ନୂଆଦିଲ୍ଲୀ: ଚୀନ ୨୦୨୩ ପାଇଁ ନିଜର ପ୍ରତିରକ୍ଷା ବଜେଟରେ ୭.୨ ପ୍ରତିଶତ ବୃଦ୍ଧି ନେଇ ଘୋଷଣା କରିଛି । ୨୦୨୩ରେ ଚୀନରେ ପ୍ରତିରକ୍ଷା ବଜେଟ୍ ୧.୫୫ ଟ୍ରିଲିୟନ ୟୁଆନ (୨୨୪ ବିଲିୟନ ଡଲାର) ରଖାଯାଇଛି । ଚୀନ ରକ୍ଷ ବଜେଟ୍ ୨୦୧୩ ତୁଳନାରେ ଦ୍ୱିଗୁଣା ହୋଇଛି । ଏହାସହ ଦୁନିଆର ଦ୍ୱିତୀୟ ସବୁଠୁ ବଡ଼ ସୈନ୍ୟ ବଜେଟ୍ କରିବା ଦେଶ ହୋଇଛି ଚୀନ ।

ଚୀନ ଲଗାତାର ଅଷ୍ଠମ ବର୍ଷରେ ପ୍ରତିରକ୍ଷା ବଜେଟରେ ଗୋଟିଏ ସଂଖ୍ୟା ବୃଦ୍ଧି କରିଛି । ଗତ ଆର୍ଥିକ ବର୍ଷରେ ଚୀନ ନିଜ ପ୍ରତିରକ୍ଷା ବଜେଟରେ ୭.୨ ପ୍ରତିଶତ ବୃଦ୍ଧି କରିଥିଲା ଯାହା ୧.୪୫ ଟ୍ରିଲିୟନ ୟୁଆନ ରହିଥିଲା । ତେବେ ଡଲାରରେ ଏହି ଖର୍ଚ୍ଚ କମ ରହିଛି । ଚୀନର ଚଳିତ ଥର ରକ୍ଷା ବଜେଟ୍ ୨୨୪ ବିଲିୟନ ଡଲାର, ଯାହା ପୂର୍ବ ବର୍ଷ ୨୩୦ ବିଲିୟନ ଡଲାର ରହିଥିଲା ।  

ବିଶ୍ୱ ବ୍ୟାଙ୍କ ଅନୁସାରେ ୨୦୨୧ରେ ଚୀନ ନିଜ ସେନା ଉପରେ ଜିଡିପିର ୧.୭ ପ୍ରତିଶତ ଖର୍ଚ୍ଚ କରିଥିଲା । ଅନ୍ୟପଟେ ଆମେରିକା ନିଜ ସେନା ଉପରେ ଡିଜିପିର ୩.୫ ପ୍ରତିଶତ ଖର୍ଚ୍ଚ କରିଥିଲା । ସରକାରୀ ଋଣର ଆକାଶଛୁଆଁ ହାର ଏବଂ ଗତ ଚାରି ଦଶନ୍ଧିର ଦ୍ୱିତୀୟ ସର୍ବନିମ୍ନ ସ୍ତରରେ ବିକାଶ ଭିତରେ ଚୀନର ପ୍ରତିରକ୍ଷା ବଜେଟ୍ ଅପେକ୍ଷାକୃତ ଅଧିକ ରହିଛି ।