ମା' କୋଳରୁ ଦୁଇ ବର୍ଷର ଶିଶୁକନ୍ୟାକୁ ଉଠାଇ ନେଲା ଦୁର୍ବୃତ୍ତ । ଝାରସୁଗୁଡା ରେଲୱେ କଲୋନୀର ଘଟଣା । ଗତକାଲି ରାତିରେ ରେଲୱେ କଲୋନିର ବସ୍ତିରେ ରହୁଥିବା ଦୀପକ ପ୍ରସାଦ ଓ କବିତା ଦେବୀ ନିଜର ୨ବର୍ଷର ଶିଶୁ କନ୍ୟାକୁ ଧରି ଶୋଇଥିଲେ । ତେବେ ରାତି ପ୍ରାୟ ଅଢେଇଟା ବେଳେ ଝିଅ ପାଖରେ ନଥିବା ବେଳେ କବାଟ ଖୋଲାଥିବା ଦେଖିଥିଲେ ଦୀପକ । ପରେ ପରିବାରର ସମସ୍ତେ ଉଠି ଶିଶୁ କନ୍ୟାକୁ ଖୋଜିଥିଲେ । ଘର ନିକଟରୁ ପାଖାପାଖି ୨ଶହ ମିଟର ଦୂରରେ ଥିବା ଏକ ନିର୍ମାଣାଧୀନ ପ୍ରକଳ୍ପ ସ୍ଥଳରେ ଥିବା ଗାତରୁ ଶିଶୁକନ୍ୟାକୁ ଉଦ୍ଧାର କରାଯାଇଛି । ଉଦ୍ଧାର ଶିଶୁର ଆଜି ଜନ୍ମ ଦିନ ଥିବାରୁ ହଜିଲା ଝିଅକୁ ପାଇ ପରିବାରରେ ଖୁସିର ମାହୋଲ୍ । ରେଳବାଳ ପୋଲିସ ଘଟଣାର ତଦନ୍ତ କରୁଛି । କିଏ ଏବଂ କାହିଁକି ଶିଶୁଟିକୁ ଉଠାଇ ନେଇଥିଲା । ଆଉ କଣ ପାଇଁ ଛାଡିଦେଲା, ସେ ନେଇ ତଦନ୍ତ ଚଳାଇଛି ଜିଆରପି । .