ଭଦ୍ରକ ୦୫/୧୧: ଚୋରକୁ ସାବାସୀ । ଫୁଲ ମାଳ ପିନ୍ଧାଇ ସମ୍ବର୍ଦ୍ଧନା କରିଲେ ଗ୍ରାମବାସୀ । ଏମିତି କରି ଗାଁ ବୁଲାଇଥିବାର ଦୃଶ୍ୟ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଦୋକାନ ଗୁଡ଼ିକରୁ ସିରିଜ ଚୋରି କରିଥିବାରୁ ଗ୍ରାମବାସୀଙ୍କ ପକ୍ଷରୁ ଚୋରକୁ ଏଭଳି ସାବାସୀ ଦିଆଯାଇଛି ।
ଘଟଣାକ୍ରମ ଅନୁଯାୟୀ, ଗୋଟିଏ ରାତିରେ ୭ଟି ଦୋକାନରୁ ଜଣେ ଚୋର ଚୋରି କରିଥିଲା । ଦୋକାନରୁ ଚୋରି କରୁଥିବା ସମୟରେ ଗାଁ ଲୋକ ତାଙ୍କୁ ଧରିଥିଲେ । ଚୋରର ଏଭଳି ସାହସକିତା ପାଇଁ ଗାଁ ଲୋକ ମିଶି ଚୋରକୁ ସାବାସୀ ଦେବା ସହ ବେକରେ ଫୁଲ ମାଳ ପିନ୍ଧାଇ ସାରା ଗାଁ ବୁଲାଇଥିଲେ ।
ଚୋରକୁ ସମସ୍ତେ ବାଡାଉଥିବା ବେଳେ, ଫୁଲମାଳ ପିନ୍ଧାଇ ସମ୍ବର୍ଦ୍ଧନା ଜଣାଇବା ଘଟଣା ସ୍ଥାନୀୟ ଅଞ୍ଚଳରେ କୌତୁହଳ ସୃଷ୍ଟି ହୋଇଛି । ଏଭଳି ଦୃଶ୍ୟ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଥିବା ବେଳେ, କେଉଁ ଅଞ୍ଚଳର ତାହା ଅସ୍ପଷ୍ଟ ରହିଛି ।
