ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆସୁଛି ଆଉ ଏକ ଲଘୁଚାପ ! ୮ରୁ ବର୍ଷା ସମ୍ଭାବନା
  • ||
  • ପଦ୍ମପୁର ଉପନିର୍ବାଚନ : ନେତା ବାଛିବେ ଜନତା, ଭୋଟ ଦେବେ ୨ ଲକ୍ଷରୁ ଅଧିକ ଭୋଟର
  • ||

‘ବିଗ ବସ୍‌-୧୬’ରେ ଏଣ୍ଟ୍ରି କରିବେ ‘କାମ୍‌ନା’ ଫେମ୍ ଚାନ୍ଦନୀ, ଖୁବ୍‌ଶୀଘ୍ର ହେବ ପ୍ରିମିୟର ସୋ’

27/09/2022 at 9:23 AM

ମୁମ୍ବାଇ ୨୭/୦୯: ଆସନ୍ତା ୧ ତାରିଖରୁ କଲର୍ସ ଚ୍ୟାନେଲ୍‌ରେ ପ୍ରସାରିତ ହେବ ବହୁଚର୍ଚ୍ଚିତ ଶୋ’ ‘ବିଗ୍‌ ବସ୍‌-୧୬’ । ପ୍ରିମିୟର ତାରିଖ ପାଖେଇ ଆସୁଥିବାବେଳେ ଚଳିତ ସିଜନ୍‌ର ପ୍ରତିଯୋଗୀଙ୍କ ବିଷୟରେ ଜାଣିବା ପାଇଁ ଦର୍ଶକଙ୍କ ମଧ୍ୟରେ ଉତ୍ସାହ ବଢ଼ିବାରେ ଲାଗିଛି । ପୂର୍ବରୁ ଏ ସିଜନ୍‌ର ପ୍ରଥମ ପ୍ରତିଯୋଗୀ ରୂପେ ଗୌତମ ଭିଗଙ୍କ ନାଁରେ ମୋହର ବାଜିଥିଲା ।

ସଦ୍ୟ ରିପୋର୍ଟ ଅନୁସାରେ, ‘ବିଗ୍‌-ବସ୍‌-୧୬’ର ୨ୟ ପ୍ରତିଯୋଗୀ ହେଉଛନ୍ତି ‘କାମ୍‌ନା’ ଅଭିନେତ୍ରୀ ଚାନ୍ଦନୀ ଶର୍ମା । ୨୦୧୯ ମସିହାରେ ‘ଡାର୍କଲାଇଟ୍‌’ ଜରିଆରେ ସେ ଅଭିନୟ କ୍ୟାରିଅର୍‌ ଆରମ୍ଭ କରିଥିଲେ । ଏହା ପରେ ‘ଇସ୍କ ମେଁ ମର୍‌ଜାୱାଁ-୨’ରେ ଇଶାନୀ ଭୂମିକାରେ ନଜର ଆସିଥିଲେ । ଧାରାବାହିକ ‘କାମନା’ ଜରିଆରେ ଅଭିଷେକ ରାୱତ ଓ ମାନବ ଗୋହିଲଙ୍କ ଅପୋଜିଟ୍‌ରେ ସେ ଲିଡ୍‌ ଲେଡି ଭାବେ ନଜର ଆସିଥିଲେ ।

‘ବିଗ୍‌ ବସ୍‌-୧୬’ ଚାନ୍ଦନୀଙ୍କ ପାଇଁ ନିଶ୍ଚିତ ଭାବେ ଗେମ୍‌ ଚେଞ୍ଜର୍‌ ହେବ । ତେବେ ଚୂଡ଼ାନ୍ତ ପ୍ରତିଯୋଗୀଙ୍କ ପାଇଁ ଶୋ’ର କୌଣସି ପ୍ରୋମୋ ଏପର୍ଯ୍ୟନ୍ତ ଜାରି ହୋଇନାହିଁ । କିନ୍ତୁ ‘କୁବୁଲ୍‌ ହୈ’ ନାୟିକା ସୁରଭି ଜ୍ୟୋତି, ‘ଇମ୍‌ଲି’ ଫେମ୍‌ ସୁମବୁଲ୍‌ ତୋକିର ଏବଂ ଟିନା ଦତ୍ତା, ଶ୍ରୀଜିତା ଦେ, ଫିଲ୍ମମେକର୍‌-ନିର୍ଦ୍ଦେଶକ ସାଜିଦ ଖାନ୍‌ଙ୍କ ନାଁକୁ ନେଇ ଖୁବ୍‌ ଚର୍ଚ୍ଚା ହେଉଛି । ନିକଟରେ ମୁକ୍ତିପ୍ରାପ୍ତ ଟିଜର୍‌ରେ ଶୋ’ର ହୋଷ୍ଟ ସଲମାନ୍‌ ଖାନ୍‌ ଏହାର ଥିମ୍‌ ବିଷୟରେ ଖୁଲାସା କରିଥିଲେ । ସେ କହିଥିଲେ ‘ଏଥର ବିଗ୍‌ ବସ୍‌ ନିଜେ ଖେଳିବେ ସିଜନ୍‌-୧୬’ । ନୂଆ ଥିମ୍‌ ଦେଖିବା ପରେ ଦର୍ଶକ ଅପ୍‌କମିଙ୍ଗ ସିଜନ୍‌କୁ ନେଇ ଖୁବ୍‌ ଉତ୍ସାହିତ ଅଛନ୍ତି ।

   Related Posts