scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଚର୍ଚ୍ଚର ପାଦ୍ରି ଯୁବତୀଙ୍କୁ ଦୁର୍ବ୍ୟବହାର କରିବା ସହ ମାଡମିଟ୍ କରିଥିବା ଅଭିଯୋଗ

29/09/2018 at 1:31 PM

ନୂଆଦିଲ୍ଲୀ ୨୯|୯: ଦିଲ୍ଲୀ କରୋଲବାଗ୍ ସ୍ଥିତ ଏକ ଚର୍ଚ୍ଚର ପାଦ୍ରିଙ୍କ ବିରୋଧରେ ଅଭିଯୋଗ ହୋଇଛି । ସେ ଜଣେ ଯୁବତୀଙ୍କୁ ଦୁର୍ବ୍ୟବହାର କରିବା ସହ ମାଡମିଟ୍ର କରିବାର ଅଭିଯୋଗ ହୋଇଛି । ପାଦ୍ରିଙ୍କ ଭାଇ ସେହି ଯୁବତୀଙ୍କୁ ବିବାହର ପ୍ରଲୋଭନ ଦେଖାଇ ୫ବର୍ଷ ଯାଏଁ ଦୁଷ୍କର୍ମ କରିଥିଲେ । ମାତ୍ର ଏହାର ବିରୋଧ କରିବାରୁ ପାଦ୍ରି ତାଙ୍କୁ ଖରାପ ବ୍ୟବହାର ପ୍ରଦର୍ଶନ କରିବା ସହ ମାରପିଟ୍ କରିଥିଲେ । ସେହି ସମୟରେ ପାଦ୍ରିଙ୍କ ସ୍ତ୍ରୀ ମଧ୍ୟ ଘଟଣାସ୍ଥଳରେ ଉପସ୍ଥିତ ଥିଲେ । ଯୁବତୀଙ୍କ ଅଭିଯୋଗ ଅନୁସାରେ ଗୁରଗାଓଁ ସେକ୍ଟର-୫୧ ମହିଳା ଥାନା ପୁଲିସ ପାଦ୍ରି, ତାଙ୍କ ଭାଇ ଏବଂ ତାଙ୍କ ସ୍ତ୍ରୀଙ୍କ ବିରୋଧରେ ଏତଲା ଦାୟର କରିଛି ।
ସୂଚନା ଅନୁସାରେ, ଅଭିଯୋଗ କରିଥିବା ୨୭ବର୍ଷୀୟ ଯୁବତୀଙ୍କ ଘର ପଶ୍ଚିମବଙ୍ଗରେ । ସେ ଦୀନେଶ ଦାସ ନାମକ ଜଣେ ପାଦ୍ରିଙ୍କ ଘରେ କାମକରୁଥିଲା । ଦୀନେଶଙ୍କ ଘରେ ତାଙ୍କ ମାଆ, ସ୍ତ୍ରୀ, ଭାଇ ଏବଂ ଛୁଆମାନେ ରହୁଥିଲେ । ଗୋଟିଏ ଦିନ ଘରେ କେହି ନଥିବାରୁ ସୁଯୋଗ ନେଇ ଦୀନେଶଙ୍କ ଭାଇ ତାଙ୍କୁ ଦୁଷ୍କର୍ମ କରିବାକୁ ଚେଷ୍ଟା କରିଥିଲେ । ଯୁବତୀ ଜଣଙ୍କ ବିରୋଧ କରିବାକୁ ସେ ତାଙ୍କୁ ବିବାହ କରିବେ ବୋଲି କହିଥିଲେ । କିଛି ବର୍ଷ ଏମିତି ଚାଲିଲା । ଦିନେ ଦୀନେଶଙ୍କ ଭାଇର ବିବାହ ଠିକ୍ ହେବାରୁ ଯୁବତୀ ଜଣଙ୍କ ଦୀନେଶଙ୍କୁ ସବୁ କଥା କହିଥିଲେ । ଏହାଶୁଣି ଦୀନେଶ ତାଙ୍କୁ ମାଡ ମାରିବା ସହ ଗାଳିଗୁଲଜ କରିଥିଲେ । ଏହାପରେ ଯୁବତୀ ଜଣଙ୍କ ତାଙ୍କ ଘରେ କାମ କରିବା ଛାଡିଦେଇ ଅନ୍ୟତ୍ର ରହିବାକୁ ଲାଗିଲେ । ମାତ୍ର ଦୀନେଶଙ୍କ ଭାଇ ସେଠାରେ ମଧ୍ୟ ପହଞ୍ଚି ବିବାହର ପ୍ରଲୋଭନ ଦେଖାଇ ତାଙ୍କ ସହ ଦୁଷ୍କର୍ମ କରିଲେ । କିଛିଦିନ ପରେ ଆଉ ସେ ଆସିନଥିଲେ । ତାଙ୍କ ସହ ଯୁବତୀଙ୍କର ଯୋଗାଯୋଗ ହୋଇପାରିଲାନାହିଁ । ସେ ଦୀନେଶଙ୍କ ଘରକୁ ଯାଇଥିଲେ ମାତ୍ର ସେଠାରୁ ତାଙ୍କୁ ଧକ୍କାମାରି ବାହାର କରିଦେଇଥିଲେ । ପୀଡିତାଙ୍କ କହିବା ଅନୁସାରେ ଦୀନେଶଙ୍କ ଭାଇଙ୍କ ପାଖରେ ତାଙ୍କର କେତେକ ଆପତ୍ତିଜନକ ଭିଡିଓ ମଧ୍ୟ ଥିଲା । ମହିଳା ଥାନାରେ ଅଭିଯୋଗ ପରେ ମାଜିଷ୍ଟ୍ରେଟଙ୍କ ନିକଟରେ ପୀଡିତାଙ୍କ ବୟାନ ରେକର୍ଡ କରାଯାଇଥିବା ଥାନା ଅଧିକାରୀ କହିଛନ୍ତି ।

   Related Posts