scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଅଷ୍ଟ୍ରେଲିଆ ଉପରେ ଚୀନ୍‌ର ଅନଲାଇନ୍ ଆଟାକ୍ : ଜଣେ ଅଷ୍ଟ୍ରେଲୀୟ ସୈନିକ ଶିଶୁ ହତ୍ୟା କରୁଥିବାର ଫେକ୍ ଫଟୋ ଛାଡିଛି ବେଜିଂ

30/11/2020 at 3:53 PM

ସିଡନୀ,୩୦/୧୧:  ଅନ୍ୟ ଦେଶକୁ ବଦନାମ କରିବାକୁ ଚାଲ୍ କରୁଛି ଡ୍ରାଗନ୍ । କହୁଛି ମିଛ । ଏପରିକି ଦୁନିଆରେ ଆଗରେ ଅପପ୍ରଚାର କରୁଛି । ଏବେ ଚୀନ ଅଷ୍ଟ୍ରେଲିଆକୁ ବଦନାମ କରିବାକୁ ଏକ ଫେକ୍ ଫଟୋର ସାହାରା ନେଇଛି । ଚୀନ ସରକାର ଟ୍ୱିଟରରେ ଏକ ଫଟୋ ଭାଇରାଲ କରିଛନ୍ତି । ଯେଉଁଥିରେ ଜଣେ ଅଷ୍ଟ୍ରେଲୀୟ ସୈନିକ ଆଫଗାନର ଏକ ଶିଶୁର ଗଳାକାଟି ହତ୍ୟା କରୁଛନ୍ତି । ଏପରିକି ଗଳାକାଟିବା ବେଳେ ସେ ହସୁଥିବା ଦେଖିବାକୁ ମିଳିଛି । କିନ୍ତୁ ପ୍ରକୃତରେ ଏହି ଫଟୋ ଫେକ୍ ।

ଚୀନ ବୈଦେଶିକ ମନ୍ତ୍ରୀ ଲିଜନ ଝାଓଙ୍କ କହିବାନୁସାରେ, ଅଷ୍ଟ୍ରେଲିଆ ସେନା ନୀରିହ ଆଫଗାନ ଶିଶୁଙ୍କୁ ହତ୍ୟା କରୁଛି । ଜଣେ ସୈନ୍ୟ ହସହସ ମୁହଁରେ ଶିଶୁର ଗଳାକୁ ଏକ ଛୁରୀରେ କାଟୁଛନ୍ତି । ଏହାକୁ ଚୀନ ବିରୋଧ କରୁଛି । ଫଟୋରେ ଶିଶୁ ସହ ଏକ ମେଣ୍ଢା ଛୁଆ ମଧ୍ୟ ରହିଛି । ଅଷ୍ଟ୍ରେଲିଆ ଆଫଗାନିସ୍ତାରେ କରିଥିବା ଏକ ଛୋଟିଆ ଅପରେସନ ପରେ ଏହି ଫଟୋ ଭାଇରାଲ କରିଛି ଚୀନ । ଅଷ୍ଟ୍ରେଲିଆର ଏହି ଅପରେସରେ ତାଲିବାନ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଥିଲା । କିନ୍ତୁ କୌଣସି ସାଧାରଣ ଲୋକଙ୍କ ଜୀବନହାନୀ ହୋଇନଥିଲା ।

ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ୍ ମୋରିସନ ଏହି ଫଟୋକୁ ନିନ୍ଦା କରିବା ସହ ଫେକ୍ ବୋଲି କହିଛନ୍ତି ।ଏପରିକି ସୋସିଆଲ ମିଡିଆରୁ ଫଟୋ ହଟାଇବା ପାଇଁ ଚୀନ୍ ଓ ଟ୍ୱିଟରରୁ କହିଛନ୍ତି । ଏହାସହ ଚୀନ ସରକାର ଏଥିପାଇଁ କ୍ଷମା ମାଗନ୍ତୁ ବୋଲି ସେ କହିଛନ୍ତି । ଏପରି ଫେକ୍ ଫଟୋକୁ ଅଷ୍ଟ୍ରେଲିଆ ନିନ୍ଦା କରେ ।

ସେ ଆହୁରି କହିଛନ୍ତି ଯେ, ଚୀନ ଯେଉଁ ଫଟୋ ପୋଷ୍ଟ କରିଛି  ଅଷ୍ଟ୍ରେଲୀୟ ଯବାନ ମାନବିକତାର ପରିଚୟ ଦିଅନ୍ତି । ୧୦୦ ବର୍ଷ ଧରି ସେମାନେ ନିଜର ସାହସ ତଥା ମାନବକିତା ପ୍ରଦର୍ଶନ କରି ଆସୁଛନ୍ତି ।ଏନେଇ ସେ ଚୀନ ରାଷ୍ଚ୍ରପତିଙ୍କ ସମେତ ଅନ୍ୟ ମନ୍ତ୍ରୀଙ୍କୁ ଫୋନ କରିଥିଲେ ମଧ୍ୟ କେହି ରିସିଭ୍ କରିନଥିଲେ ।  ଏହି ଫଟୋ ପରେ ଉଭୟ ଚୀନ୍ ଓ ଅଷ୍ଟ୍ରେଲିଆ ମଧ୍ୟରେ ତିକ୍ତତା ବୃଦ୍ଧି ପାଇଛି ।

   Related Posts