ମୁମ୍ଵାଇ ୨୯।୦୧: ଅଭିନେତ୍ରୀ ସୁସ୍ମିତା ସେନଙ୍କ ଭାଉଜ ଚାରୁ ଆସୋପା । ନିକଟରେ ତାଙ୍କ ଛାଡପତ୍ରକୁ ନେଇ ବହୁତ ଆଲୋଚନା ହୋଇଥିଲା । ହେଲେ ବର୍ତ୍ତମାନ ସେ ପ୍ରକାଶ କରିଛନ୍ତି ଯେ ସେ ତାଙ୍କ ସ୍ୱାମୀଙ୍କଠାରୁ ଛାଡପତ୍ର ନେଉଛନ୍ତି। ଚାରୁ ତାଙ୍କ ସ୍ୱାମୀ ରାଜୀବଙ୍କଠାରୁ ଅଲଗା ରହୁଛନ୍ତି। ତେବେ ନିକଟରେ ରାଜୀବ ସୋସିଆଲ ମିଡିଆରେ ତାଙ୍କ ଝିଅ ଜିଆନାଙ୍କ ସହ କୋଲକାତାରେ ସମ୍ପର୍କୀୟଙ୍କ ବିବାହରେ ଉଠାଇଥିବା ଏକ ଫଟୋ ପୋଷ୍ଟ କରିଛନ୍ତି।

ଏହା ସହିତ ବିବାହ କାର୍ଯ୍ୟର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଯେଉଁଥିରେ ଚାରୁ ଏବଂ ରାଜୀବ ରୋମାଣ୍ଟିକ ଗୀତରେ ନାଚୁଥିଲେ। ଏହା କଳ୍ପନା ଜଳ୍ପନାର କାରଣ ହୋଇଥିଲା ଯେ ଦୁହେଁ ପୁଣି ଥରେ ଏକାଠି ହେବେ । ଏହି କଳ୍ପନାଜଳ୍ପନାର ଅନ୍ତ ଘଟାଇ ଚାରୁ ତାଙ୍କ ସ୍ୱାମୀଙ୍କ ସହ ଏକାଠି ହେବା କଥାକୁ ଅସ୍ୱୀକାର କରିଛନ୍ତି। ମିଡିଆ ରିପୋର୍ଟ ଅନୁଯାୟୀ ଚାରୁ ଦାବି କରିଛନ୍ତି ଯେ ସେ ଏବଂ ତାଙ୍କ ସ୍ୱାମୀ ଏକାଠି ହେଉ ନାହାଁନ୍ତି। ତାଙ୍କ ଛାଡପତ୍ର ପ୍ରକ୍ରିୟା ଚାଲିଛି ଯାହା ଜୁନ୍ ମାସରେ ଶେଷ ହେବ। ରିପୋର୍ଟ ଅନୁଯାୟୀ, ସେମାନେ କହିଥିଲେ ଯେ ‘ଆମେ ଅଲଗା ହେବା ନିଷ୍ପତ୍ତି ନେଇ ନାହୁଁ। ଆମେ କାଉନସେଲିଂ କରିଛୁ ଏବଂ ଜୁନ୍ ପର୍ଯ୍ୟନ୍ତ ୬ମାସର କୁଲିଂ ଅଫ୍ ଅବଧିରେ ଅଛୁ। ସେ ଏହା ମଧ୍ୟ କହିଛନ୍ତି ଯେ ରାଜୀବ ତାଙ୍କର ଚେଷ୍ଟା କରୁଛନ୍ତି ଏବଂ ଝିଅ ସହିତ ସମୟ ବିତାଉଛନ୍ତି ବୋଲି ସେ ଖୁସି ଅଛନ୍ତି।

ତାଙ୍କ ସ୍ୱାମୀଙ୍କ ସହ ନାଚିବାବେଳେ ସେ କହିଥିଲେ ଯେ ଆମେ କାକି ଅର୍ଥାତ୍‌ ବରର ମାଆ ପାଇଁ ଏହା କରିଛୁ। ସେ ମୋତେ ପଚାରିଥିଲେ ଯେ ରାଜୀବଙ୍କ ସହ ନାଚିବାରେ ମୋର କୌଣସି ଅସୁବିଧା ଅଛି କି ନାହିଁ ଏବଂ ମୁଁ କହିଲି ନାହିଁ। ଜିଆନା ବଡ ହେଉଛି ମୁଁ ଚାହେଁ ନାହିଁ ଯେ ରାଜୀବ ଏବଂ ମୋର ଅଲଗା ହେବା ତା ପାଇଁ ଅଜବ ନ ହେଉ।