ଭୁବନେଶ୍ବର ୨୨।୨: ଭଲ ପାଇଲେ ମନ୍ଦିରରେ ବିବାହ ବି କଲେ ହେଲେ ଶେଷରେ ମୁହଁ ଫେରାଇ ନେଲେ ଯୁବକ । ରାଜଧାନୀରେ ଜଣେ ବାପ-ମା’ ଛେଉଣ୍ଡ ଯୁବତୀଙ୍କୁ ଏଭଳି ଧୋକା ଦେଇଛନ୍ତି ପୁରୁଷ ବନ୍ଧୁ ତଥା ମନ୍ଦିରରେ ବିବାହ କରିଥିବା ସ୍ବାମୀ । ଏବେ ଆଉ ଧରାଛୁଆଁ ଦେଉନାହାନ୍ତି । ଯୁବତୀ ଜଣଙ୍କ ନିଜ ଜିଦ୍ ରେ ଅଟଳ । କହୁଛନ୍ତି ସେ ସହି ପୁଅକୁ ବାହାହେବେ ଯିଏ ତାଙ୍କ ଜୀବନ ନଷ୍ଟ କରିଛି, ନହେଲେ ଜୀବନ ହାରିବେ ।
ପ୍ରଥମେ ଉଭୟଙ୍କ ମଧ୍ୟରେ ପ୍ରେମ ସଂପର୍କ ଗଢି ଉଠିଥିଲା । ତାପରେ ବିବାହର ପ୍ରତିଶ୍ରୁତି ଦେଇ ୨୦୧୮ ମସିହାରେ ଯାଜପୁର ବିରଜା ମନ୍ଦିରରେ ଉଭୟ ପରିବାର ଲୋକଙ୍କ ଉପସ୍ଥିତିରେ ନିର୍ବନ୍ଧ ବି ହେଲା । କିନ୍ତୁ ବିବାହ ହୋଇନଥିଲା । କିନ୍ତୁ ଯୁବତୀଙ୍କ କହିବା କଥା ପରିବାରଲୋକଙ୍କ ଉପସ୍ଥିତିରେ ବିବାହ ହୋଇନଥିଲେ ମଧ୍ୟ ମନ୍ଦିରରେ ବିବାହ ହୋଇଛି ରସିଦ ବି କଟାଯାଇଛି ।
ଏମିିତି କିଛି ଦିନ ଗଲା ପରେ ଯୁବକ-ଯୁବତୀ ସ୍ବାମୀ-ସ୍ତ୍ରୀ ଭଳି ଏକାଠି ରହିବା ସହ ବିଭିନ୍ନ ସ୍ଥାନରେ ବୁଲାବୁଲି ମଧ୍ୟ କରୁଥିଲେ । ଗତ ଅଗଷ୍ଟ ମାସରେ କ’ଣ ଏମିତି ହେଲା କେଜାଣି ପୁଅ ଆଉ ଝିଅର ପାଖ ମାଡିଲାନି । ବିବାହ କରିବାକୁ ମଧ୍ୟ ରାଜି ବି ହେଉନି । ମାମଲା ଏବେ ପହଞ୍ଚିଛି ମହିଳା ଥାନାରେ । ଏ ସଂପର୍କରେ ପୁଅର ବାପା ଓ ମା’ଙ୍କୁ ମଧ୍ୟ ପଚରାଉଚରା କରୁଛି ପୋଲିସ । ପୁଅ ଏବେ ଫେରାର । ଝିଅଙ୍କ କହିବା କଥା ମୋତେ ଯିଏ ବରବାଦ କରିଛି ମୁଁ ତାକୁ ହିଁ ବିବାହ କରିବି । ନହେଲେ ଆତ୍ମହତ୍ୟା କରିବି ।
ତେବେ କ'ଣ କହୁଛନ୍ତି ପୀଡିତା ଶୁଣନ୍ତୁ…
wp:embed {"url":"https://www.youtube.com/embed/YIzE817n964","type":"rich","providerNameSlug":"embed-handler","responsive":true,"className":"wp-embed-aspect-16-9 wp-has-aspect-ratio"}
