ପାରାଦୀପ ୧୦।୬: ପାରାଦୀପ ବନ୍ଦର କର୍ମଚାରୀଙ୍କ କ୍ବାର୍ଟରରେ ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡରେ ଦୁଇଟି ବାଇକ୍ ସହ ଦୁଇଟି ସଇକେଲ ପୋଡିଯାଇଛି । ସର୍ଟ ସର୍କିଟ ଯୋଗୁ ନିଆଁ ଲାଗିଥିବା ସନ୍ଦେହ କରାଯାଉଛି । ସିଆଇଏସଏଫର ଅଗ୍ନିଶମ ବିଭାଗ ନିଆଁକୁ ଆୟତ କରିଛି ।

ସୂଚନାଯୋଗ୍ୟ ଯେ, ଶନିବାର ଦିନ ୧୨ଟା ସମୟରେ ନୂଆବଜାର ସ୍ଥିତ ପାରାଦୀପ କ୍ବାର୍ଟରର ସିଡି ଘରେ ନିଆଁ ହୁତୁହୁତୁ ହୋଇ ଜଳୁଥିବାର ସ୍ଥାନୀୟ ଲୋକେ ଦେଖି ସିଆଇଏସଏଫର ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇ ତୁରନ୍ତ ସିଆଇଏସଏଫର ଯବାନମାନେ ପହଞ୍ଚି ନିଆଁକୁ ଆୟତ କରିଥିଲେ । ତେବେ କ୍ବାର୍ଟରରେ କୌଣସି ଆସବାବପତ୍ର ନଷ୍ଟ ହୋଇନଥିବା ବେଳେ ସିଡି ଘରେ ଥିବା ଦୁଇଟି ବାଇକ ସହ ଦୁଇଟି ସାଇକେଲ ପୋଡି ଯାଇଥିବା ସୂଚନା ମିଳିଛି । ତେବେ ସିଆଇଏସଏଫର ଯବାନମାନେ ଦୁଇ ତାଲାରେ ଫସିଥିବା ଛୋଟପିଲାଙ୍କ ସମେତ ବୃଦ୍ଧ-ବୃଦ୍ଧାମାନଙ୍କୁ ଉଦ୍ଧାର କରିଥିଲେ ।

You Can Read :