ଚୌଦ୍ୱାର ୧୨/୧୦ : ଚୌଦ୍ୱାରରେ ସିବିଆଇ ଚଢ଼ାଉ ହୋଇଛି । ପୌରପାଳିକା ୧୬ ନମ୍ବର ୱାର୍ଡ ଗୋଡିପାଟଣା ଗ୍ରାମରେ ୨ ଜଣଙ୍କ ଘରେ ଆଜି ସକାଳୁ ସିବିଆଇର ଏକ ୧୨ ଜଣିଆ ଟିମ ଚଢ଼ାଉ କରିଛନ୍ତି । ଗ୍ରାମର ମନୋଜ ସୁବୁଦ୍ଧି ଓ ସୁଧୀର ବେହେରାଙ୍କ ଘରେ ଏହି ଚଢ଼ାଉ ହୋଇଛି । ଚିଟଫଣ୍ଡ ଘଟଣାରେ ଏହି ଦୁଇ ଜଣ ସମ୍ପୃକ୍ତ ଥିବାରୁ ଏହି ଚଢ଼ାଉ ହୋଇଥିବା ଜଣାପଡିଛି । ଗତ ଚାରି ବର୍ଷ ତଳେ ସିବିଆଇ ସୁଧୀରଙ୍କ ଘରେ ମଧ୍ୟ ଚଢ଼ାଉ କରିଥିଲେ । ସେବେଠାରୁ ସୁଧୀର ଫେରାର ଥିଲେ । ମନୋଜଙ୍କ ଘରେ ଚଢ଼ାଉ ବେଳେ ସେ ଘରେ ନଥିବା ସୂଚନା ମିଳିଛି । ସୁଧୀରଙ୍କ ଘର ପରିତ୍ୟକ୍ତ ଅବସ୍ଥାରେ ଥିବାରୁ ସିବିଆଇ ଅଫିସରମାନେ ବାହାରେ ଜଗି ରହିଛନ୍ତି । ଚଢ଼ାଉ ବେଳେ ଚୌଦ୍ୱାର ପୋଲିସ ଉପସ୍ଥିତ ଅଛନ୍ତି । ସୁଧୀର ବେହେରା ରିଅଲ ଭିଜନ ଓ ମନୋଜ ସୁବୁଦ୍ଧି ସାରଦା ଚିଟ ଫଣ୍ଡ ଘୋଟଲାରେ ସାମିଲ ଥିବାର ଜଣାପଡିଛି ।