କଟକ, ୧୮/୧୨: କଟକରେ ଖ୍ରୀଷ୍ଟମାସ କାରୋଲ ସପ୍ତାହ ପାଳନ । ପ୍ରଭୁ ଯୀଶୁଙ୍କ ଜନ୍ମଦିନ ପୂର୍ବରୁ ଭାଇଚାରା ସହରରେ କରୋଲ କାର୍ଯ୍ୟକ୍ରମ ଆରମ୍ଭ ହୋଇଛି । ଖ୍ରୀଷ୍ଟମାସ ସପ୍ତାହରେ ପେଟନ ସାହିରେ ସ୍ନେହ ଓ ଭଲପାଇବା ବାଣ୍ଟୁଛନ୍ତି ଲୋକ ।
ଏହି କାରୋଲ କାର୍ଯ୍ୟକ୍ରମ ଦ୍ବାରା ସିଲଭର ସିଟିରେ ଭାଇଚାରା ବଜାୟ ରଖିବା ପାଇଁ ପେଟନ ସାହି ସଂକୀର୍ତ୍ତନ ଅନୁଷ୍ଠାନ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଯୁବ ଓ ବରିଷ୍ଠଙ୍କ ମଧ୍ୟରେ ଥିବା ଅନେକ ଲୁକ୍କାୟିତ ପ୍ରତିଭାକୁ ଲୋକ ଲୋଚନକୁ ଆଣିବା ଏହାର ଲକ୍ଷ୍ୟ ରହିଛି ।
ଏହି କାର୍ଯ୍ୟକ୍ରମ ମାଧ୍ୟମରେ ବରିଷ୍ଠ ନାଗରିକଙ୍କୁ ସମ୍ମାନିତ କରାଯାଇଛି । ଅନୁଷ୍ଠାନର ଏଭଳି ଉଦ୍ୟମକୁ ପ୍ରଶଂସା କରିଛନ୍ତି ସମାଜ ସେବୀ ଶୀତାଂଶୁ ରାଉତ । ସେ କହିଛନ୍ତି, ଯେତେବେଳେ ସାମାଜ ବରିଷ୍ଠ ନାଗରିକଙ୍କୁ ଭୂଲି ଯାଉଛି ଏବଂ ଏକ ମଞ୍ଚ ଆପଣଙ୍କୁ ଡାକି ସମ୍ମାନିତ କରୁଛି, ତାହା ଏକ ଅତୁଳନୀୟ ଅନୁଭବ । ଏହି ଅନୁଭବ ଏହା ଜଣାଉଛି ଯେ ସମାଜ ଆଜିବି ଆମ ପାଇଁ ଯତ୍ନଶୀଳ ଅଛି ।
