previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାଶ୍ମୀର ଘାଟି ଅଶାନ୍ତ, ପୁଣି ପ୍ରବାସୀ ଶ୍ରମିକଙ୍କୁ ଗୁଳି କରି ହତ୍ୟା କଲେ ଆତତାୟୀ
  • ||
  • ଆଣବିକ ଦସ୍ତାବିଜ ପାଇଁ ଟ୍ରମ୍ପଙ୍କ ଘରେ ହୋଇଥିଲା ଚଢଉ : ସାମ୍ନାକୁ ଆସିଲା ବଡ ତଥ୍ୟ
  • ||
  • ଭାରତ ବିପକ୍ଷ ସିରିଜ୍ ପୂର୍ବରୁ ଦମ୍ ଦେଖାଇଲା ଜିମ୍ବାଓ୍ୱେ, ଟିମ୍ ଇଣ୍ଡିଆକୁ କଲା ସତର୍କ
  • ||

ତ୍ରୁଟିପୂର୍ଣ୍ଣ ଟୀକା ନେଲା ଦେଢ ମାସ ଶିଶୁର ଜୀବନ ! ମହିଳା ସ୍ବାସ୍ଥ୍ୟକର୍ମୀଙ୍କ ନାଁରେ ଅଭିଯୋଗ

22/09/2020 at 3:14 PM

ସାଲେପୁର ୨୨।୯: ତ୍ରୁଟିପୂର୍ଣ୍ଣ ଟୀକା ପ୍ରଦାନ ଯୋଗୁଁ ଦେଢ ମାସ ଶିଶୁ ପୁତ୍ରର ମୃତ୍ୟୁ ହୋଇଥିବା ପରିବାର ପକ୍ଷରୁ ଥାନାରେ ଅଭିଯୋଗ ହୋଇଛି । ମୃତ ଶିଶୁ ପୁତ୍ର କିଶନ ନଗର ଥାନା ଅନ୍ତର୍ଗତ ନେଉଟିଆକଣ ଗାଁର ପ୍ରକାଶ ସ୍ବାଇଁଙ୍କ ପୁଅ ।

ସୂଚନା ଅନୁସାରେ, ଶିଶୁ ପୁତ୍ରକୁ କିଶନ ନଗର କଲରାବାଙ୍କ ଫାଣ୍ଡି ଅନ୍ତର୍ଗତ ତିଆଡିସହି ମାଣିତୋଟା ସ୍ଥିତ ଅଙ୍ଗନବାଡି କେନ୍ଦ୍ରରେ ଟୀକା ଦିଆଯାଇଥିଲା । ତେବେ ମହିଳା ସ୍ବାସ୍ଥ୍ୟକର୍ମୀଙ୍କ ତ୍ରୁଟିପୂର୍ଣ୍ଣ ଟୀକା ପ୍ରଦାନ ଯୋଗୁଁ ଶିଶୁଟିର ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ ଆଣିଛନ୍ତି। ବିନା ସ୍ବାସ୍ଥ୍ୟ ପରୀକ୍ଷାରେ ଶିଶୁଟିକୁ ଗତ ୧୫ତାରିଖରେ ରୋଗ ପ୍ରତିଷେଧକ ଟୀକା ପ୍ରଦାନ କରାଯାଇଥିଲା । ୧୬ ତାରିଖରେ ଶିଶୁଟିକୁ ପ୍ରବଳ ଜ୍ବର ହୋଇଥିଲା । ଫଳରେ ଶିଶୁଟିର ମୃତ୍ୟୁ ହୋଇଥିଲା।

ପରିବାର ଲୋକେ ସମ୍ପୃକ୍ତ ସ୍ବାସ୍ଥ୍ୟକର୍ମୀଙ୍କ ବିରୋଧରେ କଲରାବାଙ୍କ ଫାଣ୍ଡିରେ ଗତ ୨୧ ତାରିଖରେ ଲିଖିତ ଅଭିଯୋଗ କରିଛନ୍ତି। ପୋଲିସ ଲିଖିତ ଅଭିଯୋଗକୁ ଭିତ୍ତି କରି ତଦନ୍ତ ଆରମ୍ଭ କରିବା ସହ କିଶନ ନଗର ପୋଲିସ ଓ କିଶନ ନଗର ଆଡିସନାଲ ତହସିଲଦାର ଘଟଣାସ୍ଥଳରେ ପହଞ୍ଚି ଶିଶୁ ପୁତ୍ରଟିର ମୃତ ଦେହକୁ ପୋତାଯାଇଥିବା ଜାଗାକୁ ଯାଇ ଶବକୁ ସେଠାରୁ ଖୋଳି ବ୍ୟବଚ୍ଛେଦ ପାଇଁ ପଠାଇଛନ୍ତି । ଶବ ବ୍ୟବଚ୍ଛେଦ ପରେ ମୃତ୍ୟୁର କାରଣ ଜଣାପଡିବ ବୋଲି ପୋଲିସ ସୂଚନା ଦେଇଛି। ଏପଟେ ସମ୍ପୃକ୍ତ ସ୍ବାସ୍ଥ୍ୟକର୍ମୀଙ୍କ ପ୍ରତିକ୍ରିୟା ମିଳିପାରି ନାହିଁ।

   Related Posts