scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

SARS ଅପେକ୍ଷା ଅଧିକ ଭୟଙ୍କର ହେଲାଣି କରୋନା, ଚୀନ୍‌ରେ ୮୧୧ରେ ପହଞ୍ଚିଲାଣି ମୃତ୍ୟୁ ସଂଖ୍ୟା

9/02/2020 at 12:43 PM

ବେଜିଂ ୯।୨: ଚୀନ୍ ର କରୋନା ଭାଇରସ୍ ଏବେ ମହାମାରୀ ଭଳି ବ୍ୟାପିବାରେ ଲାଗିଛି । ଚୀନ୍ ରେ କରୋନା ଭାଇରସ୍ ଯୋଗୁଁ ମୃତ୍ୟୁ ସଂଖ୍ୟା ବୃଦ୍ଧି ପାଇ ୮୧୧ରେ ପହଞ୍ଚିଲାଣି । ୨୦୦୨ରୁ ୨୦୦୩ ମଧ୍ୟରେ ବ୍ୟାପିଥିବା ସିଭିୟର ଆକ୍ୟୁଟ ରେସ୍ପିରେଟରୀ ସିଣ୍ଡ୍ରୋମ (SARS) ଅପେକ୍ଷା ଅଧିକ ଭୟଙ୍କର ରୂପ ନେଲାଣି କରୋନା । SARS ଯୋଗୁଁ ୭୭୪ ଜଣଙ୍କର ମୃତ୍ୟୁ ହୋଇଥିବାବେଳେ ୮୦୯୮ ଜଣ ଲୋକ ଏଥିରେ ସଂକ୍ରମିତ ହୋଇଥିଲେ । ଚୀନ୍ ଏବଂ ହଂକଂରେ ଏହାର ଅଧିକ ପ୍ରଭାବ ଦେଖିବାକୁ ମିଳିଥିଲା । ସେହିଭଳି ଏବେ ଚୀନ୍ ରେ କରୋନା ଭାଇରସ୍ ବ୍ୟାପିବାରେ ଲାଗିଛି ।

ସାରା ବିଶ୍ବରେ ବୈଜ୍ଞାନିକମାନେ ଏହି ଭାଇରସ୍ ରୁ ରକ୍ଷା ପାଇବା ପାଇଁ ଅନୁସନ୍ଧାନରେ ଲାଗିଛନ୍ତି । ମାତ୍ର କୌଣସି ଔଷଧ ଏପର୍ଯ୍ୟନ୍ତ ବାହାରିପାରିନାହିଁ । କରୋନା ଭାଇରସ୍ ର ସଂକ୍ରମଣ ପ୍ରଥମେ ୨୦୧୯ ମସିହା ଡିସେମ୍ବର ମାସରେ ଉହାନ ସ୍ଥିତ ପଶୁ ବଜାରରୁ ବ୍ୟାପିଥିଲା । ଉହାନର ଅଧିକାଂଶ ଲୋକ ଏହି ଭାଇରସ୍ ରେ ସଂକ୍ରମିତ ହୋଇଛନ୍ତି । ଏଠାକାର ଅଧିକାଂଶ ଲୋକଙ୍କର ମୃତ୍ୟୁ ମଧ୍ୟ ହୋଇଛି ।

ଏହି ଭାଇରସ୍ ବାଦୁଡ଼ି, ସାପ ଏବଂ ବଜ୍ରକାପ୍ତା ଦ୍ବାରା ମଣିଷ ଶରୀରକୁ ଯାଇଥିବା ସନ୍ଦେହ କରାଯାଉଥିବା ବେଳେ ଏବେ ଚୀନ୍ ସି-ଫୁଡ୍ ଆମଦାନୀ-ରପ୍ତାନୀ ବନ୍ଦ କରିଛି । ଚୀନ୍ ମଧ୍ୟ ଅଷ୍ଟ୍ରେଲିଆରୁ ଆସୁଥିବା ସି-ଫୁଡ୍ ଉପରେ ପ୍ରତିବନ୍ଧକ ଲଗାଇଥିବାରୁ ବ୍ୟବସାୟୀ ପ୍ରଭାବିତ ହୋଇଛନ୍ତି । ସେହିପରି ଚୀନରେ କରୋନାର ଉତ୍ପତ୍ତିସ୍ଥଳ କୁହାଯାଉଥିବା ଉହାନ ସମେତ ପ୍ରାୟ ୩୦ରୁ ଅଧିକ ସହରରେ ସି-ଫୁଡ୍ ବଜାର ବନ୍ଦ କରାଯାଇଛି । ଏହାଦ୍ବାରା ଚୀନ୍ ରେ ସାମୁଦ୍ରିକ ଖାଦ୍ୟ ବଜାର ଠପ୍ ହୋଇଯାଇଛି ।

   Related Posts