ନୂଆଦିଲ୍ଲୀ, ୦୨ ।୧୦: ଚୀନକୁ ଜୋରଦାର ଝଟକା । ହଙ୍ଗକଙ୍ଗରେ ଚୀନ ବିରୋଧି ନାରା । ଖାଲି ଚୀନ ବିରୋଧୀ ନାରା ନୁହେଁ ଉଡିଲା ଭାରତର ତ୍ରିରଙ୍ଗା । ଏପରି ଦୃଶ୍ୟ ଦେଖିବାକୁ ମିଳିଛି ହଙ୍ଗକଙ୍ଗର ରାଜପଥରେ । କେକେତ ପ୍ରଦର୍ଶନକାରୀ ଡ୍ରାଗନ୍ ବିରୋଧରେ ନାରାବାଜି କରିବା ସହ ମନମୁଖୀ କାର୍ଯ୍ୟକୁ ନିନ୍ଦା କରିଛନ୍ତି । ଆହୁରି ମଧ୍ୟ ଭାରତକୁ ଖୁଲମଖୁଲା ସମର୍ଥନ ଜଣାଇଛନ୍ତି ।
wp:html/wp:html“Why are you wearing an Indian flag?”
— Laurel Chor (@laurelchor) October 1, 2020
“Because India is fighting China. So India is my friend!”
He is now holding the flag above his head, shouting “STAND WITH INDIA! 印度加油!” The crowd is applauding him. pic.twitter.com/UoKCip0X8K
ସୂଚନାନୁସାରେ, ଚୀନ୍ କବଳରୁ ହଙ୍ଗକଙ୍ଗ୍ଙ୍କୁ ମୁକ୍ତି ଦେବାସହ ତାଙ୍କୁ ଏକ ସ୍ୱତନ୍ତ୍ର ଦେଶ ଭାବେ ଘୋଷଣା କରିବା ପାଇଁ ପ୍ରବଳ ଦାବି ହେଉଛି । ଏଥିପାଇଁ ହଙ୍ଗ୍କଙ୍ଗରେ ପ୍ରବଳ ବିରୋଧ ପ୍ରଦର୍ଶନ କରାଯାଇଛି। ଚୀନ୍ର ପ୍ରଭାବକୁ ନଷ୍ଟ କରିବା ସହ ସେଠାରେ ଗଣତନ୍ତ୍ର ପ୍ରତିଷ୍ଠା କରିବା ପାଇଁ ଦାବି କରାଯାଉଛି । ଚୀନ୍ ଏବଂ ଇଂଲଣ୍ଡ ମଧ୍ୟରେ ହୋଇଥିବା ଚୁକ୍ତି ଅନୁସାରେ ଇଂଲଣ୍ଡ ହଙ୍ଗକଙ୍ଗ୍କୁ ଚୀନ୍କୁ ହସ୍ତାନ୍ତର କରିଛି । ମାତ୍ର ଏହାକୁ ଅଧିକାଂଶ ହଙ୍ଗକଙ୍ଗ୍ ବାସିନ୍ଦା ତୀବ୍ର ବିରୋଧ କରି ଆସୁଛନ୍ତି।
ଏବେ ଚୀନ୍ ରାଷ୍ଟ୍ରୀୟ ଦିବସରେ ହଙ୍ଗକଙ୍ଗ୍ରେ ଜୋରଦାର ବିରୋଧ ପ୍ରଦର୍ଶନ କରାଯାଇଥିଲା । ଏଥିରେ ଜଣେ ଯୁବକ ଭାରତୀୟ ପତାକା ଧରି ବିକ୍ଷୋଭ ପ୍ରଦର୍ଶନ କରିଥିଲେ । ଭାରତ ଚୀନ୍ର ଭୁଲ୍ ପଦକ୍ଷେପକୁ ବିରୋଧ କରୁଥିବାରୁ ସେ ଭାରତକୁ ସମର୍ଥନ କରିବା କଥା କହିଥିଲେ । ସେ ଷ୍ଟାଣ୍ଡ ଓ୍ୱିଥ ଇଣ୍ଡିଆ ବୋଲି ନାରା ଦେଇଥିଲେ। ଏହାକୁ ଅନ୍ୟ ବିକ୍ଷୋଭ ପ୍ରଦର୍ଶନକାରୀମାନେ ସମର୍ଥନ କରିଥିଲେ । ଭାରତ ଆମର ବନ୍ଧୁ ବୋଲି ସେମାନେ ସ୍ଲୋଗାନ୍ ଦେଇଥିଲେ ।
ଏପରିକି ହଙ୍ଗ୍କଙ୍ଗରେ ଚୀନ୍ ରାଷ୍ଟ୍ରୀୟ ଦିବସ ଉପଲକ୍ଷେ ରାସ୍ତାଘାଟରେ ଜୋରଦାର ବିକ୍ଷୋଭ ପ୍ରଦର୍ଶନ କରାଯାଇଥିଲା । ଚୀନ୍ ଏହି ବିକ୍ଷୋଭକୁ ଶକ୍ତି ପ୍ରୟୋଗ କରି ବନ୍ଦ କରିବା ପାଇଁ ଚେଷ୍ଟା କରୁଥିବା ମଧ୍ୟ ଅଭିଯୋଗ ହେଉଛି । ପ୍ରଦର୍ଶନକାରୀମାନଙ୍କୁ ରୋକିବା ସହ ସେମାନଙ୍କୁ ଗିରଫ କରିବା ସହ ଜେଲ୍ ପଠାଇବାକୁ ହୀନ ଚକ୍ରାନ୍ତ ଚାଳାଇଛି ଚୀନ ।
