scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଇଂଲଣ୍ଡରେ ପୂଜାରାଙ୍କ ବିସ୍ଫୋରକ ଶତକ, ପାଣ୍ଡ୍ୟାଙ୍କ ଟିମ୍ ବିରୋଧରେ ଗୋଟିଏ ଓଭରରେ ହାସଲ କଲେ ୨୨ ରନ୍

13/08/2022 at 8:38 AM

ନୂଆଦିଲ୍ଲୀ, ୧୩|୦୮: ଭାରତୀୟ ବ୍ୟାଟର ଚେତେଶ୍ୱର ପୂଜାରା ଇଂଲଣ୍ଡରେ ଧୂଆଧାର ପାଳି ଖେଳି ପ୍ରଶଂସକଙ୍କୁ ଚକିତ କରିଛନ୍ତି । ସସେକ୍ସର ଅଧିନାୟକ ପୂଜାରା ରୟାଲ ଲଣ୍ଡନ ଓ୍ୱାନଡେ କପର ଏକ ମୁକାବିଲାରେ ଏହି ପାଳି ଖେଳିଥିଲେ । ସେ ବାର୍ବିକସାୟର ବିପକ୍ଷରେ ବିସ୍ଫୋରକ ଶତକ ମଧ୍ୟ ଅର୍ଜନ କରିଥିଲେ । ଏପରିକି ସେ ୧୩୫ ଷ୍ଟ୍ରାଇକ୍ ରେଟରେ ରନ୍ କରିଥିଲେ । ଏହା ସତ୍ତ୍ୱେ ସେ ନିଜର ଦଳକୁ ବିଜୟୀ କରିପାରି ନଥିଲେ ।

ମୁକାବିଲାରେ ବାର୍ବିକସାୟର ପ୍ରଥମେ ବ୍ୟାଟିଂ କରି ୬ ଓ୍ୱିକେଟରେ ୩୧୦ ରନ୍ କରିଥିଲା । ଏହାର ଜବାବରେ ସସେକ୍ସ ଟିମ୍ ପୂଜାରାଙ୍କ ଶତକ ପରେ ବି ୩୦୬ ରନ୍ କରିପାରିଥିଲା । ଫଳରେ ବାର୍ବିକସାୟର ୪ ରନରେ ମ୍ୟାଚ୍ ଜିତିନେଇଥିଲା ।

ଗୋଟିଏ ଓଭରରେ ୨୨ ରନ୍

ସସେକ୍ସ ପାଳିର ୪୫ ତମ ଓଭରରେ ବୋଲିଂ କରୁଥିଲେ ଲିୟାମ ନାର୍ବିଲ । ବାମହାତୀ ସ୍ପିନର କୃଣାଲ ପାଣ୍ଡ୍ୟା ମଧ୍ୟ ବାର୍ବିକସାୟର ପକ୍ଷରୁ ଖେଳୁଛନ୍ତି । ଏହି ଓଊରରେ ପୂଜାରା ପ୍ରଥମ ବଲରେ ଚଉକା ଲଗାଇଥିଲେ । ଦ୍ୱିତୀୟ ବଲରେ ସେ ଦୁଇ ରନ୍ ନେଇଥିଲେ । ତୃତୀୟ ବଲରେ ପୁଣି ଚାରି ମାରିଥିଲେ । ଅନ୍ତିମ ବଲକୁ ସେ  ପୁଣି ବାଉଣ୍ଡରୀ ଲାଇନକୁ ପଠାଇ ଦେଇଥିଲେ । ଏପରି ଭାବେ ଗୋଟିଏ ଓଭରରେ ସେ ୨୨ ରନ୍ କରିଥିଲେ । ଶେଷରେ ୪୯ ତମ ଓଭରରେ ଆଉଟ୍ ହୋଇଥିଲେ ପୂଜାରା ।

୭ ଚଉକା ଓ ଦୁଇ ଛକା

ଚେତେଶ୍ୱର ପୂଜାରା ପାଳିରେ ୭୯ ବଲର ସାମ୍ନା କରିଥିଲେ । ୧୦୭ ରନ୍ ସ୍କୋର କରିଥିଲେ ସେ । ଏହି ପାଳିରେ ସେ ୭ ଚଉକା ଓ ୨ ଛକା ମାରିଥିଲେ । ତାଙ୍କ ଦଳର ଓପନର ଓଲୀ ଓର୍ ମଧ୍ୟ ୮୧ ରନ୍ କରିଥିଲେ । କିନ୍ତୁ ମିଡିଲ ଅର୍ଡର ବ୍ୟାଟର ଭଲ ସ୍କୋର କରିପାରିନଥିଲେ । ଏହି କାରଣରୁ ଦଳ ବିଜୟଠୁ ୪ ରନ ଦୂରରେ ରହିଯାଇଥିଲେ ।

   Related Posts