ମୁମ୍ବାଇ ୦୫।୦୨; ବିଶ୍ବର ଶ୍ରେଷ୍ଠ ଖେଳାଳିଙ୍କ ମଧ୍ୟରେ ଗଣାଯାଆନ୍ତି ଭାରତର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ। ସେ କ୍ୟାପଟେନ କୁଲ ଭାବରେ ପରିଚିତ । ଧୋନୀ ବିଶ୍ଵ ଏମିତି ଏକମାତ୍ର ଅଧିନାୟକ ଯିଏ ଭାରତକୁ ତିନୋଟି ଆଇସିସି ଟ୍ରଫି ଜିତାଇଛନ୍ତି । ଏହି କାରଣରୁ, ତାଙ୍କର ସମଗ୍ର ବିଶ୍ୱରେ ଲକ୍ଷ ଲକ୍ଷ ପ୍ରଶଂସକ ରହିଛନ୍ତି। ବର୍ତ୍ତମାନ ୱେଷ୍ଟଇଣ୍ଡିଜର ଭେଟେରାନ୍ ବ୍ୟାଟ୍ସମ୍ୟାନ୍ ତଥା ୟୁନିଭର୍ସ ବସ୍ ଭାବେ ପରିଚିତ କ୍ରିସ୍ ଗେଲ୍ ଧୋନୀଙ୍କ ସହ ଏକ ଫଟୋ ସେୟାର କରିଛନ୍ତି । ଯାହା ସଂପ୍ରତି ସାମାଜିକ ଗଣମାଧ୍ୟମରେ ବେଶ୍ ଭାଇରାଲ୍ ହେବାରେ ଲାଗିଛି।
ବର୍ତ୍ତମାନ ଗେଲ୍ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରୁ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ଭେଟେରାନ ଭାରତୀୟ ବ୍ୟାଟର ମହେନ୍ଦ୍ର ସିଂ ଧୋନିଙ୍କ ସହ ନଜର ଆସିଛନ୍ତି । ଏଥିରେ ଗେଲ ଧୋନିଙ୍କ କାନ୍ଧରେ ହାତ ରଖିଛନ୍ତି ଏବଂ କ୍ୟାପସନରେ ଲେଖିଛନ୍ତି ଯେ 'ଲଙ୍ଗ ଲାଇଭ୍ ଦ ଲିଜେଣ୍ଡସ୍' । ଏହି ଫଟୋ ସେୟାର କରିବା ପରେ ଭାରତୀୟଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଛି । ଧୋନୀଙ୍କ ଅନେକ ଫ୍ୟାନ୍ସ ଏହି ଫଟୋରେ ଅନେକ କମେଣ୍ଟ ମଧ୍ୟ କରିଛନ୍ତି ।
wp:html/wp:html
ମହେନ୍ଦ୍ର ସିଂ ଧୋନି ବିସ୍ଫୋରକ ବ୍ୟାଟର ଭାବେ ବେଶ ଖାତି ଅର୍ଜନ କରିଛନ୍ତି । ଦୁନିଆର ସର୍ବୋତ୍ତମ ଫିନିସର୍ ଭାବେ ପରିଚିତ କ୍ୟାପଟେନ କୁଲ ବିଶ୍ୱର ଏକମାତ୍ର ଅଧିନାୟକ, ଯିଏକି ତିନିଟି ଆଇସିସି ଟ୍ରଫି ଜିତିଛନ୍ତି । ତାଙ୍କ ଅଧିନାୟକତ୍ୱରେ ଭାରତ ୨୦୦୭ରେ ଟି-୨୦ ବିଶ୍ୱକପ, ୨୦୧୧ ଦିନିକିଆ ବିଶ୍ୱକପ ଏବଂ ୨୦୧୩ରେ ଚାମ୍ପିଅନ୍ସ ଟ୍ରଫି ଜିତିଥିଲା । ଧୋନୀ 2020 ମସିହାରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଛନ୍ତି ।
ମହେନ୍ଦ୍ର ସିଂ ଧୋନି ବିସ୍ଫୋରକ ବ୍ୟାଟିଂରେ ମଧ୍ୟ ମାହିର ଅଟନ୍ତି । ସେ ଆଇପିଏଲରେ ମଧ୍ୟ ନିଜ ଯାଦୁ ଦେଖାଇଛନ୍ତି । ଧୋନିଙ୍କ ଅଧିନାୟକତ୍ୱରେ ଚେନ୍ନାଇ ସୁପର କିଙ୍ଗ୍ସ ଚାରିଥର ଆଇପିଏଲ୍ ଟାଇଟଲ୍ ମଧ୍ୟ ଜିତିଛି । ତେବେ ଆଇପିଏଲ୍ ୨୦୨୩ ତାଙ୍କର ଶେଷ ସିଜିନ୍ ହୋଇପାରେ ବୋଲି କୁହାଯାଉଛି।
ଅନ୍ୟପଟେ କ୍ରିସ୍ ଗେଲଙ୍କ କଥା ସେ ବର୍ତ୍ତମାନ କ୍ରିକେଟ୍ ଠାରୁ ଦୂରରେ ଅଛନ୍ତି । ସେ କମେଣ୍ଟ୍ରି କରିବା ସହ ବିଶେଷଙ୍ଗ ଭାବେ ମଧ୍ୟ ନିଜର ଦାୟିତ୍ବ ସଂପାଦନ କରିବାକୁ ଚାହାନ୍ତି।
