ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: କୋର୍ଟରେ ଜଜ୍‌ଙ୍କୁ ଛୁରାମାଡ ଉଦ୍ୟମ, କାବୁ କଲା ପୋଲିସ
  • ||
  • ଭୁବନେଶ୍ୱର: ICMRର ପରାମର୍ଶ, ସାମାନ୍ୟ ଜ୍ୱର ହେଲେ ଖାଅନି ଆଣ୍ଟିବାୟୋଟିକ୍
  • ||
  • ଶିକ୍ଷକ ନିଯୁକ୍ତି ପ୍ରସଙ୍ଗରେ ଗୃହରେ ହଙ୍ଗାମା, ଗୃହ ମୁଲତବୀ କଲେ ବାଚସ୍ପତି
  • ||
  • ପଦ୍ମପୁରରେ କେନ୍ଦ୍ରୀୟ ଟିମ୍‌ର ରେଡ୍, ୩ ବ୍ୟବସାୟୀଙ୍କ ଘରେ ଚଢାଉ
  • ||

ରାପିଡ୍ ଟେଷ୍ଟ କିଟ୍ ନେଇ ଅଭିଯୋଗ ଆସିବା ପରେ ସଫେଇ ଦେଲା ଚୀନ୍ – ‘ମାମଲା ଗମ୍ଭୀର, ଭାରତକୁ କରାଯିବ ସାହାଯ୍ୟ’

22/04/2020 at 3:38 PM

ନୂଆଦିଲ୍ଲୀ ୨୨।୪: କରୋନା ରାପିଡ୍ ଟେଷ୍ଟ କିଟ୍ କୁ ନେଇ ଚୀନ୍ ଉପରେ ଯେଉଁଭଳି ଦୋଷାରୋପ କରାଯାଉଛି ସେନେଇ ସଫେଇ ଦେଇଛି ଚୀନ୍ । ଭାରତରେ ଚୀନ୍ ଦୂତାବାସର ଜଣେ ମୁଖପାତ୍ର ବୁଧବାର କହିଛନ୍ତି ଯେ ଚୀନ୍ ରପ୍ତାନୀ ହେଉଥିବା ଚିକିତ୍ସା ଉପକରଣର ଗୁଣବତ୍ତାକୁ ଗୁରୁତ୍ବ ଦିଆଯାଇଥାଏ । ଆମେ ସଂପୃକ୍ତ ଭାରତୀୟ ଏଜେନ୍ସି ସହିତ ଯୋଗାଯୋଗରେ ଅଛୁ ଏବଂ ଆବଶ୍ୟକୀୟ ସାହାଯ୍ୟ ମଧ୍ୟ କରାଯିବ ।

କେନ୍ଦ୍ର ସରକାର ଦୁଇ ଦିନ ଧରି ରାପିଡ୍ କିଟ୍ ପରୀକ୍ଷା ଉପରେ ପ୍ରତିବନ୍ଧକ ଲଗାଇଛନ୍ତି। ରାଜସ୍ଥାନ ସରକାରଙ୍କ ରାପିଡ୍ ଟେଷ୍ଟର ଫଳାଫଳ ଉପରେ ପ୍ରଶ୍ନ ଉଠାଇବା ପରେ ଏଥିରେ ରୋକ୍ ଲାଗିଛି। ବର୍ତ୍ତମାନ କେନ୍ଦ୍ରୀୟ ଦଳ ଏହି ପରୀକ୍ଷଣର ଫଳାଫଳକୁ ଗମ୍ଭୀରତାର ସହ ଯାଞ୍ଚ କରିବେ, ଏହାପରେ ପରବର୍ତ୍ତୀ ପଦକ୍ଷେପ ଘୋଷଣା କରାଯିବ।

ଜୟପୁରର ସାୱାଇ ମାନସିଂହ ହସ୍ପିଟାଲରେ ଭର୍ତ୍ତି ହୋଇଥିବା ୧୬୮ କରୋନା ରୋଗୀଙ୍କ ରାପିଡ୍ ପରୀକ୍ଷା କରାଯାଇଥିଲା । ମାତ୍ର ୫% ରୋଗୀ ଏହି ପରୀକ୍ଷାରେ ପଜିଟିଭ ଥିଲେ। ଏହାପରେ ସରକାର ରାଜ୍ୟରେ ରାପିଡ୍ ପରୀକ୍ଷା ବନ୍ଦ କରିଦେଇଥିଲେ। ଫଳରେ ସ୍ବାସ୍ଥ୍ୟ ମନ୍ତ୍ରଣାଳୟ ଏବଂ ଆଇସିଏମଆର ଦୁଇ ଦିନ ଧରି ରାପିଡ୍ ପରୀକ୍ଷା ଉପରେ ପ୍ରତିବନ୍ଧକ ଲଗାଇଛନ୍ତି। ଏହି ଦୁଇ ଦିନରେ କେନ୍ଦ୍ରର ବିଶେଷଜ୍ଞ ଟିମ୍ ରାପିଡ୍ ଟେଷ୍ଟ କିଟ୍ ଯାଞ୍ଚ କରିବେ ।

ବର୍ତ୍ତମାନ ପର୍ଯ୍ୟନ୍ତ ଦେଶର ସମସ୍ତ ରାଜ୍ୟରେ ଲକ୍ଷ ଲକ୍ଷ ରାପିଡ୍ ଟେଷ୍ଟ କିଟ୍ ବଣ୍ଟନ କରାଯାଇଛି। ଦିଲ୍ଲୀକୁ ୪୨,୦୦୦, ରାଜସ୍ଥାନକୁ ୧୦,୦୦୦, ଉତ୍ତରପ୍ରଦେଶକୁ ୮,୫୦୦, ପଞ୍ଜାବକୁ ୧୦,୧୦୦ ଏବଂ ଗୁଜୁରାଟକୁ ୨୪,୦୦୦ କିଟ୍ ପଠାଯାଇଛି।

   Related Posts