ଭୁବନେଶ୍ୱର,୧୪/୦୫: କାଉନସିଲ୍‌ ଫର ଦ ଇଣ୍ଡିଆନ୍‌ ସ୍କୁଲ୍‌ ସାର୍ଟିଫିକେଟ୍‌ ଏକ୍ସାମିନେସନ୍ସ (ସିଆଇସିଏସ୍‌ଇ) ପକ୍ଷରୁ ରବିବାର ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷା ଫଳ ପ୍ରକାଶ ପାଇବ। ଫଳାଫଳ ଅପରାହ୍ଣ ୩ଟାରେ ବୋର୍ଡର ୱେବ୍‌ସାଇଟ୍‌ରେ ପରୀକ୍ଷା ଫଳ ପ୍ରକାଶିତ ହେବ। ଛାତ୍ରଛାତ୍ରୀମାନେ cisce.org ଏବଂ result.cisce.orgରେ ରେଜଲ୍ଟ ଦେଖିପାରିବେ ।

ସୂଚନା ମୁତାବକ, ଚଳିତ ବର୍ଷ ପ୍ରାୟ ୨.୪ ଲକ୍ଷ ଛାତ୍ରଛାତ୍ରୀ ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷା ଦେଇଛନ୍ତି । ଫେବ୍ରୁଆରୀ ୨୭ରେ ଦଶମ ଶ୍ରେଣୀ ପରୀକ୍ଷା ଆରମ୍ଭ ହୋଇ ମାର୍ଚ୍ଚ ୨୯ରେ ସରିଥିଲା । ସେହିପରି ଦ୍ୱାଦଶ ଶ୍ରେଣୀ ପରୀକ୍ଷା ଫେବ୍ରୁଆରୀ ୧୩ରୁ ମାର୍ଚ୍ଚ ୩୧ ପର୍ଯ୍ୟନ୍ତ ହୋଇଥିଲା ।