ଜଗତସିଂହପୁର: ଜଗତସିଂହପୁର ଜିଲା ବାଲିକୁଦା ଥାନା ଅପଣ୍ଡାର ଗାଁରେ ଜାଗା ବାଡ଼ି ବିବାଦକୁ କେନ୍ଦ୍ର କରି ଦୁଇ ପରିବାର ମଧ୍ୟରେ ସଂଘର୍ଷ। ଉଭୟ ପକ୍ଷରୁ ୭ ଆହତ ହୋଇ ଥିବା ବେଳେ ଏମାନଙ୍କ ମଧ୍ୟରୁ ଜଣେ ଗୁରୁତର ହୋଇଛନ୍ତି । ଗୁରୁତର ଅନାମ ମୁଦୁଲି କଟକ ସ୍ଥାନାନ୍ତର କରାଯାଇଛି । ଅନ୍ୟ ଆହତ ମାନଙ୍କୁ ଜଗତସିଂହପୁର ଜିଲା ମୁଖ୍ୟ ଚିକିତ୍ସା ଳୟରେ ଭର୍ତ୍ତି କରାଯାଇଛି । ଉଭୟ ପକ୍ଷରୁ ଅନନ୍ତପୁର ଫାଣ୍ଡିରେ ଏତାଲା ଦିଆଯିବା ପରେ  ଘଟଣା ସ୍ଥଳରେ  ପୋଲିସ ପହଁଚି ତଦନ୍ତ ଚଳାଇ ଥିବା ସହ ଦୁଇ ଜଣଙ୍କୁ ଅଟକ ରଖିଛି। ଏଥି ସହିତ ଗଣ୍ଡଗୋଳରେ ବ୍ୟବହୃତ ମାରଣାସ୍ତ୍ର ପୋଲିସ ଜବତ କରିଛି।

ଅଧିକ ପଢନ୍ତୁ- ଖୋଲିଲା ଗୁଣପୁର ଡବଲ ମର୍ଡର ମିଷ୍ଟ୍ରି : ଜମି ବିବାଦରୁ ପ୍ରଥମ ଓ ସୁପାରି ବିବାଦରୁ ଦ୍ବିତୀୟ ହତ୍ୟା

ଅପଣ୍ଡାର ଗାଁର ଅନାମ ମୁଦୁଲିଙ୍କର ଘର କାମ ଚାଲିଥିବା ବେଳେ ସେ ତାଙ୍କର ଭାଇ ସନ୍ତୋଷ ମୁଦୁଲିଙ୍କ ଜାଗାକୁ ମାଡିଯାଇ ଥିବାର ସନ୍ତୋଷ ଅଭିଯୋଗ କରିଥିଲେ । ଫଳରେ ଏହାକୁ ନେଇ ପ୍ରଥମେ ଉଭୟ ପରିବାର ମଧ୍ୟରେ ବଚସା ହେବା ସହ  ଉଭୟ ଉଭୟ ପକ୍ଷଙ୍କୁ ମାରଣାସ୍ତ୍ରରେ ଆକ୍ରମଣ କରିଥିଲେ । ଫଳରେ ଏଥିରେ ଉଭୟ ପକ୍ଷରୁ ୭ ଜଣ ଆହତ ହୋଇ ଜଗତସିଂହପୁର ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିବା ବେଳେ ଅନାମ ମୁଦୁଲିଙ୍କୁ କଟକ ସ୍ଥାନାନ୍ତର କରାଯାଇଛି ।