oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଭଦ୍ରକ ଜିଲ୍ଲାରେ ବଢି ବଢି ଚାଲିଛି ଶିଶୁଙ୍କଠାରେ ପୁଷ୍ଟିହୀନତା, ଗତବର୍ଷ ୫ଶହ ୨୭ ଜଣ ଶିଶୁ ଅପପୃଷ୍ଟିରେ ଶିକାର

4/06/2019 at 2:52 PM

ଭଦ୍ରକ ୪|୬: ଭଦ୍ରକ ଜିଲ୍ଲାରେ ଅପପୁଷ୍ଟିରେ ଶିକାର ଶିଶୁଙ୍କ ସଂଖ୍ୟା ବଢିବଢି ଚାଲିଛି ।   ପ୍ରତି ବର୍ଷ ଏହି ସଂଖ୍ୟା ବଢି ଚାଲିଥିବାକୁ ଏବେ ଚିନ୍ତାଜନକ ସ୍ଥିତି । ସରକାର ଅଙ୍ଗନୱାଡିରେ ପୁଷ୍ଟିକର ଛତୁଆ, ଅଣ୍ଡା ସବୁକିଛି ଦେଉଛନ୍ତି । ତଥାପି କିପରି, କାହିଁକି ଶିଶୁଙ୍କଠାରେ ପୁଷ୍ଟି ହୀନତା ମାତ୍ରା ବଢି ବଢି  ଚାଲିଛି  ? ଆହୁରି ଚିନ୍ତା ଜନକ ହେଲା, ପୁଷ୍ଟିହୀନ ଶିଶୁଙ୍କ ମଧ୍ୟରୁ ଖୁବ୍‌ କମ୍‌ ଶିଶୁଙ୍କୁ ପୁଷ୍ଟି ସାଧନ କେନ୍ଦ୍ରକୁ ଆଣାଯାଉଛି ।  

ଭଦ୍ରକ ଜିଲ୍ଲାରେ ବଢି ବଢି ଚାଲିଛି ଶିଶୁଙ୍କଠାରେ ପୁଷ୍ଟିହୀନତା । ଏପ୍ରିଲ୍‌ରେ ଜାରି ସରକାରୀ ରିପୋର୍ଟରେ ଚିନ୍ତାଜନକ ତଥ୍ୟ । ଗତବର୍ଷ  ଭଦ୍ରକରେ ୫ଶହ ୨୭  ଜଣ ଶିଶୁ ଅପପୃଷ୍ଟିରେ ଶିକାର ହୋଇଛନ୍ତି  । ଛତୁଆ , ଅଣ୍ଡା ଓ ପୁଷ୍ଟିକର ଖାଦ୍ୟ ସହ ଏକାଧିକ ଯୋଜନା ସତ୍ତ୍ୱେ ଏତେ ସଂଖ୍ୟକ ଶିଶୁ ପୁଷ୍ଟିହୀନତାର ଶିକାର ହେବା ଉଦବେଗ ଜନକ ନିଶ୍ଚୟ ।

ଏପରିକି  ପୁଷ୍ଟିହୀନତା ଯୋଗୁଁ ସାରା ଦେଶରେ ଚର୍ଚ୍ଚିତ ଯାଜପୁରର ନଗଡାର ସ୍ଥିତିଠୁ ଭଦ୍ରକର ସ୍ଥିତି ସଂଘାତିକ । ଆହୁରି ଚିନ୍ତାଜନକ ହେଲା , ପୁଷ୍ଟିହୀନ ଶିଶୁ ସରକାରଙ୍କ ପରିଚାଳିତ ପୁଷ୍ଚି ସାଧନ କେନ୍ଦ୍ରକୁ ଆସୁନାହାନ୍ତି ।  ଏପ୍ରିଲ ମାସରେ  ମାତ୍ର ୧୯ ଜଣ ଓ ମେ ମାସରେ ୧୮ ଜଣ ଶିଶୁ ଆସିଥିଲେ । ପୁଷ୍ଟି ସାଧନ କେନ୍ଦ୍ରରେ ୧୫ରୁ୨୦ ଦିନ ରହିବା ପରେ ସେମାନେ ସୁସ୍ଥ ହୋଇଫେରିଛନ୍ତ ।

ସରକାରୀ ରିପୋର୍ଟ ଅନୁଯାୟୀ ଭଦ୍ରକ ଜିଲ୍ଲାର ବାସୁଦେବପୁରରେ  ୮୧, ଭଦ୍ରକରେ ୭୮, ଭଣ୍ଡାରୀପୋଖରୀରେ  ୬୬, ବନ୍ତରେ ୮୫, ଚାନ୍ଦବାଲିରେ ୧୩୫, ଧାମନଗରରେ ୩୯ ଓ ତିହିଡିରେ ୪୩  ଜଣ ଶିଶୁ ଅପପୃଷ୍ଟିରେ ଶିକାର ହୋଇଛନ୍ତି । ଏହି ସଂଖ୍ୟା ପଡୋଶୀ ବାଲେଶ୍ବର ଓ ଯାଜପୁର ଜିଲ୍ଲାଠୁ ଅଧିକ ବୋଲି ରିପୋର୍ଟ କହୁଛି । ତେବେ ପୁଷ୍ଟିହୀନଙ୍କ ସେବା ଯତ୍ନ ନେଇ ସରକାରଙ୍କ ଯୋଜନା ଫଳପ୍ରଦ ବୋଲି ପୁଷ୍ଟିସାଧନ କେନ୍ଦ୍ର ସହ ଜଡିତ କର୍ମଚାରୀ ଓ ଉପଦେଷ୍ଟାଙ୍କ ମତ । 

   Related Posts