ମୁମ୍ଵାଇ ୨୦।୦୧: ସାଧାରଣତଃ ସମସ୍ତେ ସିନେମା ଦେଖିବାକୁ ଭଲ ପାଆନ୍ତି । ତେବେ ଏହା ଆପଣଙ୍କ ପାଇଁ ଭଲ ସୁଯୋଗ । ଆଜି ଅର୍ଥାତ୍ ୨୦ ଜାନୁଆରୀ ହେଉଛି ସିନେମା ପ୍ରେମୀ ଦିବସ । ପୁନର୍ବାର ବଡ଼ ପରଦାରେ ଦର୍ଶକଙ୍କୁ ଆକର୍ଷିତ କରିବା ପାଇଁ, ଅନେକ ମଲ୍ଟିପ୍ଲେକ୍ସ ଚେନ୍ ସେମାନଙ୍କୁ ଶସ୍ତା ଚଳଚ୍ଚିତ୍ର ଦେଖିବା ପାଇଁ ଜବରଦସ୍ତ ଅଫର୍ ଦେଉଛି। ଆଜି ଆପଣ କେବଳ ୯୯ ଟଙ୍କା ଦେଇ ବିଳାସପୂର୍ଣ୍ଣ ମଲ୍ଟିପ୍ଲେକ୍ସରେ ଯେକୌଣସି ପ୍ରିୟ ଚଳଚ୍ଚିତ୍ର ଦେଖିପାରିବେ ।

ସିନେମା ଲଭର୍ସ ଡେ ୨୦୨୩ରେ, ଏହି ବିଶେଷ ଅଫରଗୁଡିକ ମଲ୍ଟିପ୍ଲେକ୍ସ ଚେନ୍ ଅର୍ଥାତ୍ ଆଇନକ୍ସ, PVR ସିନେମା ଏବଂ ସିନେପୋଲିସ୍ ଦ୍ୱାରା ଦିଆଯାଉଛି । ଏହି ଅଫର କେବଳ ଦେଶର ବଡ ମେଟ୍ରୋଗୁଡ଼ିକର ମଲ୍ଟିପ୍ଲେକ୍ସରେ ଉପଲବ୍ଧ ହେବ ଯଥା ଟାୟାର୍ -୧ ସହରଗୁଡିକରେ ହେବ। ଏହି ମେଟ୍ରୋଗୁଡ଼ିକ ମଧ୍ୟରେ ଦିଲ୍ଲୀ-ଏନସିଆର, ମୁମ୍ବାଇ, ଚେନ୍ନାଇ, କୋଲକାତା, ହାଇଦ୍ରାବାଦ, ଅହମ୍ମଦାବାଦ ଏବଂ ବେଙ୍ଗାଲୁରୁ ଅନ୍ତର୍ଭୁକ୍ତ। ଏହି ଅଫର ଅନୁଯାୟୀ, ଆଜି ଆପଣ ଏହି ମେଟ୍ରୋ ଗୁଡ଼ିକରେ ମଲ୍ଟିପ୍ଲେକ୍ସ ସହିତ ସଂଯୁକ୍ତ ଯେକୌଣସି ସିନେମା ହଲ୍ ପରିଦର୍ଶନ କରି ମାତ୍ର ୯୯ ଟଙ୍କା ପାଇଁ ଏକ ଚଳଚ୍ଚିତ୍ର ଦେଖିପାରିବେ ।    

ମଲ୍ଟିପ୍ଲେକ୍ସ ଅପରେଟରମାନେ ଏହି ବିଶେଷ ଅଫର ସହିତ ଅନେକ ସର୍ତ୍ତ ଲଗାଇଛନ୍ତି। ଯେଉଁଥିରେ କୁହାଯାଇଛି ଯେ ପଠାନକୋଟ, ପୁଡୁଚେରୀ ଏବଂ ଚଣ୍ଡିଗଡ଼ରେ ଏହି ଅଫର ବୈଧ ହେବ ନାହିଁ। ୯୯ ଟଙ୍କା ଟିକେଟ୍ କେବଳ ମେନଷ୍ଟ୍ରିମ୍‌ ସିଟ୍‌ ପାଇଁ ଉପଲବ୍ଧ ହେବ। ପ୍ରିମିୟମ୍ କ୍ଲାସ୍ ସିଟ୍ ପରି ଅନ୍ୟ ଫର୍ମାଟ୍ ଏହି ବର୍ଗରେ ଅନ୍ତର୍ଭୂକ୍ତ ନୁହେଁ। କର୍ଣ୍ଣାଟକ, କେରଳ, ଆନ୍ଧ୍ରପ୍ରଦେଶ ଏବଂ ତାମିଲନାଡୁରେ ଟିକେଟ୍ ମୂଲ୍ୟ ୧୦୦ ଟଙ୍କା ଏବଂ ଜିଏସ୍ଟି ହେବ। ତେବେ ଆପଣ ଏହି ଦିନରେ କେଉଁ କେଉଁ ଫିଲ୍ମ ଦେଖିପାରିବେ ଚାଲନ୍ତୁ ଜାଣିବା । ଦୃଶ୍ୟମ-୨ କୁତେ, ସର୍କସ, ଉଚ୍ଚାଇ, ଅବତାର-୨, ଭାରିସୁ, ଭେଡିଆଁ। ଏହା ସହିତ ନିର୍ଦ୍ଦେଶକ ବିବେକ ରଂଜନ ଅଗ୍ନିହୋତ୍ରୀ ପୁଣିଥରେ ସିନେମା ହଲରେ କାଶ୍ମୀର ଫାଇଲସକୁ ରିଲିଜ କରୁଛନ୍ତି ।