ଦୀର୍ଘ ୧୧ କି.ମି. ଅତିକ୍ରମ କରି ମାଉସୀ ମା’ ମନ୍ଦିରରେ ପହଞ୍ଚିଲା ଛତିଆ ରଥ

Published By : Prameya-News7 Bureau | July 07, 2024 IST

ଚଣ୍ଡିଖୋଲ ୭।୭: ପବିତ୍ର ଶ୍ରୀଗୁଣ୍ଡିଚା ଯାତ୍ରା । ଯାଜପୁର ଜିଲ୍ଲା ଛତିଆ କୁଞ୍ଜିଆ ଛକ ଠାରେ ଥିବା ଜଗନ୍ନାଥ ମନ୍ଦିରରେ ଅନୁଷ୍ଠିତ ହେଉଛି ଘୋଷଯାତ୍ରା । ପ୍ରଭୁ ଜଗନ୍ନାଥ, ବଳଭଦ୍ର ଓ ସୁଭଦ୍ରାଙ୍କୁ ପହଣ୍ଡି ବିଜେ କରାଯାଇ ରଥାରୂଢ଼ କରାଯାଇଥିଲା । ରଥରେ ପ୍ରଭୁଙ୍କ ରୀତିନୀତିରେ ପୂଜାର୍ଚ୍ଚନା ପରେ ଜଗନ୍ନାଥ ମନ୍ଦିର ପୂଜକ ଉପେନ୍ଦ୍ର ଓଝା ଛେରା ପହଁରା କରିଥିଲେ । ଏହାପରେ ରଥ ମାଉସୀ ମା’ ମନ୍ଦିର ଅଭିମୁଖେ ଗଡିଥିଲା । ଏହି ରଥଯାତ୍ରାର ବିଶେଷତ୍ୱ ହେଉଛି ଏହା ଦୀର୍ଘ ୧୧ କି.ମି. ରାସ୍ତା ଅତିକ୍ରମ କରି ବଡଘୁମୁରି ମାଉସୀ ମା’ ମନ୍ଦିରରେ ପହଞ୍ଚିଥାଏ । ଜାତୀୟ ରାଜପଥରେ ରଥ ଗଡୁଥିବାରୁ ପୋଲିସ ପ୍ରଶାସନ, ଦର୍ପଣ ତହସିଲଦାର, ବଡ଼ଚଣା ବିଡ଼ିଓ, ଅଗ୍ନିଶମ ବାହିନୀ ରଥଯାତ୍ରାର ପରିଚାଳନା କରିଥିଲେ ।

You Can Read:

କେନ୍ଦୁଝର ବଡଦାଣ୍ଡରେ ଗଡି଼ଲା ବିଶ୍ବର ସର୍ବ ବୃହତ ନନ୍ଦିଘୋଷ ରଥ

  • odisha
  • OdishaNews
  • Ratha Yatra 2024
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.