vridhi excotica
star kirano
ori homes
vridhi excotica
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେନିସକୁ ଅଲବିଦା କହିଥାନ୍ତେ ରାଫେଲ ନାଦାଲ ! କିନ୍ତୁ…
  • ||
  • ଖୋର୍ଦ୍ଧା : ରାସ୍ତାକଡ଼କୁ ଖସିଲା ‘ଲିଙ୍ଗରାଜ’, ବସ୍‌ରେ ଥିଲେ ୨୦ରୁ ଅଧିକ ଯାତ୍ରୀ…
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୩୪୬ କୋଭିଡ୍ ପଜିଟିଭ୍
  • ||
  • ଜୁଲାଇ ୫ରେ ମାଟ୍ରିକ୍‌ ରେଜଲ୍ଟ ! ସୋମବାର ହୋଇପାରେ ଘୋଷଣା
  • ||
  • ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ, ଶେଷଦିନରେ ନେତାଙ୍କୁ ଗୁରୁମନ୍ତ୍ର ଦେବେ ମୋଦୀ
  • ||
  • ସାମ୍ନାକୁ ଆସିଲେ କହ୍ନେୟାଲାଲ ହତ୍ୟାକାଣ୍ଡର ପ୍ରତ୍ୟକ୍ଷଦର୍ଶୀ, ବଖାଣିଲେ ଛାତିଥରା କାହାଣୀ
  • ||
  • ମୌସୁମୀକୁ ସକ୍ରିୟ କରିବ ଲଘୁଚାପ : ରବିବାର ଓ ସୋମବାର ଏହି ସବୁ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||

ଭୁଟାନ ଉପରେ ଡ୍ରାଗନର ଦାଦାଗିରି, କିଛି ଅଞ୍ଚଳକୁ ଜବରଦସ୍ତି ମାଡିବସିଛି ଚୀନ୍‌ସେନା

14/09/2020 at 4:29 PM

ନୂଆଦିଲ୍ଲୀ ୧୪।୦୯: ସଦାସର୍ବଦା ବିସ୍ତାରବାଦୀ ନୀତିରେ ବିଶ୍ୱାସ କରୁଥିବା ଚୀନ୍‌ ଖେଲିଛି ଆଉ ଏକ ଚାଲ୍‌ । ଦକ୍ଷିଣ ଚୀନ୍‌ ସାଗର ଏବଂ ଲଦାଖ ସୀମାରେ ଚୀନ୍‌ ନିଜର ଆଧିପତ୍ୟ ଜାହିର କରିବାକୁ ଉଦ୍ୟମ କରୁଥିଲା ବେଳେ ଏବେ ଭୁଟାନର ଭୂମିକୁ ବି ନିଜ ଦଖଲକୁ ଆଣିବାକୁ ପ୍ରୟାସ କରୁଛି ।

ରିପୋର୍ଟ ଅନୁଯାୟୀ, ମଧ୍ୟ ଏବଂ ପଶ୍ଚିମ ଭୁଟାନ ସଂଲଗ୍ନ ସୀମାରେ ଚୀନ୍‌ ସେନା ଭୁଟାନର ଅନେକ ଅଞ୍ଚଳକୁ ନିଜ ଦଖଲକୁ ନେଇଯାଇଛି । ଚୀନ୍‌ ସେନା ବ୍ୟାପକ ପରିମାଣରେ ସୈନିକ ଏବଂ ଯୁଦ୍ଧାସ୍ତ୍ର ମୁତୟନ କରିଛି । ଚୀନ୍‌ ପୂର୍ବରୁ ବି ଭୁଟାନର କିଛି ଅଞ୍ଚଳକୁ ନିଜ ଦଖଲରେ ରଖିଛି । ଦୁଇ ଦେଶ ଭିତରେ ଏବେ ସୀମା ବିବାଦର ସମାଧାନ ପାଇଁ ଆଉ ଏକ ପର୍ଯ୍ୟାୟ ଆଲୋଚନା ହେବାର ଅଛି । ଏହା  ପୂର୍ବରୁ ମଧ୍ୟ ଏବଂ ପଶ୍ଚିମ ଭୁଟାନ୍‌ ସୀମାରେ ସାମରିକ ଶକ୍ତି ପ୍ରଦର୍ଶନ କରି ଚୀନ୍‌ ଭୁଟାନ ଉପରେ ଚାପ ବଢାଇବାକୁ ଚାହୁଁଛି । ଏପରି ଚାପ ସୃଷ୍ଟି କରି ସିଏ ଭୁଟାନ ସହିତ ଡିଲ୍‌ କରିବାକୁ ଏବଂ ପୂର୍ବରୁ ନିଜ ଦଖଲରେ ରଖିଥିବା ତା’ର ଭୂମିକୁ ସବୁଦିନ ପାଇଁ ଅକ୍ତିଆର କରିବାକୁ ଯୋଜନା କରିଛି ।

ଚୀନ୍‌ ଭୁଟାନର ମଧ୍ୟ ଭାଗରେ ୩୧୮ ବର୍ଗ କିମି ଏବଂ ପଶ୍ଚିମ ଭାଗରେ ୪୯୫ ବର୍ଗ କିମି ପରିମିତ ଅଞ୍ଚଳକୁ ନିଜର ବୋଲି ଦାବି କରୁଛି । ୨୦୧୭ ମସିହାରେ ଡୋକଲାମ ଉପତ୍ୟାକାରେ ଅନୁପ୍ରବେଶ କରିବା ଘଟଣା ପର ଠାରୁ ଚୀନ୍‌ ଭୁଟାନର ପଶ୍ଚିମ ଭାଗରେ ଥିବା ୫ଟି ସ୍ଥାନରେ ଅନୁପ୍ରବେଶ କରି ବ୍ୟାପକ ମାତ୍ରାରେ ଭୁଟାନର ଅଞ୍ଚଳକୁ ନିଜ ଦଖଲରେ ରଖିଛି ।

ଭୁଟାନର ସୁରକ୍ଷା ଭାରତ ପାଇଁ ବେଶ୍‌ ଗୁରୁତ୍ୱପୂର୍ଣ୍ଣ । କାରଣ ଭାରତର ସିଲିଗୁଡି କରିଡରକୁ ଭୁଟାନର ସୀମା ଲାଗିଛି । ତେଣୁ ଭୁଟାନର ବ୍ୟାପକ ଅଞ୍ଚଳ ଚୀନ୍‌ ଦଖଲକୁ ଗଲେ ଭାରତର ସିଲିଗୁଡି କରିଡର ପ୍ରତି ବିପଦ ସୃଷ୍ଟି ହେବ । ଭାରତର ଉତ୍ତର-ପୂର୍ବ ରାଜ୍ୟଗୁଡିକ ସହ ମୁଖ୍ୟ ଭୂଖଣ୍ଡକୁ ଏହି କରିଡର ଯୋଡ଼ିଥାଏ । ତେଣୁ ଯୁଦ୍ଧ ହେଲେ ଚୀନ୍‌ ଏହି କରିଡର ଉପରେ ଆକ୍ରମଣ କରି ଭାରତର ଉତ୍ତର-ପୂର୍ବ ରାଜ୍ୟଗୁଡିକୁ ମୁଖ୍ୟ ଭୂଖଣ୍ଡରୁ ଦୂରେଇ ଦେବାକୁ ଉଦ୍ୟମ କରିବ ।

   Related Posts