ଆମେରିକା କୋଭିଡ୍ ଫଣ୍ଡରୁ ୨ କୋଟି ଡଲାର ଉଡାଇ ନେଲେ ଚୀନର ସରକାରୀ ହ୍ୟାକର, ଦୁଇ ବର୍ଷ ଧରି ଚାଲିଥିଲା ଚୋରି

Published By : Prameya-News7 Bureau | December 06, 2022 IST

ନୂଆଦିଲ୍ଲୀ: ଚୀନର ସରକାର ହ୍ୟାକର ଆମେରିକାର କୋଭିଡ ରିଲିଫ ଫଣ୍ଡରୁ ୨ କୋଟି ଡଲାର (୨୦ ମିଲିୟନ) ଉଡାଇ ନେଇଛନ୍ତି । ଏନବିସି ମଙ୍ଗଳବାର ନିଜର ରିପୋର୍ଟରେ ଏହି ସୂଚନା ଦେଇଛି । ଏହା ଅନୁସାରେ, ଆମେରିକାକୁ ଚୂନ ଲଗାଇଥିବା ହ୍ୟାକର ଚୀନର ଜିନପିଙ୍ଗ ସରକାର ପାଇଁ କାମ କରୁଛନ୍ତି । ଏନବିସି ନ୍ୟୁଜର ରିପୋର୍ଟ ଅନୁସାରେ APT41 ନାମକ ଏକ ହ୍ୟାକିଂ ଗ୍ରୁପ କୋଭିଡ ରିଲିଫ ଫଣ୍ଡରୁ ଅତି କମରେ ୨୦ ମିଲିୟନ ଡଲାର ଚୋରି କରିଛି । ରିପୋର୍ଟ ଅନୁସାରେ ଏହି ଚୋରି ୨୦୨୦ ମସିହା ମଧ୍ୟ ଭାଗରେ ହୋଇଥିଲା ଏବଂ ପ୍ରାୟ 2000 ଖାତାରୁ ଚୋରି କରାଯାଇଥିଲା । ଏହି ସମୟରେ ୪୦,୦୦୦ରୁ ଅଧିକ ଆର୍ଥିକ ନେଣଦେଣ ହୋଇଛି।

ହ୍ୟାକରଙ୍କ ଏହି ଗ୍ରୁପ ଚୀନର ଚେଙ୍ଗଦୁରୁ ପରିଚାଳିତ ହେଉଛି । ଅଧିକାରୀମାନେ କହିଛନ୍ତି ଯେ ମହାମାରୀ ସମୟରେ ହୋଇଥିବା ଧୋକା ସମ୍ପର୍କୀୟ ତଦନ୍ତରେ ଏଥିରେ ବିଦେଶୀ ହ୍ୟାକରଙ୍କ ହାତ ଥିବା ଜଣାପଡିଛି ।  ରିପୋର୍ଟରେ କୁହାଯାଇଛି ଯେ ଚୀନର ସରକାରୀ ହ୍ୟାକର ଅନ୍ୟ ଦେଶର ସୁରକ୍ଷା ପାଇଁ ବଡ଼ ବିପଦ ସୃଷ୍ଟି କରୁଛନ୍ତି।  

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.