କରଞ୍ଜିଆ ୨୩/୦୧: ଅସୁରକ୍ଷିତ ଶିମିଳିପାଳ । କେତେବେଳେ ଶିକାରୀଙ୍କ ଦ୍ଵାରା ହାତୀ ଶିକାର ହେଉଥିବାବେଳେ ଆଉ କେତେବେଳେ ବାଘ ଚମଡା ଉଦ୍ଧାର ଘଟଣା । କେଉଁଠି ନା କେଉଁଠି ଶିମିଳିପାଳର ସୁରକ୍ଷା ନେଇ ପ୍ରଶ୍ନବାଚୀ ସୃଷ୍ଟି କରୁଛି । ରବିବାର ଶିମିଳିପାଳ ଉତ୍ତର ବନ୍ୟପ୍ରାଣୀ ବନଖଣ୍ଡ ତାଳବନ୍ଧ ରେଞ୍ଜ ଅସାଡଲା ବିଟ୍ ଅଞ୍ଚଳରେ ଏକ ଦନ୍ତା ହାତୀର ମୃତ୍ୟୁର କାରଣ ଅସ୍ପଷ୍ଟ ରହିଥିଲା ।
ପୁଣିଥରେ ସୋମବାର କରଞ୍ଜିଆ ବନଖଣ୍ଡ ଦୁଧିଆଣୀ ରେଞ୍ଜ ବୁଢ଼ିଗାଁ ଜଙ୍ଗଲରୁ ବନବିଭାଗ ଦ୍ୱାରା ଏକ ଚିତାବିରାଡ଼ି ଛୁଆର ମୃତଦେହ ଉଦ୍ଧାର କରାଯାଇଛି । ମୃତ ଚିତା ବିରାଡ଼ି ଛୁଆର ଆନୁମାନିକ ବୟସ ଏକ ମାସରୁ ଉର୍ଦ୍ଧ୍ୱ ହେବ ବୋଲି ଜଣାପଡ଼ିଛି । ତେବେ ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ବନବିଭାଗ ତାକୁ କରଞ୍ଜିଆ ପଶୁ ଚିକିତ୍ସାଳୟକୁ ଆଣି ମୃତଦେହ ବ୍ୟବଚ୍ଛେଦ କରାଯାଉଥିବା ଜଣା ପଡିଛି।
