ପୁରୀ ୨୦।୧୨: ଚିତ୍ତରଞ୍ଜନ ପଲେଇ ମୃତ୍ୟୁ ମାମଲା । କ୍ରାଇମ୍ବ୍ରାଞ୍ଚ ହାତରେ ଲାଗିଲା ପୋଷ୍ଟମର୍ଟମ ରିପୋର୍ଟ । ଏହାପରେ ଭିସେରା ଟେଷ୍ଟ ପାଇଁ ଫରେନ୍ସିକ୍ ଲ୍ୟାବକୁ ପଠାଗଲା । ଜଗା ସହ ଆଉ ୨ଜଣଙ୍କ ହେବ ଲାଏ-ଡିଟେକ୍ସନ ଟେଷ୍ଟ । ଭୁବନେଶ୍ୱର ଫରେନ୍ସିକ ଲ୍ୟାବରେ ପହଞ୍ଚିଲେ ଜଗା ଓ ଆଉ ୨ଜଣ । ଲାଏ-ଡିଟେକ୍ସନ ଟେଷ୍ଟରେ ଆହୁରୀ ଅନେକ ରହସ୍ୟ ଉପରୁ କ୍ରାଇମବ୍ରାଞ୍ଚ ପରଦା ହଟାଇପାରେ ବୋଲି ଆଶା କରାଯାଉଛି ।
ଖବର ଅନୁଯାୟୀ, ବ୍ରହ୍ମଗିରିରେ ଚିତ୍ତରଞ୍ଜନ ପଲେଇ ମୃତ୍ୟୁ ଘଟଣା । ମାମଲାରେ ତଦନ୍ତ ପୋଲିସ କରୁଥିବା ବେଳେ ଏହାକୁ କ୍ରାଇମ୍ବ୍ରାଞ୍ଚକୁ ଦିଆଯାଇଥିଲା । କ୍ରାଇମ୍ବ୍ରାଞ୍ଚ ବ୍ରହ୍ମଗିରି ଯାଇ ଘଟଣାର ପୁଙ୍ଖାନୁପୁଙ୍ଖ ତଦନ୍ତ କରିଛି । ଆଉ ଏବେ ଆସିଛି ଚିତ୍ତରଞ୍ଜନ ପଲେଇଙ୍କ ଶବ ବ୍ୟବେଚ୍ଛଦ ରିପୋର୍ଟ । କ୍ରାଇମ୍ବ୍ରାଞ୍ଚକୁ ହସ୍ତାନ୍ତର ହୋଇଛି ପୋଷ୍ଟ ମର୍ଟମ ରିପୋର୍ଟ । ତଦନ୍ତର ଶେଷ ପର୍ଯ୍ୟୟରେ କ୍ରାଇମ୍ବ୍ରାଞ୍ଚ୍ ଟିମ୍ ପହଞ୍ଚିଥିବା କୁହାଯାଉଛି । ଅନ୍ୟପଟେ ମାମଲାର ଅଭିଯୁକ୍ତ ବୋଲି କୁହାଯାଉଥିବା ଜଗନ୍ନାଥ ଷଡଙ୍ଗୀ ଓରଫ ଜଗା କହୁଛି ଏହା ଦୁର୍ଘଟଣା । କିନ୍ତୁ ପାରିପାଶ୍ୱିର୍କ ଅବସ୍ଥିତିରୁ ଏହା ହତ୍ୟା ବୋଲି ଆଶଙ୍କା କରାଯାଉଛି । ଖାପ୍ ଖାଉ ନଥିବାରୁ ଏହା ହତ୍ୟା ବୋଲି ଆଶଙ୍କା କରାଯାଉଥିବା ବେଳେ ଏବେ କ୍ରାଇମ୍ବ୍ରାଞ୍ଚ୍ ଟିମ୍ ଦ୍ୱନ୍ଦରେ ଥିବା କୁହାଯାଉଛି ।
