ଭୁବନେଶ୍ୱର ୦୫/୦୧ : ପୂଜା ପାଠରେ ସବୁ ଜିନିଷର ବିଶେଷ ମହତ୍ତ୍ୱ ରହିଛି। ଫୁଲ, ଫଳ, ଧୂପ, ଦୀପ, କର୍ପୁର, ଚନ୍ଦନ ସବୁର ଭିନ୍ନ ଭିନ୍ନ ମହତ୍ତ୍ୱ ରହିଛି। ଏସବୁ ମଧ୍ୟରେ ଆଉ ଏକ ଜିନିଷ ଚାଉଳ ବା ଅକ୍ଷତ। ଧର୍ମ ଗ୍ରନ୍ଥ ଅନୁସାରେ ଚାଉଳ ବିନା ପୂଜା ପାଠ ଅସମ୍ପୂର୍ଣ୍ଣ। ଧାର୍ମିକ ବିଶ୍ୱାସ ଅନୁସାରେ ପୂଜା ପାଠରେ କୌଣସି ଜିନିଷ ଅଭାବ ହେଲେ ତା ବଦଳରେ ଚାଉଳ ଅର୍ପଣ କରାଯାଏ। ଭଗବାନ ଶିବଙ୍କ ପୂଜାରେ ହଳଦୀ ଅର୍ପଣ କରିବା ନିଷେଧ। ସେହିଭଳି ଗଣେଶଙ୍କୁ ତୁଳସୀ ପତ୍ର ଓ ଦେବୀଙ୍କୁ ଦୁବ ଅର୍ପଣ କରାଯାଇନାହିଁ। କିନ୍ତୁ ଭଗବାନ ବିଷ୍ଣୁଙ୍କୁ ଛାଡି ଅନ୍ୟ ସମସ୍ତ ଦେବାଦେବୀଙ୍କୁ ଚାଉଳ ଅର୍ପଣ କରାଯାଇପାରିବ। ପୂଜାରେ ଚାଉଳର ବିଶେଷ ସ୍ଥାନ ରହିଛି ସେଥିପାଇଁ ଏହାକୁ ବିଭିନ୍ନ ଉପାୟରେ ମଧ୍ୟ ବ୍ୟବହାର କରାଯାଏ। ଏହି ଉପାୟ ଆପଣେଇଲେ ବ୍ୟକ୍ତି ମାଲାମାଲ ହୋଇଯାଏ।
{"id":570114,"width":718,"height":539,"sizeSlug":"full","linkDestination":"none"}ଚାଉଳର ବିଭିନ୍ନ ଉପାୟ -
୧. ଶାସ୍ତ୍ରରେ କୁହାଯାଇଛି ଯେ ପୂଜା ସମୟରେ କୌଣସି ଦେବାଦେବୀଙ୍କ କ୍ଷୁର୍ଣ୍ଣ ବା ଖଣ୍ଡ ଚାଉଳ ଅର୍ପଣ କରିବା ଅନୁଚିତ। ହିନ୍ଦୁ ଧର୍ମରେ ଏହାକୁ ପୂର୍ଣ୍ଣତାର ପ୍ରତୀକ କୁହାଯାଏ। ସେଥିପାଇଁ ଖଣ୍ଡିତ ଚାଉଳ ଅର୍ପଣ କରାଯାଏ ନାହିଁ। ନିୟମିତ ଭଗବାନଙ୍କ ପାଖରେ ୫ଟି ଚାଉଳ ଅର୍ପଣ କଲେ ଧନ ବୃଦ୍ଧି ହୋଇଥାଏ।
୨. ଭଗବାନ ଶିବଙ୍କୁ ପ୍ରସନ୍ନ କରିବାକୁ ଶିବଲିଙ୍ଗରେ ଚାଉଳ ଅର୍ପଣ କରାଯାଏ। ତେବେ ଭଗବାନ ଶିବଙ୍କୁ ଅଖଣ୍ଡିତ ଓ ସଫା ଚାଉଳ ଅର୍ପଣ କରନ୍ତୁ। ଏହାଦ୍ୱାରା ଭଗବାନ ଶିବ ଭକ୍ତଙ୍କୁ ଅଖଣ୍ଡ ସୌଭାଗ୍ୟ ଆଶୀର୍ବାଦ ଦିଅନ୍ତୁ।
୩. ଗ୍ରନ୍ଥ ଅନୁଯାୟୀ, ମା' ଅନ୍ନପୂର୍ଣ୍ଣାଙ୍କୁ ଘରେ ଚାଉଳରେ ସ୍ଥାପିତ କରିବା ଉଚିତ। ଏହାଦ୍ୱାରା ଘରେ କେବେ ଧନ ବୈଭବ ଅଭାବ ହୁଏନାହିଁ।
୪. କୁମକୁମ ସହ ଚାଉଳ ମିଶାଇ ଭଗବାନଙ୍କୁ ଅର୍ପଣ କଲେ ଭଗବାନ ତାଙ୍କ ଡାକ ଶୀଘ୍ର ଶୁଣନ୍ତି ଏବଂ ଅଖଣ୍ଡ ଆଶୀର୍ବାଦ ପ୍ରଦାନ କରନ୍ତି ବୋଲି କୁହାଯାଏ।
୫. ହିନ୍ଦୁ ଧର୍ମରେ ପୂଜା ସମୟରେ ଚାଉଳ ଏଇଥିପାଇଁ ଅର୍ପଣ କରାଯାଏ ଯେ ପୂଜା ସମ୍ପୂର୍ଣ ହେବ। ଅନ୍ନ ମଧ୍ୟରେ ଚାଉଳ ଶ୍ରେଷ୍ଠ ବୋଲି କୁହାଯାଏ। ଭଗବାନଙ୍କୁ ଚାଉଳ ଅର୍ପଣ କଲାବେଳେ ମନରେ ବିଚାର କରିବା ଉଚିତ ଯେ ଯାହା ବି ମିଳୁଛି ତାହା ଭଗବାନଙ୍କ କୃପାରୁ ସମ୍ଭବ ହୋଇଛି।
୬. ଶୁକ୍ଳ ପକ୍ଷ କିମ୍ବା ମାସର ଯେକୌଣସି ଚତୁର୍ଥୀରେ ଚାଉଳର ୫ଟି ଦାନା ଶିବଙ୍କୁ ଅର୍ପଣ କଲେ ମୁଠାଏ ଚାଉଳ ଅର୍ପଣ କରିବା ସହ ସମାନ ଲାଭ ମିଳିଥାଏ। ଭଗବାନ ଶିବଙ୍କୁ ଚାଉଳର ୫ଟି ଦାନା ଅର୍ପଣ କଲେ ଧନ ସମ୍ବନ୍ଧୀୟ ସବୁ ସମସ୍ୟାର ସମାଧାନ ମିଳିଥାଏ।