ଚିଫ ଜଷ୍ଟିସ ଦୀପକ ମିଶ୍ରଙ୍କ ବିରୋଧରେ ଆସିଥିବା ମହାଅଭିଯୋଗକୁ ପ୍ରସ୍ତାବକୁ ଉପରାଷ୍ଟ୍ରପତି ଭେଙ୍କେୟା ନାଇଡୁ ପ୍ରତ୍ୟାଖାନ କରିଦେଇଛନ୍ତି | କଂଗ୍ରେସ ସମେତ ୭ଟି ଦଳ ମହାଅଭିଯୋଗ ପ୍ରସ୍ତାବ ଆଣିଥିଲେ | ୭ଟି ଦଳର ନେତା ଉପ ରାଷ୍ଟ୍ରପତିଙ୍କୁ ଭେଟି ନୋଟିସ ଦେଇଥିଲେ | ବିରୋଧୀ ଦେଇଥିବା ମୋସନକୁ ଉପ ରାଷ୍ଟ୍ରପତି ଖାରଜ କରିଦେଇଛନ୍ତି | ଏବେ ନଜର ରହିଛି ବିରୋଧୀ ଦଳଙ୍କ ପଦକ୍ଷେପ ଉପରେ | ରାଜ୍ୟସଭା ଅଧ୍ୟକ୍ଷ ମହାଅଭିଯୋଗ ନୋଟିସ ଖାରଜ କଲେ କଂଗ୍ରେସ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହେବ ପୂର୍ବରୁ କହିସାରିଛି | ରାଜ୍ୟସଭାରେ ପ୍ରସ୍ତାବ ଆଗତ ପାଇଁ ୫୦ ସଂସଦଙ୍କ ଅନୁମୋଦନ ଆବଶ୍ୟକ ଥିବାବେଳେ ୭୧ ସଂସଦଙ୍କ ଦସ୍ତଖତ ସମ୍ବଳିତ ନୋଟିସ ଉପ ରାଷ୍ଟ୍ରପତିଙ୍କୁ ପ୍ରଦାନ କରିଥିଲେ ବିରୋଧୀ |