ନୂଆଦିଲ୍ଲୀ ୩୦।୦୧: ସୁନ୍ଦର ବିଚ୍ ଏବଂ ବିଳାସପୂର୍ଣ୍ଣ ପର୍ଯ୍ୟଟନ ପାଇଁ ପ୍ରସିଦ୍ଧ ପର୍ଯ୍ୟଟନ କ୍ଷେତ୍ର ମାଲଦ୍ୱୀପ। ବର୍ତ୍ତମାନ ଏହାର ଏକ ବଡ଼ ପରିବର୍ତ୍ତନ ଦେଖିବାକୁ ମିଳିଛି । ଭାରତ ସହ ବିବାଦ ମଧ୍ୟରେ ଛୁଟିଦିନରେ ମାଲଦ୍ୱୀପ ଭ୍ରମଣ କରୁଥିବା ଭାରତୀୟ ପର୍ଯ୍ୟଟକଙ୍କ ସଂଖ୍ୟାରେ ତୀବ୍ର ହ୍ରାସ ଘଟିଛି। ଏଠାରେ ପର୍ଯ୍ୟଟନ ମନ୍ତ୍ରଣାଳୟ ଅନୁଯାୟୀ, ତିନି ସପ୍ତାହ ଧରି ମାଲଦ୍ୱୀପକୁ ଆସୁଥିବା ପର୍ଯ୍ୟଟକଙ୍କ ମଧ୍ୟରେ ଭାରତୀୟ ଗୋଷ୍ଠୀ ତୃତୀୟ ସ୍ଥାନରୁ ପଞ୍ଚମ ସ୍ଥାନକୁ ପଳାଇଛନ୍ତି। ଏଥି ସହିତ ଚାଇନାର ପର୍ଯ୍ୟଟକଙ୍କ ସଂଖ୍ୟା ମଧ୍ୟ ବୃଦ୍ଧି ପାଇଛି।
wp:html/wp:htmlMuizzu's prioritising China is back firing. Tourism, the largest economic sector in Maldives completely depends on Indian tourists who form the bulk of visitors to the IOR nation. @IndoPac_Info
— Alexander Stewart (@AlexanderS259) January 29, 2024
ଭାରତୀୟ ପର୍ଯ୍ୟଟକମାନେ ବହୁ ପୂର୍ବରୁ ମାଲଦ୍ୱୀପ ପାଇଁ ଗୁରୁତ୍ୱପୂର୍ଣ୍ଣ ରହିଆସିଛନ୍ତି । ୨୦୨୩ ମସିହାରେ, ମାଲଦ୍ୱୀପର ପର୍ଯ୍ୟଟନ ବଜାରରେ ଭାରତୀୟ ପର୍ଯ୍ୟଟକଙ୍କ ଅଂଶ ପ୍ରାୟ ୧୧ପ୍ରତିଶତ ଥିଲା। ଏଠାରେ ଥିବା ପର୍ଯ୍ୟଟନ ୱେବସାଇଟ୍ ଅନୁଯାୟୀ, ୨୦୨୪ ଆରମ୍ଭରେ ମାଲଦ୍ୱୀପ ପର୍ଯ୍ୟଟନରେ ଭାରତ ତୃତୀୟ ସ୍ଥାନରେ ଥିଲା (ସେୟାର ମାର୍କେଟ ପ୍ରତିଶତ ୭.୧)। ଏଥି ସହିତ ଚୀନ୍ ମଧ୍ୟ ଶ୍ରେଷ୍ଠ ୧୦ରେ ଅନ୍ତର୍ଭୁକ୍ତ ହୋଇନଥିଲା। କିନ୍ତୁ ବର୍ତ୍ତମାନ ଭାରତ ପଞ୍ଚମ ସ୍ଥାନରେ ଥିବାବେଳେ ଚୀନ୍ ତୃତୀୟ ସ୍ଥାନରେ ରହିଛି। ଚୀନ୍ ପରେ ବ୍ରିଟେନର ନାମ ଚତୁର୍ଥ ସ୍ଥାନରେ ରହିଛି।
ସୂଚନାଯୋଗ୍ୟ ଯେ କିଛି ସମୟ ଧରି ଭାରତ ଏବଂ ମାଲଦ୍ୱୀପ ମଧ୍ୟରେ ଗୁରୁତର ତିକ୍ତତା ପରିସ୍ଥିତି ସୃଷ୍ଟି ହୋଇଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲକ୍ଷ୍ମାଦ୍ୱୀପ ଯାଇ ଲୋକମାନଙ୍କୁ ଏଠାକୁ ଯିବାକୁ ନିବେଦନ କରିବା ଦିନଠାରୁ ଏହି ବିବାଦ ଜାରି ରହିଛି। ଏ ସମ୍ପର୍କରେ ମାଲଦ୍ୱୀପ ରାଷ୍ଟ୍ରପତି ମହମ୍ମଦ ମୁଇଜୁ ସରକାରର କିଛି ମନ୍ତ୍ରୀ ଏହା ଉପରେ ଅତ୍ୟଧିକ ଅଶ୍ଳୀଳ ତଥା ଆପତ୍ତିଜନକ ପୋଷ୍ଟ କରିଥିଲେ। ଏହା ପରେ ମାଲଦ୍ୱୀପ ବିରୁଦ୍ଧରେ ଦୃଢ ବିରୋଧର ଲହରୀ ଭାରତରେ ସୋସିଆଲ ମିଡିଆରେ ବ୍ୟାପିବାରେ ଲାଗିଲା ଏବଂ ଏହାର ପ୍ରଭାବ ସ୍ପଷ୍ଟ ଦେଖାଯାଉଥିଲା।
{"width":750,"height":563}
ଏହି ସମୟ ମଧ୍ୟରେ ସୋସିଆଲ ମିଡିଆରେ ବଏକଟ୍ ମାଳଦ୍ୱୀପ ହ୍ୟାସଟ୍ୟାଗ୍ ବହୁତ ଟ୍ରେଣ୍ଡ କରୁଥିଲା । ବହୁ ସଂଖ୍ୟକ ଭାରତୀୟ ମାଳଦ୍ୱୀପ ଯାତ୍ରାକୁ ବାତିଲ କରିବାକୁ ଲାଗିଲେ। ମାଳଦ୍ୱୀପ ରାଷ୍ଟ୍ରପତି ମୁଇଜୋଙ୍କ ଆଭିମୁଖ୍ୟ ମଧ୍ୟ ଭାରତ ବିରୋଧୀ। ଏକ ଟ୍ରାଭେଲ କମ୍ପାନୀ, EaseMyTrip, ଏପରିକି ମାଲଦ୍ୱୀପକୁ ବିମାନ ବୁକିଂ ବନ୍ଦ କରିଦେଲେ । ଅନେକ ସେଲିବ୍ରିଟି ମଧ୍ୟ ମାଲଦ୍ୱୀପ ଯିବା ପରିବର୍ତ୍ତେ ଭାରତର ସୁନ୍ଦର ସ୍ଥାନ ଅନୁସନ୍ଧାନ କରିବାକୁ ଲୋକଙ୍କୁ ନିବେଦନ କରିଥିଲେ। ଏହି ବିବାଦ ମଧ୍ୟରେ ଲକ୍ଷ୍ମାଦୀପରେ ପର୍ଯ୍ୟଟକଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଇଛି।
wp:embed {"url":"https://www.prameyanews7.com/ahead-of-budget-session-union-govt-calls-all-party-meeting-today/","type":"wp-embed","providerNameSlug":"prameya-news-7"}
