ନୂଆଦିଲ୍ଲୀ: ବୃଦ୍ଧି ପାଉଥିବା ଶିଶୁ ଯୌନ ନିର୍ଯାତନାକୁ ନେଇ ଇଣ୍ଟରପୋଲ ଚିନ୍ତା ପ୍ରକାଶ କରିଛି । ଇଣ୍ଟରପୋଲର ସିକ୍ୟୁରିଟି ଜେନେରାଲ ଜର୍ଗନ ଷ୍ଟକ ସୋମବାର ଏହା ଉପରେ ବଡ଼ ବୟାନ ଦେଇଛନ୍ତି । ତାଙ୍କ ଅନୁସାରେ ଅନ୍ତରାଷ୍ଟ୍ରୀୟ ଚାଇଲ୍ଡ ସେକ୍ସୁଆଲ ଏକ୍ସପ୍ଲୟଟେସନ ଡାଟାବେସରୁ ସାଂଘାତିକ ତଥ୍ୟ ସାମନାକୁ ଆସିଛି । ଏହା ଅନୁସାରେ ପ୍ରତିଦିନ ହାରାହାରି 7 ଜଣ ଶିଶୁ ଯୌନ ନିର୍ଯାତନାର ଶିକାର ହେଉଛନ୍ତି । ଏହାସହ ଅପରାଧ ଯୋଗୁଁ ସମାଜ ଉପରେ ପଡୁଥିବା ପ୍ରଭାବ ବିଷୟରେ ସେ ଆଲୋକପାତ କରିଛନ୍ତି ।

ଇଣ୍ଟରପୋଲର ସେକ୍ରେଟାରୀ ଜେନେରାଲ ଜର୍ଗନ ଷ୍ଟକ କହିଛନ୍ତି, ପ୍ରତିଦିନ ସାତ ଜଣ ଶିଶୁଙ୍କୁ ଯୌନ ନିର୍ଯାତନା ଦିଆଯାଉଛି । ଏହାସହ ସେ କହିଛନ୍ତି ଯେ ବର୍ତ୍ତମାନ ସୁଦ୍ଧା ୩୦ ହଜାର ପୀଡିତଙ୍କୁ ଚିହ୍ନଟ କରାଯାଇଛି । ଷ୍ଟକ କହିଛନ୍ତ ଦୁନିଆରେ ସବୁଠୁ ସହଜ ଶିକାର ହେଉଛନ୍ତି ଶିଶୁ । ସେମାନଙ୍କୁ ଏହିପରି ନିର୍ଯାତନାରୁ ରକ୍ଷା କରିବା ପାଇଁ ଲଢେଇକୁ ଅଧିକ ଜୋରଦାର କରାଯିବା ଦରକାର ବୋଲି କହିଛନ୍ତି।

wp:html

Our international child sexual exploitation database has identified an average of seven child abuse victims every day. So far we have identified 30,000 victims. We have to increase our fight in protecting the most vulnerable in world: Jurgen Stock, Secy General, Interpol pic.twitter.com/wBD0yEdqmg

— ANI (@ANI) October 17, 2022

/wp:html

ଇଣ୍ଟରପୋଲ ଅନୁସାରେ ବାସ୍ତବିକ ଦୁନିଆ ସହ ଭର୍ଚୁଆଲ ଦୁନିଆରେ ମଧ୍ୟ ହିଂସା ବୃଦ୍ଧି ପାଇଛି । ଏଥିଯୋଗୁଁ ସାମାଜିକ ଏବଂ ଆର୍ଥିକ ରୂପେ ଖରାପ ପ୍ରଭାବ ପଡୁଛି । ଇଣ୍ଟରପୋଲ ସେକ୍ରେଟାରୀ ଜେନେରାଲ କହିଛନ୍ତି, ଏହି ଅପରାଧ ଗୁଡିକର ପ୍ରଭାବରୁ ସରକାର ଏବଂ ବ୍ୟବସାୟ ମଧ୍ୟ ଅଛୁଆଁ ନାହାନ୍ତି । ସଂଗଠିତ ଅପରାଧ(ଅର୍ଗାନାଇଜଡ କ୍ରାଇମ)ରୁ କୋଟି କୋଟି ଡଲାରର ଆୟ କରାଯାଇଥାଏ । ସେ କହିଛନ୍ତି, ଏହା ମଧ୍ୟରେ ଚୋରି ସମ୍ପତ୍ତି ଗୁଡିକୁ ଅପରାଧିଙ୍କ ହାତରେ ପହଞ୍ଚୁଛି, ଯାହା ଏକ ବଡ଼ ଚିନ୍ତାର ବିଷୟ ।