକୁ ଡେଇଁଲେ ନବମ ଶ୍ରେଣୀ ଛାତ୍ରୀ । ଆତ୍ମହତ୍ୟା ପାଇଁ ନଦୀକୁ ଡେଇଁ ପଡିଥିବା ସନ୍ଦେହ କରାଯାଉଛି । ଛାତ୍ରୀଙ୍କୁ ମେଡିକାଲରେ ଭର୍ତ୍ତି କରାଯାଇଛି ।

ସୂଚନାଯୋଗ୍ୟ ଯେ, ମଙ୍ଗଳବାର ଦିନ ଗୋଟାଏ ବେଳେ ସ୍କୁଲରୁ ଘରକୁ ନ ଯାଇ ଅଠରବାଙ୍କି ପୋଲ ଉପରେ ବହି, ବସ୍ତାନୀ ରଖି ଆତ୍ମହତ୍ୟା ପାଇଁ ନଦୀକୁ ଡେ଼ଇଁ ପଡ଼ିଥିଲେ ଜଣେ ନବମ ଶ୍ରେଣୀ ଛାତ୍ରୀ । ଘଟଣାସ୍ଥଳରୁ ସ୍ଥାନୀୟ ଲୋକ ଏବଂ କିଛି ମତ୍ସ୍ୟଜୀବି ଡଙ୍ଗା ଦ୍ବାରା ଗୁରୁତର ଅବସ୍ଥାରେ ଛାତ୍ରୀଙ୍କୁ ଉଦ୍ଧାର କରିଥିଲେ । ଛାତ୍ରୀଙ୍କୁ ଅଠରବାଙ୍କି ମେଡିକାଲରେ ଭର୍ତ୍ତି କରିଥିଲେ । ବର୍ତ୍ତମାନ ଛାତ୍ରୀଙ୍କ ସ୍ବାସ୍ଥ୍ୟାବସ୍ଥା ସ୍ଥିର ରହିଛି । ତେବେ କ’ଣ ପାଇଁ ଛାତ୍ରୀ ଜଣଙ୍କ ଆତ୍ମହତ୍ୟା କରିବାକୁ ନଦୀକୁ ଡେ଼ଇଁ ପଡ଼ିଲେ ତାହା ଏ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ‌ ।

You Can Read :